Torturak onartzeko eskatu dio Nafarroako Parlamentuak Espainiari
Geroa Baik, EH Bilduk, Ahal Dugu-k eta Ezkerrak hiru puntuko mozio bat onartu zuten atzo Nafarroako Parlamentuan. Lehenengo puntuan Nafarroako Parlamentuak Espainiako Gobernuari eskatu zion torturatu duela onartzeko.
PSNk aldeko botoa eman zuen mozioaren azken puntuan —besteetan abstenitu egin zen—; UPNk eta PPk, berriz, kontra bozkatu zuten.
1960tik 2014ra Bizkaia, Araba eta Gipuzkoako tortura kasuak ikertzeko laguntza eman zion Nafarroako Gobernuak EHUko Kriminologia Institutuari, eta horren aurka errekurtsoak aurkeztu dituzte PPk eta Espainiako Gobernuak. Horren harira, “Espainiako Estatuko zenbait arlotatik gisa horretarako gertakariak argitzeari begira jarri diren eragozpenak” salatu dira mozioaren bigarren puntuan.
Hirugarren puntuan “tortura kasu guztiak” argitara ekartzeko konpromisoari heldu dio Nafarroako Gobernuak.
EH Bilduko Bakartxo Ruizek Nafarroako Parlamentuan esan du garaia dela tortura kasuak ikertu eta argitara ateratzeko eta biktimen aitortza eta erreparazioari ekiteko: “Torturaren praktika ezkutatu egin da urtetan, eta oraindik ere hala izatea nahi dute batzuek”.
Asteon, giza eskubide urraketa ororen inguruan “agenda bateratua” sortzeko eskatu die Amnesty Internationaleko Esteban Beltranek eragile politiko guztiei. Bakartxo Ruizen arabera, Amnesty Internationalek ondorioztatu du tortura “arazo estrukturala” dela, eta gogoan izan du otsailaren 13an Europako Giza Eskubideen Auzitegiak Espainia zigortu zuela Mattin Sarasola eta Igor Porturen aurkako “tratu txarrengatik”.
UPNk mozioaren hirugarren puntuaren alde egin du hasiera batean: “Demokrazia heldu batek ez du beldurrik izan behar bere izenean egindako gehiegikeriak onartzeko. Ez dugu beldurrik egia onartzeari eta horri argia emateari”, esan du Iñaki Iriartek. Alabaina, atzera egin du gero, eta mozioaren puntu guztien aurka bozkatu.
Egiari Zor elkarteak pozgarritzat hartu du Nazio Batuen Erakundeko Giza Eskubideen Batzordeak Espainiako Estatuaren indarkeriaz egin duen txostena. Elkarteak azpimarratu du txostenak Nafarroako Gobernuak eta Eusko Jaurlaritzak dokumentatutako 5.000 tortura salaketak balioan... [+]
Ondo jakina da Euskal Herriak bere buruaren jabe izateko beharrezko duen botere politikoa ukatua duela Espainia eta Frantziako estatuen aldetik. Euskal Herrian, bertan bizi, lan egin eta euskaldun izan nahi duen biztanleriari, herritar gisa bizi-proiektu duin eta ziurra garatu... [+]
Guillermo Garcia eta Ioseba Pagola “giza eskubideen urraketen biktima” izan zirela aitortu du gobernuak. Egiaren Garaia Da plataformak “positiboki” baloratu ditu beste bi aitortza hauek.
Beste 20 pertsonarekin batera, Guardia Zibilaren esku zegoenean pairatu zituen torturak aitortu dizkio Nafarroako Gobernuak. Urrats honetara heltzeko Torturatuen Saretik egindako lan kolektiboa azpimarratu du Euskalerria Irratian. Ziklo baten itxieratzat hartu du aitortza... [+]
21 pertsona “giza eskubideen urraketen biktima” gisa aitortu dituzte ofizialki. Espainiako Estatuko funtzionarioek eta eskuin muturreko taldeek torturatutako pertsonak dira eta biolentzia horren lagin txikia baino ez direla dio Egiaren Garaia Da ekimenak.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.