Txantxarrekan dauden migranteak elkartasun gaueko izarrak

  • Ostegunean Donostiako Txantxarreka gaztetxeak errefuxiatuen aldeko kontzertua antolatu du Dokan deirua bildu eta hilabete baino gehiago abian daramaten proiektuarekin aurrera jarraitzeko.

Dokan aretoa jendez gain eta Txantxarreka gaztetxeko migranteak eszenatoki gainean (Iturria: Txantxarreka; egilea: Asier Gonzalez de San Pedro)

2018ko irailaren 14an - 12:56

Donostiako Udalak hiru eguneko harrera zentro batera eramaten ditu hirira heltzen diren migratzaileak eta gero kalean geratzen dira. Txantxarreka gaztetxeak horietatik hamasei hartu zituen abuztuaren 10ean eta laguntza eskaini. Orain inoiz baino laguntza gehiago behar dutela diote, batez ere zaintza egitera animatzen dituzte herritarrak.

Sarrerak aurreko ostiralean jarri zituzten salgai eta “agortuta” iragarri behar izan zuten. Kartel potentea zen: Beñat eta Unai Gaztelumendi eta Ane Labaka bertsolariak, Olatz Salvador, Anari, Izaro Andres, Gorka Urbizu, Aiora eta Piti, eta Iker Lauroba eta Leire Letu izan ziren gonbidatuak The Txantxafrika’s taldearekin batera. Gaztetxeko kideek eta migranteek osatutako taldea da hau, taldearen izen bereko kantua zabaltzean ezagun egin ziren.

Bertsolariek eman zioten hasiera gauari. Urduritasuna nabari zen giroan, gau berezia izango zenaren seinale. Ondoren Olatz Salvadorrek abestu zuen eta nerbioak pixkat lasaitzen lagundu zuen. Anarik hartu zuen lekukoa eta ahotsetik guztiz ondo egon ez arren, kontzertua ematera animatu zen. Zea Mays taldeko Aiora eta Piti igo ziren eszenatokira gero. Hasieran bi abesti lasai jo arren, azkenekoa Negua joan da ta izan zen eta publikoa berotu egin zen. Txantxarrekako kide batek eta migrante batek hitz batzuk irakurri zituzten. Eskerrak eman zizkieten gerturatutako guztiei eta proiektuaren parte izatera gonbidatu zituzten. Hor emozioa nabaritu zen. Hauek amaitzean Iker Lauroba eta Leire Letu-ren txanda iritsi zen. Laurobak errepikatu egin zuen Izarorekin. Azken aurrenaren txanda, Gorka Urbizu, Berri Txarrak taldeko abeslaria. Hau ere urduri zegoen eta kantuentzako publikoaren laguntza eskatu zuen. Eta azkenik, gaueko momenturik bereziena. Migranteak igo ziren eszenatokira Txantxarrekako kideekin pare bat kantu abestera. Urduri zeuden baino gero dena pasa zitzaien eta oso eskertuta azaldu ziren. Jendeak ere eskertu zien ekimena eta “Inor ez da ilegala” eta “errefuxiatuak ongi etorri” oihu artean amaitu zen festa.

Lotura honetan gaueko argazkiak:

 


Kanal honetatik interesatuko zaizu: Inor ez da ilegala
Bost urte inor ez da ilegala aldarrikatzen

Bost urtean, Inor ez da ilegala proiektuak lau haizetara zabaldu ditu migratzaileen eskubideen aldeko lelodun kamiseta, jertse eta poltsak; elkarlana eta elkartasuna oinarri dituen ekimenak istorio eta bizipen ugari oparitu dizkigu; eta zoritxarrez, inoiz baino biziago... [+]


2023-07-13 | Ilargi Manzanares
Texasen “harresi flotagarri” bat eraikitzen ari dira, migratzaileei bidea oztopatzeko

Neurria Texaseko (AEB) gobernadore Greg Abbott kontserbadorearen proposamena da. Migratzaileen aurkako beste hainbat politika erasokor aplikatu ditu aurretik: kontzertinen instalazioa, mugako patruilen sorrera, eta migratzaileen deportazioa estatu demokratetara autobusez.


2023-07-07 | Ilargi Manzanares
Irun eta Hendaia arteko mugaren “antzerki lotsagarria” salatu dute

Irungo eta Hendaiako herritarrak elkartu dira Santiago zubian, “Ireki zubiak, elkartasuna eraiki” lelopean ostegunean.


2023-07-05 | Ilargi Manzanares
Irun eta Hendaiaren arteko muga irekitzeko elkarretaratzera deitu dute, migratzaileen eskubideen alde

Uztailaren 6an, 18:00itan, Santiagoko zubian deitu dute kontzentraziora hainbat taldek, hala nola Bidasoa Etorkinekin, Irungo Harrera Sarea, edo Ongi Etorri Errefuxiatuak.


Hör Berlin eta legalitate kontu batzuk

Han agertu zen, Hör Berlinen, Brava DJa, bere txapela gorri eta guzti Inor ez da ilegala leloa zeraman kamiseta jantzita. Orain hilabete pasatako kontua da eta spoilerra egin badizut ere, irakurle, amaiera horixe duen istorio polita kontatuko dizut gaur.


Eguneraketa berriak daude