Donostia tentsio handiko eremu izenda dezala eskatu dio udalak Jaurlaritzari
Izendapenak ohiko etxebizitzarako alokairuaren prezioen arautzea ekarriko du. Nolanahi ere, udal ordezkariek argi utzi dute, legediaren bitartez soilik, ezin izango zaiola aurre egin etxebizitzaren aferari. Ondo bidean, 2025eko lehen hilabeteetan indarrean sartzea aurreikusten dute.
Hilabeteak daramatzate tentsio handiko eremuaren izendapenari tiraka, eta, gaur, dokumentuak esku artean, Donostiako Udal Gobernuak eskaera ofiziala egin du: Eusko Jaurlaritzari eskatu dio hiria, bere osotasunean, tentsio handiko eremu izendatu dezala. Izendapen horren bitartez, udalak ohiko etxebizitzarako alokairuaren prezioen arautzea du helburu. Batik bat, azken urteotan areagotu diren alokairu igoerak ekiditea bilatzen du, baina udalean argi dute legedia ez ezik, bestelako tresnak ere erabili beharko dituztela etxebizitzaren aferari irtenbide bat topatzeko.
Donostiako alkate Eneko Goiak eta Hirigintza, Plangintza eta Etxebizitzako zinegotzi Nekane Arzallusek agerraldia egin dute eskaera iragarri eta izendapenaren arrazoiak azaltzeko. Donostia Tentsio Handiko Eremu izendatzeko irizpide nagusia hiriko etxebizitzen alokairuaren prezioak bermatu du, alkatearen arabera. Adierazi duenez, alokairuaren kostuak eta etxebizitzaren gastu gehigarriek familia bakoitzaren diru sarreren %30 gaindituz gero, izendapena jasotzeko moduan dago. Bada, Donostiaren kasuan, %31,6koa da adierazle hori.
Gauzak horrela, Goiak azaldu du udalak etxebizitzaren afera konplexuari irtenbide bat ematen saiatu dela legediaren bitartez. Nolanahi ere, argi utzi du etxebizitza soziala bultzatzea beharrezkoa izango dela alokairu eskuragarria sustatzeko: “Izendapena oso irtenbide soila da. Ez dezagun pentsatu honen bitartez, Etxebizitzak duen arazo konplexuari irtenbiderik jarriko diogunik”.
Alokairuei muga
Hirigintza, Plangintza eta Etxebizitzako zinegotzi Nekane Arzallusek azaldu duenez, ondorio nagusia “alokairu prezioen arautzea” izango da. Horretarako jabe txikien eta bost etxebizitza baino gehiago dituzten jabe handien arteko banaketa egin dute. Jabe txikiekin egindako kontratu berriei dagokionez, azken kontratuan ezarritako prezio berdinean mantendu beharko dute alokairua, eta soilik %10eko igoera egin ahal izango dute, betiere hamar urtetik gorako kontratua izanez gero, edo etxebizitzan bertan birgaitze lanak eginez gero.
Bost etxebizitzatik gorako jabe handien kasuan berriz, Erreferentzia Prezioen Indizeak ezarriko du alokairuaren zenbatekoa, etxebizitza aurretik alokatuta izan ala ez. Indize hori Etxebizitza eta Hiri Agendako Ministerioak ezarriko du, Foru Ogasunak emandako informazioarekin. Era berean kokalekua eta etxebizitzaren ezaugarriak kontuak hartuko direla zehaztu du Arzallusek.
Berehalako ondorioak
Donostiako Udalak 2023ko udaberritik darama tentsio handiko eremuaren izendapenarekin gora eta behera. Azken hilabeteotan, “lan handia” egin dela baieztatu du Goiak, udalbatzarrak hala onartuta, presazko bidearen bitartez egin baitituzte beharrezko dokumentuak. Udalak izapideak bideratu dituenetik, hain zuzen, etxebizitza merkatua aldatu egin dela baieztatu du Goiak: “Salto bat egon da, epe luzeko alokairutik, denboraldiko alokairuetara”. Udal teknikarien datuek berretsi dute informazio hori; izan ere, 2500 etxebizitza zeuden alokairuan 2022an; 2023an, berriz, 400 gutxiago ziren.
Epe laburreko kontratuen harira, Goiak gogorarazi du, erabilera epe luzekoa bada, “iruzurra” egiten ari direla. Udaletik, baina, ez dute inolako jarraipenik egingo, kontratu zibilak direla arrazoituta: “Ez dagokigu guri ikuskatzen lan hori egitea, bakoitzak salatu behar du halako egoera batean egonez gero”. Hain zuzen, Kaleratzeak Stop plataformak gida bat sortu du halako kasuak identifikatu eta salatzeko.
