Larunbat honetan Xabier Leteren omenezko kantaldia egingo da Usurbilgo (Gipuzkoa) Oiardo Kiroldegian, Jexux Artze kultur elkarteak antolatuta. Haren hitzak eta musika uztartuko dituzte jaialdian Antton Valverdek, Pier Paul Berzaitzek, Amaia Zubiriak, Pettik, Paco Ibañezek eta Joxean Artzek. Emanaldia 22:00etan hasiko da.
ARGIAk kantaldi berezi horretaz gozatzeko aukera eskaini nahi die bere harpidedunei. Hamar sarrera zozketatuko ditugu, bost harpidedunentzat bina. Zozketan parte hartzeko 943-371545 telefono zenbakira hots egin ala idatzi mezu bat sustapena@argia.eus helbidera, ostiral eguerdia (12:00) baino lehen. Bost irabazleen izenak 13:00ak aldera jakinaraziko ditugu, eta orduan jarriko gara harremanetan beraiekin.
- Irakurri Usurbilgo Noaua! aldizkariak kantaldiari buruz plazaratutako artikulua (PDF).
Kantu eta Hitza zikloa antolatzen du urtero Iruñeko Udalak. Aurten, kontzertuak Alde Zaharreko O plaza eder eta (gaurkoan) eguzkitsuan dira. Nafarroa Garaiak egun duen ahots ahaltsuenetako baten txanda izan da honakoan: Petti. Kontzertuaren eremura hurbildu ahala ikusi... [+]
Kultura ezinbestez defendatu eta elikatu behar dugu altxorra eta bizipoza delako. Eta aurten ere, oztopoak oztopo, Mutrikuko Rock Kolektiboak antolatu du AbenduRock jaialdia: dokumentalak eta kontzertuak gaztetxean eta kiroldegian. Horiek guztiak profesionaltasun eta mimo handiz... [+]
Lan bikaina egin du Pettik, orain arte egin duen diskorik biribilena, osoena, berak ere hala onartu du. Bai musikaren aldetik, doinuak, musika tresnen erabilera, moldaketak eta ekoizpena, bai hitzen eta mezuen aldetik.
Doinua, poesia eta pentsamendua batzen ditu diskoak... [+]
Berako bakarlariak Tolosan emango duen kontzertu bakarrean erregistratuko du bakarkako zazpigarren diskoa izango dena.
Beran badakite Borrokanekin zer daukaten, agian gainontzeko guztiak ez gara enteratu oraindik. Laster iristekoa da Bidasoaldekoen disko berria. Kanta bat sarean entzun daiteke jada.