Vox-en ekitaldien aurka mobilizatu dira Iruñean, Gasteizen eta Irunen

  • Iruñean eta Gasteizen izan da Santiago Abascal, eta bertaratu direnek faxistak kanpora edota faxismoaren aurrean, langile antolakuntza gisako oihuak egin dituzte. Irungo ekitaldiaren aurka egin dutenak identifikatu eta miatu ditu Ertzaintzak.


2023ko maiatzaren 15an - 11:44
Azken eguneraketa: 12:49
Dozenaka lagun elkartu dira Gasteizen, Vox-en ekitaldiaren aurka. (Argazkia: El Correo)

Iruñean, Gasteizen eta Irunen ekitaldiak egin ditu Vox alderdi ultraeskuindarrak asteburuan, eta horien aurka mobilizatu dira hiru hirietan.

Larunbatean izan dira Gasteizko eta Irungo ekitaldiak. Gasteizen NH Canciller Ayala hotelean izan da, eta, besteak beste, Santiago Abascal Voxeko presidentea izan da bertan. Ekitaldiaren aurka, Faxistak kanpora lelopean dozenaka gazte elkartu dira hotelaren aurrean. Faxistak kanpora, NH faxista y cómplice eta Faxismoaren aurrean, langile antolakuntza gisako oihuak egin dituzte.

Hala Bedik jaso duenez, ekitaldia hasi aurretik Udaltzaingoak moztua zuen Ramón y Cajal kalea, eta Ertzaintza ere bertaratu da. Mitina bukatu ondoren, barruan egondako zenbait pertsonak kanpoan zeudenak probokatzen saiatu dira, keinuak eginez eta "Viva España" gisako oihuak botata. Tentsioa egon da Ertzaintzaren eta protesta egin dutenen artean, baina ez da istilurik izan.

Irunen, identifikazioak eta miaketak

Irunen, berriz, 12:00etarako zuten hitzordua jarrita Alberto Anguera plazan, baina ordubete lehenagorako ekitaldiaren aurka bertaratutakoak identifikatu eta miatu ditu Ertzaintzak. Gedarrek jaso duenez, Voxeko kideek plazatik alde egin dute.

Iruñeko ekitaldia igandean izan da, eta bertan ere izan da Abascal. NH Iruña Park hotelean egin dute hitzordua, eta haren aurka elkarretaratzea egin dute Faxismoaren aurrean, antolakuntza komunista lelopean.

Bilbon, asteartean egingo du ekitaldia alderdi ultraeskuindarrak. Ercilla hotelean izango da, 18:30ean, eta bertan izango da Jorge Buxadé Vox-eko eurodiputatua eta Acción Políticako presidenteordea.


Kanal honetatik interesatuko zaizu: Faxismoa
Etxebizitza merkantzia bihurtuta, ultraeskuinari atea ireki dio Europak

Etxebizitzen eta alokairuen prezioek mugarik gabe jarraitzen dute gorantz eta milioika lagun egoera oso prekarioan utzi ditu horrek: gazteek ezin dute emantzipatu, herritar asko euren auzotik ostikoka bota dituzte, eta beste askorentzat infraetxeak partekatzea da irtenbide... [+]


Faxismoari stop!

Ekainaren 9an Europako hauteskundeak izango dira, herritarrei gutxien interesatzen zaizkigun bozketak, antza, nahiz eta jokoan asko dugun. Agertzen zaigun panorama, gainera, ez da batere baikorra, ultraeskuinaren aurreratze nabarmena aurreikusten baita. Faxismoari aurre egitera... [+]


Cuelgamuroseko indusketetan eskuin muturraren presio eta sabotaiak salatu dituzte auzitegi-medikuek

Madrilgo Cuelgamurosen, Erorien Harana deituriko monumentuan arkeologoak egiten ari diren indusketetan etengabe ari dira jasaten eskuin muturreko jendeen presioa, hala adierazi du Pako Etxeberria auzitegi-medikuak. Egunotan, biktima errepublikarren senideek bisitatu ahal izan... [+]


2024-03-28 | David Bou
‘La xarxa ultra’

ARGIArekin azken kolaborazioa egin nuenetik lau hilabete igaro direnean, testu honen bidez nire iritzi-artikuluei berriro heldu diet, baina azalduko dizuet zergatik alde egin dudan denboraldi honetan aldizkari maitagarri honen orrialdeetatik.

Otsailaren 20an La xarxa ultra... [+]


Eguneraketa berriak daude