Tuterako alkateak Ernairen aurkako salaketa jarri du kartel batengatik

  • Tuterako Ernaik Hitlerren irudi bat moldatu zuen Alejandro Toquerok euskararekin duen jarrera salatzeko. Bere ohorea urratzea leporatzen dio alkateak gazte antolakundeari.


2022ko maiatzaren 04an - 13:21

Tuterako epaitegietan jarri du salaketa Toquerok. “Tuterako alderdi demokratiko bateko alkate bat, korporazio demokratiko bateko kide hautetsi gisa diharduena, Hitler bezalako hiltzaile genozida batekin alderatzea ez da adierazpen-askatasuna, baizik eta ohorerako eskubidean bidegabeko sartzea, gaitzespena merezi duena”, dio salaketa idatziak, Noticias de Navarra-k argitaratu duenez.

Toquerok esan du kartela bere aurkako eraso pertsonal onartezina dela: ”Ez dut onartuko, besteren artean familia dudalako, eta ohore bat, zeinarekin aurkezten naizen nire herritarren aurrean”. Alkateak kartelaren egileak “koldar” batzuk direla esan du. “Sare sozialen atzean ezkutatzen dira, hiri osoan zehar egindako pintaketa eta gizalegearen aurkako ekintzetan, gaitzesten zituen Tuterako gizartearen bizitza errealean parte hartu gabe”. Kartela sareratzean “atsegin dut” sakatu zutenen aurka ere egin du Toquerok, tartean udaleko ordezkari politikoak.

Euskararen aurka

Toquerok euskararen aurkako jarrerak agertu ditu hainbat aldiz. Esaterako, 2019an herriko jaietako txupinazoa nork botatzen duen aukeratzeko modua aldatu zuen, urte horretako txupinazoan euskara ere erabili izanarekin haserre. Edo 2021ean El Mundori emandako elkarrizketa batean Tuteran euskara “inork” ez duela hitz egiten adierazi zuen. Ernairen kartelak Hitlerren irudi bati aurpegia Toquerorenagatik aldatzen dio, Euskara gurea, denona leloarekin.

 

 


Kanal honetatik interesatuko zaizu: Euskara
Mañeruibarko haur euskaldunak sarituko dituzte Iruñeko Komunikabideak Fundazioak eta Euskaltzindiak

Euskara galdua zen eremu mistoko eta ez-euskalduneko herrietako familien ahaleginak aitortuko dituzte ekitaldian. Oskar Alegria zinemagilearen bideoak emango dio hasiera ekitaldiari 11:30ean udaletxean.


2024-05-24 | Ahotsa.info
Larunbatean Euskal Jaia Tafallan Nafarroako erdialdean euskararen alde egiten den lana goraipatzeko

Erdialdeko Euskal Jaia larunbatean ospatuko da Tafallan egun osoko eta adin guztietarako egitarauarekin, euskarak eta bere kulturak Erriberriko merindadean daukan errotzea erakusteko helburuarekin.


Amurrioko Udalak dirulaguntza kendu dio Aiaraldea Komunikabideari

Aiara eskualdeko euskarazko komunikabide bakarra da Aiaraldea, eta Amurrioko Udalarekin 2012. urtetik izenpetua eta indarrean zuten euskara sustatzeko hitzarmena "alde bakarrez" eta "inolako jakinarazpenik eman gabe" eten du udalak. Erabakia "oso... [+]


Maitena Duhalde hizkuntzalaria
“Lapurdiko itsas hegian egun 80-90 urte duen belaunaldiaren hizkera deskribatu dut”

Donibane Lohizunen jaio zen Duhalde 1987an, baina Uztaritzen bizi eta hazi da, eta etxean zein herrian entzundako euskararen aldaerek bultzatu dute Lapurdi itsas hegiko euskarari buruzko tesia egitera. Gaur egun, EHUko Bilboko Hezkuntza Fakultatean ari da irakasle lanetan... [+]


Zaldibian hasi zen dena

Gipuzkoako Zaldibia herrian hasi zen dena, bai. Herriko ikastetxe bakarrean ‘Euskara eta kulturartekotasuna udalerri euskaldunetan’ egitasmoa jarri zuten abian, gero herri osora hedatuko zena. Tarte txikian beste hemeretzi herritara zabaldu da proiektua. Neurri handi... [+]


Eguneraketa berriak daude