Tolosan ozen oihukatu dute ez dutela erasorik onartzen
Dozenaka herritar bildu ziren larunbatean Tolosako Euskal Herria plazan, Tolosaldeko Asanblada Feministak deitutako elkarretaratzean, Gabon Gauean gertatutako bortxaketa saiakera gaitzesteko. "Saretzeko, indarrak batzeko, ahalduntzeko eta autodefentsarako elkartu gara, eta elkartuko gara", aldarrikatu zuten.
Abenduaren 24ko gauean eraso matxista bat izan zen Tolosako Larramendi auzoan: gizonezko bat 19 urteko emakume bat bortxatzen saiatu zen. Hori dela eta, Tolosaldeko Asanblada Feministak elkarretaratzera deitu zituen herritarrak larunbatean, Tolosako Euskal Herria plazan, autodefentsa feminista erdigunean jarriz. Tolosako Udaleko ordezkariek ere bat egin zuten atzoko bilkurarekin.
Hona hemen, Tolosaldeko Asanblada Feministako kideek irakurritako testua:
Besoak gurutzatuta, geldi eta beldurtuta espero bagaituzue; ez, oker zaudete. Gu bildu egiten gara, elkar babestu, indartu eta plazak hartzen ditugu ezetz esateko. ez dugula erasorik onartzen eta eraso bakoitzari erantzun bat emango diogula esateko.
Indarkeria maskulinitate eredu jakin bat sortzeko erabitzen duzue. Genero bereizketa egiteko. Eta gu, emakumeok* (*aren aniztasun guztiarekin) azpiratzeko. Kontrolpean, zapalduak eta meneko nahi gaituzue, baina ez.
Egunero bizi dugu indarkeria matxista, natural- natural. Indarkeriak hamaika aurpegi ditu eta hamaika modutara eman daiteke. Joan den abenduaren 24an esaterako, gure ahizpa batek, gure herrian, Tolosan, erasoa jasan zuen. Bortxaketa saiakera bat izan zuen etxera bueltan.
Idarkeriaren adierazpen askotarikoek denoi eragiten digute, baina emakumeon* artean ere badira gorputz zapalduagoak. Migratzaileek, emakume arrazializatuek, gorputz kolonizatuek nahiz desgaitasunen bat dutenek, egunero-egunero egin behar diete aurre estereotipo matxistei. Bazterkeria soziala pairatzen dute, eta, ondorioz, indarkeria bikoitza edo hirukoitza jasaten dute.
Nazkatuta gaude eta zuen biolentziek erantzuna izango dute. Horregatik elkartu gara eta elkartuko gara, saretzeko, indarrak batzeko, ahalduntzeko, autodefentsarako.
Besarkada bat joan den abenduaren 24an Tolosan erasotua izan zen lagunari.
Hau guztia ez da kasualitatea: menderakuntza sistema baten emaitza da. Baina guk zutik jarraitzen dugu eta borrokan jarraituko dugu matxismoari aurre egiteko.
Indarkeriaren aurrean, saretze feminista!
Indarkeriaren aurrean, autodefentsa feminista!
Gora borroka feminista!
Bilboko Konpartsek elkarretaratze jendetsua egin dute Arriaga Antzokiren aurrean azken egunetako eraso sexisten aurka egiteko. Konpartsek adierazi duten arabera, erasoak kopuruz eta intentsitatez handitu dira. Aste Nagusiaz gozatzera gonbidatu dituzte herritarrak, eta... [+]
AEBko Zientzia Fundazioaren Antartikako Programak (USAP) jakitera eman duenez, Antartikako ikerketa-baseetan 2022-2024an egin duten galdeketan, parte-hartzaileen % 41k adierazi du sexu-erasoa edo sexu-jazarpena jasan duela.
85 urteko gizonak bere emaztea hil zuen uztailean, eta Poliziaren ikerketaren ondoren behin-behineko espetxealdian zegoen. Orain, Nafarroako Auzitegiko Bigarren Atalak esan du gizonak "ageriko narriadura kognitiboa" daukala eta "zaurgarria" dela.
Bilboko Aste Nagusian hainbat pertsona atxilotu ditu Poliziak eraso sexistak leporatuta. Egoera horren aurrean, Juan Mari Aburto Bilboko alkateak esan du Polizia "eraginkorra" dela eta Bilbon "inoiz baino polizia gehiago dagoela".
Getariako txosnagunean eta Aian egin dute elkarretaratze isila. Jai batzordeak txosnak itxi zituen.
Mugimendu Feministak azaldu duenez, Fermin Muguruzaren kontzertuaren aurretik gertatu ziren erasoak. Horiez gain, beste hiru eraso zenbatu dituzte: hiru gizonak atxilotu ditu poliziak.
Abuztuaren 29ko gaueko egitaraua bertan behera utzi dute, iazko jaietan gau horretan izan baitziren indarkeria kasuak: sumisio kimiko bidezko sexu erasoak eta borrokak "nabarmen" areagotu zirela azaldu du Amets Jauregizar herriko alkateak. Abuztuaren 28tik 31ra bitarte... [+]
Emakumea hilda aurkitu dute bere etxean. Senarrak, 85 urteko gizonak, emakumearen heriotzaren berri eman du, Polizia bertaratu denean diskurtso inkoherentea zuela ohartu eta atxilotu egin dute.
2011tik 2021era bitarte egin zituen erasoak, klaseak eman bitartean. Gipuzkoako Lurralde Auzitegiak sexu abusuen delitu bakoitzeko lau urte eta hilabete bat eta hamabi urte bitarteko kartzela zigorra ezarri dio. Horrez gain, 40 urteko gizonak adin txikiko bakoitzari 3.000 eta... [+]
Getxoko 3. Instrukzio Epaitegiak atxilotze-agindua eman du 2023ko urrian Algortan jazotako talde sexu-eraso batean ustez parte hartu zuen egileetako baten aurka. Kasua sexu-eraso larri gisa sailkatu du magistratuak eta poliziari eskatu dio, gaztea aurkitzen dutenean, epaitegira... [+]
Berriz gertatu da. Bartzelonako Unibertsitateko ikerlari batzuek (emakumeak) salatu dituzte beren nagusiarengandik (gizona) jasandako sexu erasoak eta nagusikeria edo botere-gehiegikeria. Eta berriz ere, ospe handiko gizonaren aldeko adierazpena bultzatu dute, baita... [+]
Urte luzeak daramatza Laura Macayak indarkeria jasan duten emakumeei lagun egiten, arlo instituzionalean, militantzian, bai eta beste justizia-eredu batzuetatik abiatuta ere. Horri guztiari buruzko liburu bat kaleratu berri du: Gatazka eta abusua ez dira gauza bera (Katakrak,... [+]
Gutxienez hamahiru sexu eraso salatu dituzte hainbat emakumek, horietatik bi "intentsitate handikoak", eta besteak "arinagoak". Mugimendu Feministak gogorarazi du salatutakoez gain "sexu eraso gehiago" egon daitezkeela, eta lanean jarraituko duela... [+]
Mugimendu Feministak deituta, ehunka herritar, ordezkari politiko eta jaietako talde bildu dira uztailaren 13an Iruñeko Gaztelu Plazan. Intentsitate handiko eraso baten eta intentsitate txikiko beste hainbat erasoren testuinguruan egin dute elkarretaratzea. Eraso sexistarik... [+]
Instagrameko @denuncias_euskalherria kontuak publikatu ditu hainbat salatzaileren mezuak. Horietan salatu dute bi talde horien baxu jotzaileak haren bikotekide ohiak fisikoki eta psikologikoki eraso izana