Federazioan euskara elkarteei lotutako elkarteak eta eragileak bildu dira, baina federazioak euskarazko aisialdia lantzen duten bestelako elkarteei ere batzeko deia egin die.

Oraingoz Araba, Bizkaia, Gipuzkoa eta Nafarroako elkarteak daude federazioan eta asmoa da Euskal Herri osoko eragileak biltzea.

Kukulaisi federazioak azpimarratu du euskarazko aisialdiak hizkuntzaren garapenean daukan garrantzia eta sektore artikulatuak bere eragina biderkatu dezakeela nabarmendu du.

Ondoko elkarteak dira sortu berria den federazioko kideak: Usurbilgo Noaua!, Getxoko Bizarra Lepoan, Hernaniko Dobera, Euskarabentura elkartea, Gasteizko Geu, Ordiziako Hitzaro, Bergarako Jardun, Atarrabiako Karrikaluze, Lasarte-Oriako Ttakun, Arrasateko Txatxilipurdi, Deustuko Berbaizu, Durangoko Berbaro, Elgoibarko Izarra eta Soraluzeko Pil Pilean. Kukulaisi federazioko kide dira baita ere Euskaltzaleen Topagunea eta Kultur Kabia aisialdiko zerbitzu enpresa.