ARGIA.eus

2022ko abuztuaren 09a

Transfobiaren mamua salatu dute herritarrek Iruñean

  • “Nafarroa, lur anitza. Transfobiarik ez!" zioen Iruñean larunbat arratsaldean egindako manifestazio alai eta jendetsuak.

Transfobiarik ez! zioen ozen manifestazio buruko pankartak. (Arg.: Ekinklik)
2017ko martxoaren 06a

Hotza zen arratsaldea eta euria ari zuen manifestazioaren lehen urratsetan. Berehala atertu zuen, ordea, eta ostadarra ere agertu zen zeruan, manifestazioan ziren kolore bereko banderak lagunduz. Transexualitatearen aldeko ikur handi batek ireki zuen Ekainak 28 plataformak deitutako manifestazioa. Hazte Oir muturreko elkarte katolikoa Iruñera etortzearen aurka agertu ziren bildutakoak eta sostengu osoa adierazi zioten Chrysallis elkarteari.

Ehunka lagun abiatu ziren Autobus Geltoki Zaharretik. Merindadeetako plazatik barrena, Karlos III. Etorbidea zeharkatu zuten eta Iruñeko Udaletxera abiatu ziren. Bidean jende ugari bildu zen manifestaziora eta amaierarako 1500-2000 lagun bildu ziren Udal plazan. Bertan egin zen ekitaldia, Udaletxeko ateak parez pare zabalik zirela.

LGTB mugimendua biltzen duen Kattalinguneko kide Erika Salvatierrak esan zuenez, gorrotoaren, transfobiaren eta arbuioaren mamua ez da Nafarroara pasatuko. Nafarroa anitza dela azpimarratu zuen, ezberdintasunak defendatzen dituela eta “gorrotoak ez duela lekurik lurralde honetan”. Gizarteak inongo arazorik gabe onartzen duela transexualitatea, hainbat lorpen eskuratu direla eta horietan ezin dela atzera egin.

Aznarez eta Asiron ere manifestazioan

Nafarroako Legebiltzarreko lehendakari Ainhoa Aznarez eta Iruñeko Alkate Joseba Asiron ere manifestazioan izan ziren. Antolatzaileek eskertu egin zuten Nafarroako erakunde nagusienetatik eskainitako babesa. Bertsolariak eta abeslariak ere izan ziren ekitaldiaren amaieran eta jendeak gogotik txalotu zituen. Gobernua sostengatzen duten lau alderdietako hainbat politikari ere ikusi ziren manifestazioan.

Poztasun sentipena zabala zen manifestazioaren amaieran, bai Iruñeko herritarrek  transexualitateari erakutsitako sostenguagatik, bai gorrotoaren autobusak Crysallisen kanpaina indartu besterik ez duelako egin eta bai halako eguraldi txarrarekin ere bildutako jendearengatik ere.

 

 

 

1500-2000 lagun bildu ziren amaieran Udal plazan (Arg.: X. Letona)

 

 

 

 

Kanal hauetan artxibatua: Transexualitatea  |  Iruñea

Transexualitatea kanaletik interesatuko zaizu...
2022-07-31 | Reyes Ilintxeta
Eneko Garcia / Albina Stardust. Drag erregin nafarra
"Eszenatokian tanga jantzita ematen dudan mezua, kongresu batean ematen dena bezain garrantzitsua izan daiteke"

Azken urteetan drag arteak ikusgarritasuna eta indarra lortu ditu Iruñerrian. Bertako hainbat trabesti aske izateko aldarria zabaltzen ari dira ozenki eta horietako bat Albina Stardust gaztea da.


Ahots bat Erausorentzat
Trans genealogia bat

Juan van der Hamen y León margolariak 1625-28 inguruan Katalina Erausoren oliozko erretratua margotu zuen. “Moja alfereza” izendapenaz ere ezaguna zen pertsonaren erretratuan, kargu militar horren uniformez jantzita ageri da Erauso, garaiko metalezko... [+]


Ikusgune LGTBI+fobiaren aurkako behatokia saritu du EHGAM-ek

EHGAM Euskal Herriko Gay-Les Askapen Mugimenduak 20 urtetik gora daramatza Urrezko Hirukia eta Trapuzko Espartina banatzen, sexu askapenaren aldeko lana saritzeko lehena, eta sexu askapenaren aurkakotasunak seinalatzeko bigarrena. Ekainaren 24an banatu dituzte aurtengo sariak,... [+]


2022-05-31 | ARGIA
Adin txikiko transexualei arreta eskaintzeko zerbitzua aurten jarriko du martxan Osakidetzak

EAEko trans legean aldaketak egiteko eztabaidan ari diren honetan, 2022 urtea amaitu aurretik Osakidetzak transexualen arretarako zerbitzua martxan jarriko duela iragarri du Jaurlaritzak, hasieran Gipuzkoan eta Bizkaian, eta adin txikikoei zuzendua. Bestalde jakinarazi dutenez,... [+]


2022-05-16 | Leire Artola Arin
‘Moio’ kalea Hernanin, memoria ariketa kolektiborako urratsa

Aimar Elosegi Ansa ‘Moio’ kalea inauguratu dute Hernanin maiatzaren 14an, LGTBfobiaren aurkako egunaren harira. Omenaldi xume eta hunkigarria egin diote Elosegiri, bere buruaz beste egin zuen gazte transexualari, eta eskerrak eman dizkiote transfobiaren aurka herria... [+]


Irakurrienak
Argia buletina
Egunaren laburpena
zure e-postan
Eguneraketa berriak daude