Tuterako Alde Zaharreko auzo elkarteak udalari eskatu dio bere 4.000 biztanleen eta bertako negozioen hondakinak biltzeko atez atekoa ezar dezala, auzo horretarako sistemarik egokiena delako. Sistema horrekin bide batez desagertuko lirateke orain kaleak itsusitzen dituzten edukiontzi zikinak, "uneotan Alde Zaharrak zuhaitz baino edukiontzi gehiago baitauzka".
2014an zabor bilketarako kamioi berriak erosi zituenean, Tuterako Udalak auzotarrei agindu omen zien begien bistatik desagerraraziko zituela zabor-kontainerrak, baina geroztik "ez du ezer aldatu", kexatu da auzo elkartea, "lehen bezala Alde Zaharreko kaleetan nagusi dira edukiontzi zikin eta kiratsez beteak eta Tuterako zabortegi bilakatzen dira asteburuetan, jai egunetan eta ospakizunen bat dagoen aldi orotan".
Horien ordez, udalari eskatzen diote gaur egun Oviedo eta Iruñeko alde zaharretan ezarrita dauden bilketa sistemen hibrido bat, bi bilketa ezberdin eskainiko dituena: bata herritarrentzako, hondakin ezberdinak egun jakinetan atera ahal izateko, eta bestea ostatu eta gainerako komertzioentzako. Horrela, asko irabaziko luke birziklatzeak, zikinkeria, kutsadura eta egun osoan soportatu behar den kiratsa saihestuko litzateke eta kale eta plazak garbiago egongo lirateke, airearen kalitatean eta zaratetan ere hobekuntza nabarmenak lortuko liratekeela.
2022an errekor historikoa hautsi zen Espainiako Estatuan, ia 8.700 milioi litro ontziratu baitziren, Geologia eta Meatzaritza Institutuaren estatistikaren arabera. Aurreko urtean baino 580 milioi gehiago dira horiek, eta 2019an ezarritako mugarria baino % 4,8 gehiago.
Sektoreko enpresek hamarkadak daramatzate praktika sustatzen, nahiz eta ebidentziak izan ez dela bideragarria, Center for Climate Integrity-ren ikerketa baten arabera.
Zaldibar Argitu plataformak ekitaldia egin du igandean. Ez dago berririk “euskal oasian”, adierazi dute, “Eusko Jaurlaritzak dena ondo egin zuela errepikatu zuen”.
Bilboko Auzo Elkarteen Federazioak komunikatu bat eskaini du Gipuzkoako erraustegiko lixibiatuak Zorrotzara bidaltzeko asmoaren inguruan.
Artaxoako konpostatze plantara Gipuzkoatik Nafarroara bidalitako lixibiatuek Nafarroako Gobernuko eta Gipuzkoako Diputazioaren arteko hika-mika piztu dute. Ostegun honetan Jose María Aierdi kontseilari nafarrak gaitzetsi egin ditu atzo José Ignacio Asensio diputatu... [+]