Euskararen herria: zubiak eta palankak jardunaldietan, besteak beste, tokiko administrazioaren eta euskaltzaleen mugimenduaren arteko harremanak landuko dituzte. Zubigintza izango da gai nagusia.
Topaldia Topaguneak antolatzen du urtero eta urtarrilaren 25 eta 26an egingo da Durangoko Landako elkartegian. Bi eguneko saioak izango dira, lau bloketan banatuta.
Batetik, euskaltzaleen mugimenduarentzako giltzarri izan daitezkeen lan-ildoak aztertuko dituzte, baita zubigintza ere.
Bigarrenik, tokiko administrazioen, euskara elkarteen eta euskalgintzaren arteko harremanez hausnartuko dute.
Hirugarrenik, EAEko, Ipar Euskal Herriko eta Nafarroako harremanak izango dira hizpide.
Laugarrenik, euskaratik gertu eta urrun bizi diren komunitateen arteko harremanak mahai gainean jarriko dituzte.
Hizlarietako batzuk ondokoak izango dira: Mikel Irizar, Kike Amonarriz, Eneritz Zabaleta, Iñigo Urrutia, Xan Aire eta Jasone Mendizabal.
Informazio gehiago eta egitarau osoa lotura honetan duzue.
Antolatzaileen ustez hizkuntza ohituretan eraginkorra da Euskaraldia eta horregatik laugarren edizioa ere antolatzen ari dira. Hori bai, aurrekoak udazkenean egin dira eta hurrengoa udaberrian izango da.
Euskaltzaleen Topaguneak, azaroaren 18an egin duen kongresuan, datorren hamarraldirako bost lan ardatz finkatu ditu. Ardatzok euskararen erabileran jauzi bat eman ahal izateko ezinbesteko baldintzatzat ditu Topaguneak. Elkartearen bost funtzioak hauek izango dira: askotariko... [+]
Haurren aurrean helduok heldu ekimena urriaren 19tik 29ra egingo da Hego Euskal Herriko 80 herritan. Protagonistak, batez ere, gurasoak izango dira eta bi helburu azpimarratu ditu Euskaltzaleen Topagunea antolatzaileak: batetik, gurasoek hizkuntza ohiturak aldatzeko pausoak... [+]
Irailaren 22ko batzar orokorrean, Kike Amonarrizek, lehendakaritzan, lekukoa eman dio Irati Iciar oñatiarrari. Alea hedabideak Amonarriz eta Iciar elkarrizketatu ditu, eta besteak beste, azaroan egingo duten kongresuaz eta proposamenaz hitz egin dute. Euskara... [+]
Hitzaldiak, prentsaurrekoak, elkarrizketak eta bilerak kontuan hartuta, egunean hiruzpalau hitzorduri erantzuten die egunotan Euskal Herriaren geografia luze-zabalean Kike Amonarrizek (Tolosa, 1961). Umoregilearen aldartearekin, komunikatzailearen argitasunaz, soziolinguistaren... [+]