Telefono mugikorrak zelatatuko dituzte zortzi egunez, Espainiako estatistika institutuarentzat datuak biltzeko
Espainiako estatistika institutuak (INE) ikerketa bat egiteko erabiliko ditu datuak, herritarren desplazamenduak aztertu asmoz. Norbanakoek egunerokoan, jai egunetan eta landa eremuetan egiten dituzten desplazamenduak ezagutu nahi dituzte.
Europako telefono operadore nagusiekin akordioa egin du INEk: operadoreek bezeroen telefonoen jarraipena egingo dute zortzi egunez, eta bildutako eta prozesatutako datuak INEri eskainiko dizkiote, telefono erabiltzaileen mugikortasun ohituren gainean ikerketa egin dezan.
Espainiako Estatuko Orange, Movistar eta Vodafone konpainiek datu bilketan kolaboratuko dute. INEk jasoko dituen datuak anonimoak direla adierazi dute: erabiltzaileen kokapenaren gaineko informazioa bistaratuko da, baina ez telefonoaren titularraren gaineko daturik. Datu horiekin norbanakoen mugikortasun joerak ikertuko dituzte.
Datuak azaroaren 18tik 21ra arteko lau lanegunetan, eta azaroaren 24ko eta abenduaren 25eko jai egunetan jasoko dituzte aurten; eta datorren urteko 2020ko ekainaren 20an eta abuztuaren 15ean ere bai.
Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.
Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!