Atzo hasi ziren zabaltzen Iñaki Castro musika teknikariaren kontrako salaketak '@denuncias_euskalherria' kontuan, eta dagoeneko dozenatik gora emakumeren testigantzak bildu dira.
Donostiako Udalak Mikel Zabalza Garateren (1952-1985) omenezko plaka bat jarriko du larunbat honetan (hilak 30), Guardia Zibilaren Intxaurrondoko kuartelaren aurrean (Baratzategi kalea, 35). Guardia Zibilak gaurko egunez atxilotu zuen Zabalza, 1985ean, Altzako bere etxean... [+]
Horren nabarmenki izan ez bada ere, Gipuzkoako gainontzeko lurraldeetan ere gora egin du etxebizitzaren prezioak. Modu berean higiezinen salerosketa ere handiagotu egin da, antza inflazioaren eta interes tasen jaitsiera dela eta, Gipuzkoako Higiezinen Jabetzako Agenteen Elkargo... [+]
Mundu-mailan antifeministak eta arrazistak diren gorroto-diskurtsoak larriki areagotzen ari diren testuinguruan bizi gara. Mundu zabalean sare sozialek zein agenda
politikoek txertatzen dituzte eskuin-muturreko narratibak. Arrazismoa eta antifeminismoa tokian tokiko... [+]
Azaroaren 26an eta 27an, Langune Euskal Herriko Hizkuntza Industrien Elkarteak eta FUEN Federal Union of European Nationalities erakundeak antolatuta, ‘Hizkuntzen irabazia. Benefits of language industry in the economy’ kongresua egingo da Donostiako Kursaalean. Han... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.
Bere Telegram kanalaren bidez jakinarazi du ez dituela deialdi erreakzionario gehiago egingo oraingoz. Aurreko larunbatean, nabarmen egin zuen porrot Eason antolatu zuen kontzentrazioak, eta agerian geratu da kontramobilizazioen eraginkortasuna.
Bizkarsoro filma (Josu Martinez, 2023) Donostiako zinema aretoetan proiektatuko dute ostiral honetatik aurrera (hilak 22); SADEko Iñaki Elorzak azaldu duenez, bi aste inguruz proiektatuko dute printzipioz, eta, arrakasta baldin badu, denbora gehiagoz. Hala azaldu dute... [+]
Hizkuntzen irabazia kongresua izango da azaroaren 26an eta 27an Donostian. Arlo digitalean inglesaren erabilera aregotzen ari den garaietan, kongresuak euskara bezalako hizkuntza gutxituek tokiko ekonomiari egiten dioten ekarpena agerian utzi nahi du.
Lo Que No Te Cuentan de Donosti-k 30 pertsona soilik batu zituen Easo plazan larunbatean, eta haren aurkako deialdi antifaxistak 300. Bestalde, Gasteizko Errota auzoko mobilizazio arrazisten sustatzaileek auzotik irten eta Gasteiz mailako mobilizazioa deitu zuten iragan... [+]
ZORRETAN
Testua eta zuzendaritza: Agurtzane Intxaurraga.
Aktoreak: Miren Gaztañaga, Iñake Irastorza, Jabi Barandiaran.
Noiz eta non: Urriaren 25ean, Donostiako Gazteszenan.
----------------------------------------
Bere argi propioa bilatzen ari den loreari... [+]
Libertimenduzko Jardunaldiak antolatu ditu Gipuzkoako CNT sindikatu anarkistak bere egoitzan (Amara Berriko Olaeta plazan), martxora bitarte. Lehenengo jarduera abenduaren 14an izango da, eta Felix Likiniano anarkista historikoa izango dute hizpide.
Lo Que no te Cuentan de Vitoria eta Lo Que no te Cuentan de Pamplona Telegram taldeak sortu ditu Lo Que no te Cuentan de Donosti taldearen administratzaileetako batek berriki. Gasteizko kontuak ez du jarduerarik momentuz, baina Iruñekoak 500 jarraitzailetik gora ditu eta... [+]
Susa argitaletxearekin kaleratu du Goikoetxeak liburu berria: Politeismo bastarta. Nobela gisa kalifikatu arren, kronika gozo eta bizia da, irakurlea Goikoetxearen pentsamenduetan barneratuko duena. Donostiako San Jeronimo kaleko sotoan egin du aurkezpena, hamarnaka lagunen... [+]
Abentura erraldoia. Salba dezagun kalejira haurrentzako liburua modu berezian aurkeztu du ARGIAk, Donostian. Haur eta guraso ugari bildu ziren Gorka Bereziartua eta Adur Larrearen ipuinaren bueltan, eta festarako, dantzarako, ipuinak kontatzeko eta maskarak marrazteko tartea... [+]