Venezuela, eszenatoki berrien zain

  • Maduro presidentearen gobernuak egindako akats estrategiko larriak onartuta ere, Mendebaldeko iruditeria kolektiboan bakarrik existitzen den fenomeno gisa ulertu behar da “Juan Guaidó fenomenoa”. Fenomenoa baino, AEBen apustua.

Ibai Trebiņo @ibaitrebino
2019ko martxoaren 15a
Argazkia: Ibai Trebiņo

Hiru astez mobilizatu gabe izan ondoren, Guaidók ordezkatzen duen oposizioa martxan jarri da berriz ere. Horretan mundu osoko komunikabideen rola nabarmendu behar da, biek –oposizioa eta komunikabideak– estrategia bateratua baitute: Presidente konstituzionalari zilegitasuna kendu eta plaza batean bere burua hala izendatu zuen pertsona bat "presidente ahalguztiduntzat" aurkeztea mundu osoari. Surrealista dirudi, baina bereziki arduragabea da, jakinda botere politiko eta militarra chavisten esku dagoela. Jakin badakite gainera irtenbide politikoa ez dela helduko chavistak baztertuz.

Oposizioak indarra duela ezin da ukatu, baina Asanbladako presidenteak historikoki oposizioak pairatu duen zatiketa irudikatzen du egun, bereziki interbentzio militarra eskatu duten momentutik. Horrek, jendartean –opositoreak barne, noski– gaitzespena eragiten du, “Guaidó fenomenoa” pixkanaka hustuz. Bestalde, Guaidóren oposizioak ezin izan du baliatu eta kudeatu “elektrizitatearen krisia” eta egunotan antolatutako mobilizazio txikiak dira horren erakusle.

Guaidóren mezuari erreparatzea interesgarria da. Venezuelako beste politikari guztiek ez bezala, bere diskurtsoak atzerritar batena dirudi –Venezuelan ohikoa den umore edo ziri eza adibidez–, haren hitzek herrialdetik milaka kilometrora idatzitakoak dirudite. Edonola ere, Guaidóren hitzartzeak ez dira historiara pasako duten mailagatik.

Badirudi egoera aldatu daitekeela dirudi eta herrialdearen politika zerotik berrabiatzera doa. AEBek iragarritako "aukera guztiak mahai gainean daudela" dioen tesiaren zirkulua ixtera doa, eszenatoki berriak ekarriz. Ziurrenik aukerarik bortitzenak edo behintzat oraingo egoera baino bortitzagoak.

Balizko eszenatoki horien artean, Kolonbiako mugako egoerak rolik inportanteena jokatu dezake. Azken asteetan, esaterako, Kolonbiako bake prozesuaren ondorioz desmobilizatutako talde paramilitarrek arazo ugari eragin dute, bereziki Tachira estatuan, non Venezuelako indar militarren kontrola ez den erabatekoa. Bestalde, Kolonbiako talde paramilitar aktiboen infiltrazio saiakerei so egin beharko zaie. Porrot egindako Kolonbiako bake prozesutik irten berri diren gerrilen jarrera –ELN edota FARC– erabakigarria izan daiteke, iraultza bolibartarrarentzat ezezik proiektu bolibartar kontinentalarentzat ere.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Venezuela

Venezuela kanaletik interesatuko zaizu...
2019-03-13 | Ibai Trebiņo
Caracas, krisirik sakonenean murgilduta dagoen hiria

"Azken 200 urteetan izandako erasorik handiena" batzuen arabera, "historiako egoerarik latzena" besteen iritziz. Bizitzak eta agenda politikoak ez dute etenik seigarren egunez ur gabe bizi den hiriburuan.


2019-03-12 | Ibai Trebiņo
Emakume indigenaren borrokak argitu du Venezuela

Laugarren egunez argi-indarrik, urik eta komunikaziorik gabe jarraitzen duten arren, Kolonbiako mugan dagoen Apure Garaiko eskualdeko mugimendu politiko eta militarrek mobilizatuta jarraitzen dute. Hainbat mobilizazio egin dute azken egunetan, besteak beste Martxoaren 8koa.


Haiti ez da Venezuela

Bizimoduaren etengabeko garestitzea, krisi ekonomiko eta soziala, denetariko eskasia, herritarren erdia gosearen mugan, egiturazko ustelkeria. Haitiarrek, enegarren aldiz, aski dela esan dute eta kalera atera dira.


2019-03-01 | Ibai Trebiņo
Venezuelari elkartasuna adierazteko agenda bateratua sortu dute Caracasen bildutako nazioarteko 400 ordezkarik

Hiru egunez, Caracasen mundu osoko 400 ordezkari baino gehiago elkartu dira Herrien Nazioarteko Asanbladan, tartean Euskal Herritik etorritakoak.


2019-02-26 | ARGIA
La Haine hedabideko kazetari bati ez diote Panamatik Venezuelara joaten utzi

Jorge Correa, “Boro” ezizenez ezaguna, Panamako aireportuan atxiki eta kanporatu egin dute. Kazetariak Venezuela zuen helmuga, Herrien Nazioarteko Asanbladara baitzioan.


2019-02-17 | Juan Mari Arregi
Kolpisten xantaia ekonomikoak

Zuzenean ari gara jarraitzen sistema politiko kapitalista eta kolpista baten saiakera, Venezuela ekonomikoki geldiarazi eta miseria, gosea eta konfrontazio zibila sortzeko, modu horretan haien esklabo bat boterean jartzea justifikatzeko.


Venezuelaren ehiza

1999an Hugo Chavez boterera iritsi zenetik ezkerreko gobernu soberanistaren kontrako gerra amaigabea egon da martxan, intentsitate desberdinekin unean uneko botere korrelazioaren arabera. Arazoa ez da 2018ko hauteskunde presidentziala, arazoa chavismoaren proiektu burujabea da. Horregatik, AEBek eta Venezuelako burgesia handiek ez dituzte onartu chavismoak irabazi dituen hauteskunde desberdinak.

2002an oposizioak eta AEBak estatu kolpe bat ematen saiatu ziren. Nazioarteko botere oreka... [+]


2019-02-10 | Z. Oleaga
Hogei urtez inperialismoaren jomugan

Bi hamarkada bete berri dira 1999 urtean Hugo Chavezek lehendabizikoz hauteskundeak irabazi zituenetik. Ordutik, chavismoarekin amaitzeko saiakera ilegal edota kolpistak ugariak izan dira. Urtarrilaren 23tik indarrean dagoena estatu kolpe saiakera bat gehiago da, baina baita aspaldiko sendoena eta prestatuena ere. Zein da egoera? Nola heldu gara honaino?


2019-01-31 | Iņigo Igartua
Venezuelan legebiltzarrerako hauteskundeak deitzeko prest Maduro, Guaidok "zigor gehiago" eskatu dituen bitartean

Nicolas Maduro Venezuelako presidenteak adierazi du, presidentetzarako hauteskundeak ez dituela antolatuko, duela urtebete baino gutxiago egin zirela argudiatuz.


Azkenak
EGILEA
Eguneraketa berriak daude