Gasteizko Errekaleor auzoko bloke batzuetan argindarra moztu du Iberdrolak. Udaltzainez gain, Ertzaintzaren hainbat furgoneta ere bertaratu dira.
Errekaleor bizirik!-ek Twitterren salatu duenez, poliziak bertan daudenen aurka kargatu du: "Identifikatzen hasi eta porra luzagarriak ateratzen bukatu dute". Kargen eraginez jendea zauritu dutela ere salatu dute: "Auzokide bat anbulantzian dago".
Errekaleorreko kide batek Hala Bedi irratiko Suelta la Olla saioan adierazi duenez, jendea inguruetara hurbildu da eta prezintatutako eremuaren barruan gazteek eserita jarraitzen dute. Auzora hurbiltzeko deia egin dute.
Topatu.info-ren arabera, Errekaleorren bizi diren gazteak “erasoa” erresistentzia eginez gelditzen saiatzen ari dira.
Gasteizko Udala auzoa husteko ahaleginean
Martxoaren hasieran Info7 irratian egindako elkarrizketa batean Gasteizko Udalak auzoa hustutzeko mugimenduak egiten ari zela salatu zuten Errekaleorreko kideek.
Auzoko etxe okupatuetako batzuk Ensanche 21 udal enpresarenak dira. Enpresaren arabera, etxebizitza batzuk “legez kanpo” okupatuta daude eta eraikinen egoerak bertakoen bizitzak "arriskuan" jartzen ditu.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]
Apirilaren 13an Berangoko Otxantegi Herri Lurra proiektuaren II. urteurrena ospatuko dute. Apirilaren 18an ordea bigarren desalojo saiakeraren mehatxua izango dute gainean.
Zestoako Gaztetxearen kontrako prozedura judiziala mantentzen du Elizak: asteazken honetan izango da epaiketa. Aurreko ostiralean, Gaztetxearen aldeko elkarretaratze bat izan zen Donostiako Artzain Ona katedralean.
Gipuzkoan, 700 apostasia eskaera baino gehiago lortu dituzte Zestoako Gazte Asanbladak eta Langile Kontrolpeko Espazioen Defentsa Komunitateak. Bihar protesta bat egingo dute Donostiako Artzain Ona katedralean, aurrera baitoa Gaztetxearen kontrako prozedura: hilaren 24an... [+]
Lurrak espekulaziorako eta dirua egiteko helburu bakarrarekin darabiltzaten jabeak badira Euskal Herriko hamaika txokotan; horren adibide nagusi izan dira azken urteotan Arbonako, Senpereko eta Kanboko esperientziak. Baina Hego Euskal Herrian ere badira antzeko kasuak; Uribe... [+]