TikTok nagusi Bigarren Hezkuntzan, unibertsitatean Instagram
Hego Euskal Herrian gazteek ikus-entzunezkoak kontsumitzeko eta Informazio eta Komunikazio teknologiak erabiltzeko dituzten ohiturak jaso dituzte Ikusikerrek egindako ikerketan. Derrigorrezko Bigarren Hezkuntzako eta Unibertsitateko 4.000 ikaslek erantzundako galdeketa du oinarri.
aurre egingo dieten hedabide independenteak
Gazteen artean gehien erabiltzen diren sareak WhatsApp eta Instagram dira, ikasleen %82,8 eta %81,4k jotzen du hauetara hurrenez hurren, eta ondoren TikTok eta Youtube, %62,5 eta %43,7. Ondorengoa Twitter da, baina gazteen %13,3k soilik erabiltzen dute.
Ikusiker Ikus-entzunezkoen Behategia da eta bere ikerketak Sare Sozialak zein funtziorako erabiltzen dituzten ere aztertu du: Instagram gehienbat denbora pasatzeko eta lagunekin harremanetan egoteko erabiltzen dute. Youtuben bilatzen den gai nagusiena musika da, eta baita youtuberrak ere.
Sare Sozial hauek erderaz kontsumitzen dituzte gazteek: batez ere gazteleraz (%77,8) eta ingelesez (%15,2); euskaraz %2,4 baino ez.
DBH eta Unibertsitateko ikasleen arteko aldeak
Ikerketak bi adin tarte bereizi ditu: 11-17 urtekoak (DBH) eta 18-23 (Unibertsitatea). TikTok Bigarren Hezkuntzako ikasleen artean Unibertsitateko ikasleetan baino gehiago erabiltzen da: galdeketa erantzun dutenen %81,6-k kontua dute eta Unibertsitatekoen %66,1-ek.
Podcastetan kontrakoa gertatzen da. Unibertsitate ikasleek Bigarren Hezkuntzakoek baino gehiago entzuten dituzte: %59,9-k hain zuzen. DBHko ikasleen %36,2-k entzuten dituzte.
Streaming plataformak ere asko erabiltzen dira: Netflix da erabiliena (%77,3) eta ondoren datoz Amazon Prime Video (%60,9), Disney+ (%39,1), Movistar + (31,7) eta HBO (29,3). Maiz erabiltzen dituzte, astean 2-5 aldiz edo gehiagotan. Gaztelaniaz ikusten dituzte eduki gehienak, neurri txikiagoan ingelesez, eta euskarak oso presentzia txikia du, %0,3 bakarrik.
Ikusiker zein eragilek osatzen dute?
Ikerketa honetarako Hego Euskal Herriko DBH eta Unibertsitateko ikasleen artean 4.065 galdeketa egin dituen Ikusiker eragile hauek osatzen dute: NOR Ikerketa Taldea, EITB, Tabakalera eta Kulturaren Euskal Behatokiak.
Euskaraldiaren atarian, beste behin, Pantailaldia egingo da. Maiatzaren 6tik 15era iraungo du, eta euskarazko ikus-entzunezkoen kontsumoa sustatzea izango da helburua.
Baina non gaude, non dago euskara ikus-entzunezkoen mundu zabalean, nora goaz? Zein hutsune, zein erronka... [+]
Apirilaren 24an, ETB1ean, jendeak aspalditik eskatzen zuen programa eredu bat estreinatuko da: Linbo, late night formatuko ordubete inguruko saioa, gazteek eta gazteentzat egina.
Nazioarteko ordainpeko streaming plataformetan, Amazon Prime Video eta Netflix izan ziren lehenak euskarazko edukiak eskaintzen, eta orain Max gehitu zaie (2024 arte HBO edo HBO Max izan dena). Pantailak Euskaraz-ek azpidatziak moldatu ditu, eta EITBk bikoizketak eskaini, eta... [+]
2025eko martxoaren 10etik 30era Loraldia Festibalaren 11. edizioa ospatuko du Loraldiak, Trikua esnatu da lemapean. Programazio artistikoak proposamen anitzak eskainiko ditu Bilbon, diziplina ezberdinak uztartuko dira eta 100 sortzailetik gora bilduko ditu. Loraldiak jada... [+]
"Nazio gisa eskubideak aldarrikatu eta herri oso bat martxan irudikatzeko" deitu dute 2025eko ekainean Bilbon egingo den mobilizazioa. Euskal Herri libre eta kohesionatu bat osatzeko "denen artean eta elkar lagunduz" lan egin behar dela berretsi du... [+]
Gai tabu gisa marrazten da Euskal Herrian, baina munduan barna ez da horrela. Hizkuntz politikak ezin dira merkatu librearen logikan ipini, baizik eta kuotak edo kupoak ezarri behar dira. Beharrezkoak dira. Eta beharrezkoak dira daudenak betetzea, ez baititu inork betearazten.
Ikusgela proiektuak, hezkuntzarako ikus-entzunezko materiala lantzeko wikiekimenak, hirugarren ikasturteari ekin dio gaur. Orain arte 92 bideo argitaratu baditu ere, ikasturte honetan maiztasuna handituko du, astearte eta ostegunero bideo bat aterako du eta irailetik maiatzera... [+]
ARGIAko erredakzioaren eskutik, sei ikus-entzunezko proposamen.
Euskarazko ikus-entzunezkoen egoera kaskarrak kezkatuta dauka Katixa Agirre, hizkuntzaren normalizazioan ezinbesteko tresna direla uste baitu. Ahul ikusten du euskal literatura sistema ere, irakurlego txikia duela eta. Hizkuntza gutxituen arazoak denak.