Txernobyl gogoan, "desentxufatu energia nuklearra" dei egin du Ekologistak Martxanek
Ukrainan 1986ko apirilaren 26an izandako istripu nuklearra gogora ekarri du Ekologistak Martxan taldeak eta energia nuklearrera "desentxufatzeko" dei egin du. Horretarako, %100 energia berriztagarria merkaturatzen duten enpresetara pasatzea gomendatu du.
"Txernobyleko istripuak agerian utzi zuen norainoko arriskua duen zentral nuklearrak martxan izateak. Gainera, balizko istripu batek mugak gaindi ditzakeela eta efektuak hainbat herrialdetara zabal daitezkeela frogatu zuen. Hain zuzen ere, laino erradiaktiboak Europa gehiena zeharkatu zuen; Ukrainaz aparte, Bielorrusiari eta Errusiari eragin zien, nagusiki. Erradiazioaren biktimen kopurua 200.000 ingurukoa izan zen, Errusiako Zientzien Akademiaren arabera, bereziki 'likidadore' deitutakoen artean" oroitarazi du Ekologistak Martxan taldeak.
Tamaina horretako sarraskiak konponbide oso konplexua duela ere ohartarazi du: "Istripuaren ondoren presaka eraiki zen sarkofagoa ez zegoen behar zen moduan; izan ere, 2014 eta 2015 urteetan zati batzuk behera etorri ziren. Erreaktorearen nukleoa urtuta dagoela-eta, ezin da eraitsi, eta beste sarkofago kolosal bat instalatu du Frantziako Areva konpainiak".
"Istripuak saihesteko modu bakarra zentral nuklearrak ixtea da"
"Txernobylgo edo Fukushimako istripuen modukoak saihesteko modu bakarra zentral nuklearrak ixten joatea da" adierazi du talde ekologistak. Horretarako, energia nuklearretik "desentxufatzeko" proposamena luzatu die herritarrei.
Horretarako, energia nuklearra merkaturatzen duten konpainietatik energia berriztagarria soilik saltzen dutenetara igarotzea gomendatu du Ekologistak Martxanek. Eta baita ere norberak bere energia ekoiztea. Horrez gain, argindar kontsumoa "egun batez" edo "betiko" murrizteko hainbat gomendio eman ditu: etxebizitzen isolamendua hobetzea, leihoetan beira bikoitzak jartzea, ahal den guztietan argi naturala erabiltzea eta argiztatzeko LED bonbillak sartzea, etxetresna elektriko zaharrak matxuratu ahala, etxetresna efizienteak instalatuz joatea eta, azkenik, eta, oro har, kontsumo-ohitura apalak hartzea.
Errusiako armadak Txernobylgo zentral nuklearraren eremua kontrolpean du. Hala adierazi du ostiral goizean Errusiako Defentsa Ministroak.
Apirilaren 26an bete ditu 35 urte Txernobilgo istripu nuklearrak. Horren harira Beyond Nuclear Internationalek hiru emakumeren lana azpimarratu du: politikariek ezkutatutako informazioak eta Bielorrusiako eta Ukrainako herritarren bizipenak hartu zabaldu zituzten Alla... [+]
Prípiat ibaia uztailean hasi ziren dragatzen, Baltikoa eta Itsaso Beltza elkartuko dituen ubide erraldoia sortzeko. 1986an istripua izandako erreaktorearen hondakin nuklearrak daude ibai hondoan eta, ingurumen adituen ustez, ingurua gehiago kutsatzeko arriskua egon... [+]
Hamar egun pasa dituzte Txernobyl inguruko 20.000 hektareak sutan. Apirilaren 4an piztu zen sua Txernobylgo esklusio eremuan, eta haizeak zentraletik 1,5 kilometrora hurbildu zuen. Erradioaktibitate tasa normala baino hamasei aldiz altuagoa izatea bultzatu zuen suteak. Orain,... [+]
Apirilaren 4an pizturiko suteak ezin kontrolatuz dabiltza suhiltzaileak eta 20.000 hektarea baino gehiago dira suntsiturik. Erradioaktibitateak gora egin du, normala baino hamasei aldiz altuagoa da erradioaktibitate tasa. Greenpeacek jakinarazi duenez, zentral nuklearretik 1,5... [+]