Rodriguez eta Txapartegi auziak: tortura ez da hain erraz ezkutatzen
“Zaintza judizial eraginkorrerako eskubidea urratu” dela ebatzi du auzitegiak Garazi Rodriguezen kasuan. 2009an atxilotu zuten, Segiren aurkako sarekadan.
Estrasburgoko Giza Eskubideen Europako Auzitegiaren jurisprudentzia oinarri hartuta, Garazi Rodriguezen tortura salaketa berriz ikertuko dute. Espainiako Auzitegi Konstituzionalak eman du agindua; epaitegiaren arabera, “ikerketa itxi egin zen oraindik instrukziorako bideak zeudenean”. Madrilgo Instrukzioko 29. Auzitegiak abiaraziko du prozedura, Berriak aurreratu duenez.
Rodriguezek Donostiako Auzitegian salatu zituen torturak, 2010eko uztailean. Handik Madrilera bideratu zuten salaketa, baina ez zuen ibilbide luzerik egin: Madrilgo auzitegiak atzera bota zuen, inkomunikazio aldian auzi medikuari ez ziola kontatu argudiatuta. Rodriguezen arabera, auzi medikuari azalpenik ez ematearen arrazoia “beldurra” izan zen, “poliziak atearen beste aldean zeudelako, entzuten”.
Madrilgo Instrukzio Auzitegiak emandako argudioak ez ditu balekotzat jo Konstituzionalak, eta ikerketa berriz zabaltzeko eskatu du, “zaintza judizial eraginkorrerako eskubidea urratu” dela ebatzita. Rodriguezek Grande-Marlaska epailearen aurrean salatu zituen torturak, baina hark ez zuen neurririk hartu.
Segiren aurkako sarekadan atxilotu zuten gazte donostiarra, 2009an. Atxiloketaren hurrengo egunean El Mundo egunkarian argitaratu zen argazki batean antifaza jantzita agertzen zen Rodriguez: legez kanpokoa da atxilotuei antifaza jartzea, nazioarteko torturaren metodoak ikertzeko eta dokumentatzeko eskuliburuaren arabera.
Beste 39 gazterekin batera auzipetu zuten Rodriguez; 2014an absolbitu zituzten guztiak.
Txapartegi ez estraditatzeko eskatu dute
Torturaren Aurkako Mundu Erakundeak Nekane Txapartegi Espainiara ez estraditatzeko eskatu dio Suitzari. Erakundearen arabera, “Nekane Txapartegik erruduntasun-aitortzak egiteko tortura erabili izanaren ebidentzia handia da”. Sei urte eta bederatzi hilabeteko zigorra betetzen ari da 18/98 auzian zigortuta.
Torturaren aurkako Gobernuz Kanpoko Erakundeak gogorarazi du Espainia behin baino gehiagotan zigortu duela Estrasburgoko Giza Eskubideen Europako Auzitegiak, Tortura debekatzen duen konbentzioko 3. artikulua hausteagatik. Espainia zazpi aldiz zigortu du auzitegi horrek.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
1991n atxilotua izan zenean Espainiako Poliziak Bilboko Komisarian torturatu egin zuela salatu zuen Raul Fuentesek. Espainiako auzitegiek ez zuten salaketa aintzat hartu, besteak beste delitua preskribituta zegoelako. Orain, Nazio Batuen Erakundeko Torturaren Aurkako Batzordeak... [+]
Espainiako Auzitegi Nazionaleko fiskalak kasazio helegitea aurkeztuko du Auzitegi Gorenean, Guardia Zibilak eragindako torturak onartu eta Sorzabal errugabetu zuen epaiaren aurka. Sorzabalek bere burua autoinkulpatu zuen gutuna torturen ondorioz idatzi zuela ebatzi zuen Auzitegi... [+]
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
"Erantzukizun publikoa hartzeko ordua" dela esan du Euskal Herriko Torturatuen Sareak, Auzitegi Nazionalak Iratxe Sorzabal Guardia Zibilak torturatu zuela onartu eta horregatik errugabetu ostean. Eusko Jaurlaritzari eskatu dio EAEko aitortza eta erreparaziorako... [+]
Iratxe Sorzabalek sufritutako torturen gaineko testigantzak jasotzen ditu dokumentalak. Maiatzaren 20an emango dute dokumentala, 23:40an. Iaztik dago Primeran plataforman ikusgai, baina lehen aldiz emango dute telebistan.
Giza eskubideen urraketa horietan duten erantzukizuna aitortu gabe jarraitzen dutela seinalatu du koalizio subiranistak.
Larunbatean prentsaurreko bateratua eman dute Egiari Zor Fundazioak, Euskal Herriko Giza Eskubideen Behatokiak eta Iratxe Sorzabalen abokatu Aiert Larrartek. Ostegunean ezagutu zen sententzia mugarria dela adierazi dute hirurek. Larrartek adierazi du Estrasburgoko epaitegira... [+]
Epaiak dio 2001ean Sorzabalek egindako autoinkulpazioa "tratu txarren ondorioa" izan zela, eta beraz, "baliogabea" dela. 1995ean Irunen lehergailu bat jarri izanagatik atxilotu zuten 2001ean, eta bost egunez inkomunikatuta atxiki zuten, gogorki torturatuz.
Oraingoz Nafarroan, 53 izango dira estatuaren biktima aitortuak eta horietatik 27 torturaren biktimak. Floren Beraza, Txaro Buñuel, Cecilio Ruiz, Patricia Perales eta Izaskun Juarez dira aitortutako torturatu berriak.
Felipe Gonzálezen garaian Espainiako Barne ministroa zen José Barrionuevoren aurkako kereila aurkeztuko dute, Ipar Euskal Herriko errefuxiatuen aurka abiatu zuen estrategiagatik. ZEN Zona Especial Norte Planaren barruan egindako ekintzen erantzule nagusietako bat... [+]
MARTA PIKAZA GARAIGORTA (Laudio, 1968) Euskal Herriko Torturatuen Sareko kideak eta eskualdeko beste torturatu batzuek ekin diote Aiaraldean ekimena antolatzeari. Egingo dituzten urratsak eta helburuak azaldu dituzte.
Euskal Herriko Bilgune Feministak deituta elkarretaratzea egin dute Hernanin Iratxe Sorzabali elkartasuna adierazi eta "babes osoa" emateko. Inkomunikatuta egon zen uneak berriz ere epailearen aurrean kontatu behar izatea, "bizi izandakoak utzitako ondorioen... [+]