Bainu sasoian ur kutsakorren “milaka metro kubiko” bota omen dituzte Nerbioira, Erandio eta Getxoko auzo elkarteek, Eguzkik eta Ekologistak Martxanek adierazi dutenez.
Bilboko Ur Patzuergoak bere instalazioetatik ibarrera "ur beltzak eta hondakin-urak" botatzen dituela salatu dute Erandio eta Getxoko auzo elkarteek, Eguzki eta Ekologistak Martxan talde ekologistekin batera.
Erakundeek azaldu dutenez, azken urteotan "ohiko" bihurtu dira isurketa horiek; "osasun publikoan eta ingurumenean izugarrizko eragina izan arren", kexatu dira. Hilero, bainu-sasoian, Galindoko Araztegiak Bilboko itsasadarrera "milaka metro kubiko hondakin-ur" isuri dituela diote.
Ur Partzuergoak Lamiakon duen ponpaketa-geltokitik ere astero isurketak gertatzen direla salatu dute. Praktika horiek bertan behera uztea eta azalpenak ematea eskatu diete administrazioei.
2023an, karbono dioxido isuriek %5,3 egin dute behera Espainiako Estatuan. Gehien isurtzen duten hamar enpresen artean, bakarrak egin du gora, Iberia hegazkin konpainiak, %10,7ko igoerarekin. Kutsatzaileen zerrendan aurrena Repsol dago.
AEBetako ikertzaile-talde batek 62 giza karena edo plazenta analizatu ditu, gas-kromatografia eta masa-espektrometria baliatuta, eta frogatu du lagin guztietan mikroplastikoak zeudela. Toxicological Sciences aldizkariak argitaratu du ikerketa. Haren arabera, karen batzuetatik... [+]
Laborariak karrikara atera dira Europa osoan, bizi eta lan baldintza hobeak aldarrikatzeko. Mobilizazioek eragin duten krisi politikoari, pestizidak apaltzeko planaren gibelatzearekin iharduki dio Europako Batzordeak.
40 urtez zabortegi gisa erabilitako eremu batean ari dira eskola publikoa eraikitzen. Kutsadura arriskuak kontuan harturik, leku aldaketaren alde dabil borrokan Hats Berri Bat Arbonari deitu oposizioko taldea. 2024ko irailean abiatuko den ikasturterako bukatu nahi ditu obrak... [+]