Ohi baino plastiko beltz gehiago zeuden alarde parekidearen ibilbidean. EH Bilduk eta Ahal Duguk harrera egin diete udaletxeko sarreran.
Irailaren 8a egun seinalatua bada hondarribiarrentzat, are bereziagoa da aurtengoa Jaizkibel konpainiako kideentzat: alarde parekideak 20 urte bete ditu. Ohi bezala, goizean goiz kantinera jaso ostean ekin diote ibilbideari, 08:20ean. Zumarditik atera dira.
Aurten, euriaz gain, ohi baino plastiko beltz gehiago aurkitu dituzte ibilbidean. Alameda jatetxetik Kale Nagusira bitartean ere bazeuden batzuk. Behin Kale Nagusian sartuta, ertzain, txalo, txistu eta oihu artean egin dute Arma Plazarainoko bidea.
Udaletxe parean Jaizkibel konpainiari harrera egin diote EH Bildu eta Ahal Duguko ordezkariek. Tartean ziren, besteak beste, Maddalen Iriarte eta Xabier Isasi koalizio soberanistako kideak. Behin Arma Plazara iritsita, jeneralak konpainiaren egoera aztertu desfilearekin jarraitzeko agindu du. Nabariagoak izan dira babes keinuak alde zaharrean behera.
Sainduan amaituko dute goizeko ibilbidea, eta bertatik abiatuko dira arratsaldean ere. 16:50ean dute hitzordua.
Konpainia parekideak 2023ko jaien eta irailaren 8ko alardearen balorazioa egin du, eta aurtengoa "urte pozgarria" izan dela azpimarratu. Nabarmendu du udalak egindako keinuek lagundu dutela elkarbizitza espazioak sortzen, baina alarde baztertzaileari ere harrera egitea... [+]
Arartekoak ostiralean jakinarazi du azkenean ez duela alarde baztertzailea agurtuko. Halere, Hondarribiko alkateak, Gipuzkoako ahaldun nagusiak eta Eusko Jaurlaritzako Giza Eskubideen sailburuordeak emakumeak baztertzen dituen alardeari harrera egin diote.
Hondarribiko alardearen bezperetan, alarde tradizionalaren baitatik sortutako proposamenez, udal aldaketak zabaldu ditzakeen ateez eta Gipuzkoako ahaldun nagusiak iragarritakoaz (alarde tradizionalari eta Jaizkibel konpainia parekideari egingo diela harrera) hitz egin dugu... [+]
Hauteskundeen ondoren zabalduko den aro berri honetako alkatea "konponbidearen alkate bilakatzea" espero du Guztion Alardeak.
Bilera izan berri dute bi aldeek. Guztion Alardeak bere diagnostikoa eta zenbait gogoeta plazaratu zituen bilera horretan, eta fundazioak hauekiko desadostasuna agertu zuela esan dute.