Errefuxiatuak zangotrabatu zituen Petra Laszlo kazetaria absolbitu dute

  • 2015ean polemika handia eragin zuen mundu osoan Petra Laszlo kazetariak egindakoak: giltzapean zeuzkaten eremutik ihes egiten ari zen errefuxiatu-talde baten berri ematen ari zen N1 telebista hungariarrarentzat –eskuin muturretik hurbil dagoen hedabidea– eta irudi batzuek erakutsi zuten nola errefuxiatu horietako batzuk zangotrabatu zituen. Ekintza horrengatik absolbitu berri dute.

ARGIA @argia
2018ko urriaren 31
Polemika handia eragin zuen Petra Laszlo kazetariaren portaerak 2015ean.

Serbia eta Hungariaren arteko mugan gertatzen ari zena kameraz jasotzen ari zen Petra Laszlo 2015eko irailaren 8an. Muga horretako eremu batean giltzapean zeuzkaten ehunka errefuxiatu eta haietako batzuk ihes egiten hasi ziren. Poliziarengandik ihes zihoazen pertsona horietako batzuk zangotrabatu zituen Laszlok, baita beste batzuei ostikoak eman ere.

Orain, Hungariako Auzitegi Gorenak ebatzi du Laszlok ez zuela inolako deliturik egin. Absolbitu egin dute beheko bideoan egindako ekintzengatik.

Aurretik, bandalismoa leporatuta hiru urteko baldintzapeko askatasuna ezarri zioten N1 telebista kateko kazetari ohiari. Eskuin muturretik gertu dagoen hedabide horretatik bota zuten mundu osoan zabaldu zen bideo polemikoaren ondoren.

Hungariako Auzitegi Gorenaren erabakiaren berri eman du Aragoiko Arainfo hedabideak. Bertan irakurtzen denez, auzitegiak uste du Laszloren jokabidea ez zela delitua izan, portaera bidegabetzat jo duen arren, “moralki zentsuragarria” eta “legeak zigortu dezakeena”. Hala ere, epaile hungariarren ustez zigortzeko modukoa litzatekeen delituak dagoeneko preskribatu du eta beraz ez diote Laszlori zigorrik jarriko.

Grabazioetan ikusi zenez, kazetariak neska bati jo zion hankarekin. Ondoren, Osama Abdul errefuxiatuari eta besoetan zeraman haren semeari zangotraba egin zion. Epaileen arabera, ordea, Laszloren portaera ez da “antisoziala”, ezta “komunitatearen aurkakoa” ere eta beraz, ezin da, haien ustez, bandalismotzat jo.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal hauetan artxibatua: Errefuxiatu krisi globala  |  Hungaria  |  Eskuin muturra

Errefuxiatu krisi globala kanaletik interesatuko zaizu...
2019-03-20 | ARGIA
50 lagun itsasotik erreskatatu dituen barkua konfiskatzeko agindu du Italiako Gobernuak

Mare Jonio barkua konfiskatzeko agindu du Italiako Gobernuak, itsasontzi horrek astelehen honetan 50 lagun erreskatatu ondoren. Italiako bandera dauka barkuak eta Mediterranea Saving Humans proiektuko partaidea da.


Erri Barriuso, Open Arms erreskate-ontziko langilea
"Estatuek egin beharko luketen lana egiten dugu"

Urtarrilaren 8an blokeatu zuten Open Arms erreskate-ontzia Bartzelonako portuan. Adierazi dutenez, itsasoan egoera larrian dagoen jendea naufragoa da, eta derrigorrez jaso beharra dago; bestalde, emigrazioa argudio politikoa dela eta estatuek hala baliatzen dutela dio Proactiva Open Arms taldeak. Gobernuz Kanpoko Erakunde horrek 2015ean ekin zion jardunari, eta ordutik milaka pertsona erreskatatu ditu. Bertako langilea den Erri Barriusogaz egon gara.


