Urtaranen martxoaren 8rako proposamena, zuriketa moreagatik bertan behera

  • Gasteizko alkateak hurrengo proposamena egin zien Udaleko gizonei: martxoaren 8ra begira, argazki bateratua atera eta Euskal Gizonen Karta sinatzea. Egun baten buruan, bertan behera utzi behar izan proposatutako ekimena, inork babestu ez duelako.


2019ko otsailaren 26an - 13:49
Gorka Urtaran, Gasteizko alkatea (Argazkia: Gasteizko Udala)

Hala Bedik astelehenean bertan eman zuen jakitera Urtaranek Gasteizko Udaleko gizonezko zinegotziei egindako proposamenaren berri. Arabako hiriburuko alkateak 2008an Gizonduz ekimenak publiko egindako “Berdintasunaren aldeko eta emakumeen kontrako indarkeriaren aurkako gizonen karta” aurkeztu zuen Gasteizko Udaleko Bozeramaileen Bilkuran, Udaleko gizonezkoek martxoaren 8ari begira berau sinatzea eta argazki bateratu bat ateratzea proposatuz. Ekimena martxoaren 7an burutzea zen Urtaranen asmoa, greba feministaren bezperan.

Egun bateko tartean, proposamena eskuetan, bakarrik geratu da Gasteizko alkatea. Izan ere, proposamena gaitzetsi egin dute bai oposizioko alderdiek –EH Bildu, Podemos eta Irabazik– , zein Mugimendu Feministak.

Zuriketa Morea

Hala Bedik adierazi duen modura, Urtaranek mahaigaineratutako testuak ez du bat egiten Mugimendu Feministak grebari begira aldarrikatzen duenarekin, sindikatu eta alderdi politikoei argi utzi baitiete ondoko eskaria: bestelako deialdiak albo batera utzi eta Mugimendu Feministak egindako deialdiekin bat egitea. Hala bada, Mugimendu Feministak zuriketa morea egiten saiatu izana leporatu dio Urtarani.

Ez da astebete igaro Gasteizko Udaltzaingoak Talka espazio feminista hustu zuenetik. Bertako kideen arabera, hustea martxoaren 8aren ateetan eman izana “ez da kasualitatea, Talka espazio erreferentzial bat baita emakume* guztiontzat". Publiko egindako idatzian adierazten zutenez, “herri mailako antolakuntzarako oinarrizkoak diren espazioei eraso egiten dieten bitartean, instituzioak aurpegi garbiketa kanpainari ekin diote”.

Iragan urteko greba egunari dagokionez, bestalde, kartelak jartzeagatik eta grebarako deia zabaltzeagatik ere, Gasteizko Udalak isunak jarri zizkion Mugimendu feministari.


Kanal honetatik interesatuko zaizu: M8 greba feminista
Greba feminista burutu dute Ipar Euskal Herrian

Frantziako Estatu mailan bideraturiko greba feministari lotu dira Ipar Euskal Herriko sindikatuak eta talde feministak ere. Soldatapeko lanean, zaintzan eta kontsumoan bideratu dute greba.


Kaleak betetzeko antolatu gaitezen

Hilabeteren buruan feministok emakume* langileon egunean kaleak hartzera aterako gara. Urteroko zita dugu, urtez urte gogoz antolatu eta prestatu duguna. Pasa den astean atzera begirada arin bat egin genuen Portugaleteko asanbladan, 2018ko eta 2019ko greba feministak... [+]


Gezurrak, iruzurrak eta manipulazioak Guardia Zibilak M8ko manifestazioaz idatzitako txostenean

Guardia Zibilak informazio faltsuak eta adierazpen manipulatuak sartu zituen M8ko manifestazioari buruzko txostenean, Espainiako Gobernuari pandemiaren hedapenaren errua leporatzeko, manifestazioa baimendu izanagatik. Txosten horrek ekarri du Moncloak Madrilgo erkidegoan duen... [+]


2020-03-09 | Zuriñe Rodriguez
Zuriketa morea Gasteiztik at

"Oso azkar goaz", "baina helduta goaz" esan zion emakume batek beste bati Gasteizko Olagibel kalean, justuki Ertzaintzaren komisaldegiaren parean. Eguerdiko 12:30ak ziren gutxi gorabehera. Aldi berean, toki berean, "Gora borroka feminista!" oihuak... [+]


Eguneraketa berriak daude