Xabier Madina abeslari ohia hil da

  • Irailak 7 goizean hil da. Bakarlari moduan nahiz musika taldeetan aritutakoa zen Madina.

Artikulu hau CC BY-SA 3.0 lizentziari esker ekarri dugu.

2016ko irailaren 07an - 12:03
Xabier Madina 2008ko argazki batean.

Xabier Madina (Bilbo, 1945) abeslari ohia hil da gaur, irailak 7, goizean. Bere bizitzako lehen bost urteetan Bilbon bizi izan bazen ere, ondoren Azpeitira etorri zen familiarekin. Musika izan zuen afizio eta inoiz ofizio nagusi urte askoan. Horrela egin zen ezagun, urte luzez abestaria izan baitzen Madina. 

Sei urte zituela solfeoa ikasten hasi zen, baina gerora alde batera utzi zuen, eta "musikarako oso belarri ona" izateaz baliatu behar izan zuen. Ez zen kantautorea izan, besteek egindako abestiak kantatzen baitzituen. 1967an, Bergarako jaialdi batean parte hartu, euskarazko abesti bat eta frantsesezko beste bat kantatu, eta festibala irabazi zuen.

Musika munduko bere lehen pauso garrantzitsua 1969an eman zuen. Urte hartan, Luis Iriondo produktore azkoitiarraren deia jaso zuen, hark Azpeitian oso ondo abesten zuen mutil bat bazela entzuna zuelako. Halaxe sartu zen musika munduan. 

Profesional gisa abesten hasi aurretik, Juan Mari Lasa eta Luis Mari Galdosekin El Trio Belter deitutako hirukoa osatu zuen. Urteak aurrera, Egan taldeko Jose Luis eta Alberto Frantzesena anaiekin, Iñaki Arenasekin eta Xabier Saldiasekin ere aritu zen kantuan. 

1975 inguruan Akelarre taldean sartu zen Madina. Urtean 200 jaialdi egitera iritsi ziren, berbenaz berbena, Euskal Herrian. 1982an utzi zuen taldea. 

2008. urtean Xabier Madinaren ibilbidetik errepasoa egin zuen Uztarriak, aldizkariko 'Atzera begira' atalean. Hemen erreportajea irakurgai.

Albiste hau Uztarriak argitaratu du eta CC-by-sa lizentziari esker ekarri dugu ARGIAra


Kanal honetatik interesatuko zaizu: Musika
2024-03-24 | ARGIA
Korrika: 23 edizioetako kanten bilduma

43 urte igaro dira AEK-k lehenengo Korrika antolatu zuenetik 1980an. Lekukoak egindako ibilbideen, leloen, abestien eta omendutako pertsonen errepasoa jarraian.


2024-03-24 | Lander Arretxea
Musika iruditan (I)
Bideoklipei begira, lentearen beste aldetik

Mundualdi honen soinu-banda osatzen duten abesti gehien-gehienek propio filmatutako irudiak izan ohi dituzte: bideoklipak. Musikariengandik oso gertu, ikus-entzunezko egileen belaunaldi gazteago batek lan horretan aurkitu du zineman edo telebistan ez duen hori: trebatzeko... [+]


Anari Alberdi. Zazpigarren azalberritzea
"Nire eremua soziopoetika da"

Martxoaren 1ean elkartu gara Anarirekin, Giza zarata argitaratu eta biharamunean. Andoaingo poligono batean egin dugu hitzordua: han dauka taldeak entsegu-gela. Poster zaharrez eta instrumentuz inguratuta hitz egin dugu, alboko gelakoen erritmoez lagunduta. Larunbatean, hilak... [+]


2024-03-17 | Xalba Ramirez
'In' salto mesedez

Katuzaldia
Ezezez
Autoekoizpena, 2023

----------------------------------------------------

Inoiz ez dut jakin oso ondo zein den “rollo british” musikan, sekula ez naizelako bereziki zalea izan, akaso. Ezezez entzutean, ordea, ez dut dudarik zer esaten duten... [+]


Eguneraketa berriak daude