Urte eta erdiko espetxe zigorra Sanferminetako talde bortxaketaren tour turistikoa iragarri zuen webgunearen sortzailearentzat
Gizonezko batek Sanferminetako talde bortxaketan girotutako bisita turistikoak iragarri zituen sarean. Bortxaketa pairatu zuen emakumearen integritate morala kaltetu izanagatik, urte eta erdiko espetxe zigorra ezarri dio Iruñeko 1. Zigor Epaitegiak.
Azaroaren 26an egin zuten Tour La Manada izeneko webgunearen sortzailearen aurkako epaiketa. Auzipetuak, 39 urteko gizonezkoak, 2016ko Sanferminetako talde bortxaketan girotutako bisita turistikoak iragarri zituen sarean; bost bortxatzaileek egin zuten bidea egitea proposatzen zuen webguneak, “La Manada taldeko bostek euren argazkirik famatuena egin zuten tokitik, Zezen Plazaren aurrean identifikatu eta atxilotu zituzten tokiraino”.
Akusazio partikularrak, integritate moralaren aurkako delitua eta gorroto delituak leporatuta, hiru urte eta hiru hilabeteko espetxe zigorra eskatu zituen akusatuarentzat, baita 4.050 euroko isuna eta 20.000 euroko kalte-ordaina ere. Fiskaltza, bere aldetik, absoluzioaren alde agertu zen.
Epailea bat etorri da akusazio partikularrarekin, bisita gidatuen iragarkiak, faltsuak izanik ere, bortxaketa pairatu zuen emakumearen “integritate morala” eta buru osasuna kaltetu duela iritzirik. Argudiatu du bortxaketaz geroztik emakumeak traumaren osteko estres sindrome kronikoa duela, eta webguneak larriagotu egin zuela. Adierazi duenez, webgunearen berri izateaz batera, emakumea medikatzen hasi behar izan zen berriz, eta ordutik maiatzera arteko tartea behar izan du “nolabaiteko normaltasun egoera” berreskuratzeko.
Ondorioz, Iruñeko 1. Zigor Epaitegiak urte eta erdiko espetxe zigorra eta 15.000 euroko kalte-ordaina ezarri dizkio auzipetuari.
Webgunearen sortzaileak bertsio berari eutsi dio hasieratik gaurdaino: “Hedabideek bortxaketaren auzian jokatu duten rola” salatzea zela bere asmoa. “Txantxa” bat zela argudiatu du, “biktimak berak eta haren abokatuak sinetsi” dutena.
Bortxaketa pairatu zuen emakumeak aldiz, webguneak “lotsa” eta “umiliazioa” sentiarazi zizkiola adierazi zuen epaiketan. “Nire lepotik trufaka ari zirela iruditu zitzaidan”, bere hitzetan. Horrek traumaren osteko estres sindromearen sintomak larriagotu zizikiola azaldu zuen; hala nola, antsietatea, palpitazioak, insomnioa eta goragalea.
Magistratuaren arabera, biktimak jakinarazitakoak argigarri dira ondorioztatzeko webgunea ez zela txantxa edo kritika soila, “biktimaren umiliazioa eragin zuen integritate moralaren kontrako delitu bat baizik”.
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana