18 udalerritan haurrak medikuarekin gaztelaniaz bakarrik hitz egin dezakete. Pediatren arazoa lehentasunezkotzat jo du Maren Belastegi Udalerri Euskaldunen Mankomunitateko lehendakariak. Bere ustez beharrezkoa da herri euskaldunetan euskarazko osasun zerbitzuak bermatzea. Ez da bete Osakidetzaren 2005-2011ko euskara planeko %30 ere, eta Osakidetzako langileen %75ek ez dute egiaztatua eskatutako euskara maila.
Nafarroan egoera nabarmen okerragoa dela adierazi du Belastegik. UEMAko beste ordezkariekin batera, gogor kritikatu du Osasunbideak ez duela inongo euskalduntze planik. Mankomunitateko kide diren hamalau udalerrietatik batek berak ere ez du bitartekorik oinarrizko osasun zerbitzua euskaraz eskaintzeko.
Ordezkapenak ere arazo dira euskararen erabilerarako. Mediku euskaldunak erdaldunengatik ordezkatuak izaten baitira.
Amaitzeko UEMAko lehendakariak esan du euskararen plan sendo bat diseinatu eta garatu behar luketela Osakidetzak naiz Osasunbideak, euskara eta euskaldunen hizkuntz eskubideak errespetatuak izan daitezen.
