Orban ultraeskuindarra garaile berriz ere Hungarian
Hungariako lehen ministroak laugarrenez irabazi ditu hauteskunde nagusiak. Fidesz alderdiak botoen %54 lortu du, eta sei alderdik osatu duten oposizioko koalizioak %33, botoen %92 zeudenean zenbatuta.
Parlamentuak dituen 199 eserlekuetatik, Fidesz alderdiko kideenak izango dira 135, eta oposizioarenak 56. Gobernuak, hortaz, gehiengo osoa mantenduko du. “Garaipena agian ez da ilargitik ikusiko, baina Bruselatik ziur baietz”, adierazi du ironiaz Viktor Orbanek, erreferentzia eginez Europar Batzordeari, zeinak Hungaria zigortu duen, Gobernuak pasa den urtean onartu zuen lege homofoboagatik. Pedofiliaren aurka egiteko aitzakiarekin, lege horrek besteak beste jasotzen du hedabideetan zein ikastetxeetan debekaturik dagoela homosexualitateaz edo sexu aldaketaz hitz egitea.
Hainbat adituk azaldu duenez, Ukrainako gerrak Orbanen figura indartu du, egonkortasunaren berme bezala agertu delako garai nahasietan. Zentzu horretan, lehen ministro hungariarrak EBk Errusiari jarritako isunak babestu ditu, baina Ukrainari armak ematearen aurka agertu da.
Libri liburu-saltzaile eta argitaletxeak plastikozko zorroetan bilduko ditu LGBTI+ edukia duten liburuak. Helburua da dendetan liburuak ez irekitzea, 2021eko “haurren babeserako” legean oinarrituta.
Europan horrelako lege bat onartzen den lehen aldia da. Transexualen eta intersexualen eskubideen aurkako lege horrek nazioarteko giza eskubideen aldeko ekintzaileen alarma guztiak piztu ditu, erasoak jasateko arriskuan jartzen baititu.
Hungariako parlamentuak astelehen honetan onartu du koronabirusaren aurka egiteko aitzakipean Viktor Orban lehen ministroaren gobernuari botere ia mugagabea ematen dion lege-aldaketa. Oposizio guztia agertu da herrialdea gobernatzen duen politikari ultraeskuindarrak hartutako... [+]
Maiatzeko europar hauteskundeak begi bistan, Italiako Barne ministro Matteo Salvinik Europako alderdi xenofoboen liga eraikitzeko proposamena luzatu du. Apirilaren 4an zenbait alderdi ultraeskuindarrekin batera Milanen konferentzia egin zuen. Ikusteko dago Marine Le Pen... [+]