2019-02-15 | Irutxuloko Hitza
Donostiako autobus geltokian atzerritarrei pasaportea eskatzen dietela salatu dute

Donostiako Harrera Sareak eta SOS Arrazakeriak salatu dutenez, autobus geltokian pasaportea eskatzen diete atzerritarrei bidaiatzeko. Estatu barruko leku batera nahiz Schengen eremuko beste estatu batera doazenean ere eskatzen diete. Autobus konpainien jokabidea da salatu dutena. “Hemen ez dago halako araudirik; beraz, autobus konpainiek hartutako erabaki bat da», esan du Peio Aierbek, Gipuzkoako SOS Arrazakeriako kideak. 


1.595 pertsonak eskatu zuten asiloa iaz Araba, Bizkaia eta Gipuzkoan, CEARek salatu duenez

CEAR kexu da Espainian inoiz baino asilo-eskaera gehiago egon diren urtean, 54.000, aldeko ebazpenen portzentajea % 35etik % 24 murriztu delako. Astearte goizean, Iheslariak Laguntzeko Espainiako Batzordeak (CEAR),prentsaurreko batean, 2018an Espainiako Estatu osoan erregistratu ziren asilo-eskaeren datuak aurkeztu ditu.


Muga baino, helmuga
Azken sei hilabeteetan, 5.500 pertsona artatu ditu Irungo Harrera Sareak. 2.000 gurutze jarri ditu Sortuk Donostiako Kontxa hondartzan, iaz Mediterraneoan itota hil zirenak bezainbeste.

Manifestazioa deitu dute Donostian iganderako "Inor ez da ilegala" lelopean

Manifestazioa deitu dute otsailaren 3rako Donostian "Inor ez da ilegala" lelopean. "Migrazioak ohiko fenomenoa direla jakitun gara, baina 2018an ikusi dugunarekin aurrera begira modu iraunkorrean gure herrietan eragin nabarmena izango duen gertaera dela uste dugu".


2019-01-22
Napolitarrek itsasoan dauden migranteei zuzendutako eskutitzak
MULTIMEDIA - bideo herrikoia

Napoliko herritarrek itsasoan dauden migranteei zuzendutako eskutitzak jaso zituzten Fanpage.it hedabidean. Edukia ikusita, herritarrak jarri zituzten beren mezuak irakurtzen eta emaitza ondorengo bideoa da.

Itzulpena: Eneritz Arzallus


2019-01-13 | Axier Lopez
Artea Herriko Benta
Mugalarien Artea

Erroldak dio 750 lagun bizi direla Bizkaiko Artean, Arratiako paisaia berdez eta erro zaharreko baserri eta dorretxez inguratua. Plaza txikia bezain bizia du. Txoko batean, Mauriziaren irudiaren aurrean, kontu kontari ari dira herriko zaharrenak. Alboko dendan, Xsaqarik diotso arropa konpontzen diharduen emakumeak nebari. Aurrean dute haur aljeriarra, lagun georgiarra txirristatik noiz jaitsiko. Eta tabernan, kide amazigak egindako ogia pasa dio zerbitzari perutarrak sukaldari mexikarrari,... [+]


Burokraziak zenbaki bihurtuta

Ehunka lagun kalean lotan. Gauak bata bestearen atzetik. Hotza eta euria lagun. Gisa horretan asteak pasatzen ari dira Madrilen ehunka migratzaile. Asilo eskaera bideratzeko bere txanda noiz helduko denaren zain. Ume, heldu zein adineko. Egunero Espainiako Poliziak pertsona bakan batzuk baino ez ditu artatzen, gainerakoak kale gorrian utzirik. Burokrazia eta gizatasuna. Konpondu ezinezko bikotea. Irudian: Bi lagun, gauari aurre egiteko prest, plastikopean atertuta.


Ikusezinak

Beren begiradak, bisaiak, eskuak dira ikusezinak. Baina baita beren zauriak, ametsak eta historiak ere. Isilpeko siluetak. Emakume, gizon eta ume tankerako mantak. Begien bistakoaren parte, inork ikusten ez duen horrena.


Azkenak
EGILEA
Eguneraketa berriak daude