Steve Bannonek nazien agurra egin du AEBetako eskuin muturraren ekitaldi nagusian
Ekitaldian, Mileik motozerra bat oparitu dio Muski, murrizketa sozialen sinbolo eta aldarri gisa.
Donald Trumpen aholkulari ohi Steve Bannonek, AEBetako alt-right-aren adierazle nagusiak, besoa altxatu eta nazien agurra egin du ekitaldi politiko batean. Keinuak are esanahi handiagoa du orain, Elon Muskek agur bera egin eta nolabaiteko polemika piztu ondoren. Oraingoan, Ekintza Kontserbadoreko Konferentzia Politikoan (CPAC) emandako hitzaldi baten ondoren egin du keinua Bannonek; alegia, AEBetako eskuinak National Harborren (Maryland) urtero egiten duen ekitaldian. Hitzaldian, Bannonek bere jarraitzaileei eskatu zien amore ez emateko: "Borrokatu, borrokatu, borrokatu", oihukatu zuen, keinu faxista egin eta "amen" batekin amaitu aurretik.
Irudiek berehalako erreakzioak eragin dituzte. Izan ere, bere jarraitzaileek ere nazien keinu argi gisa ulertu dute. Jordan Bardellak, Frantziako Estatuko Rassemblement National (RN) alderdiko buruak, erabaki du bertan behera uztea CPACen egin behar zuen hitzaldia. "Partehartzaileetako batek ideologia naziari buruzko keinu probokatzaile bat egiten utzi dio bere buruari. Beraz, nire mintzaldia deuseztatzeko berehalako erabakia hartu dut ", azaldu zuen Libération-ek jasotako ohar batean.
Hori gutxi balitz, Argentinako presidente Javier Mileik motozerra bat oparitu zion Musk handikiari ekitaldiaren barruan, esanahi garbi batekin: AEBetan martxan diren murrizketa sozialak sinbolizatzen eta aldarrikatzen ditu motozerrak.
Keinu faxista gehiago
Bannonena ez da izan, gainera, ekitaldi horretan ikusitako keinu faxista bakarra. Eduardo Verastegui produktore eta aktore mexikarrak, zirkulu ultrakontserbadoreekin lotura jakina izan duenak, antzeko keinu bat egin zuen, ikusleen oihuak eta borroka politikoari buruzko aipamenak lagun zituela. Espainiako Estatuko eskuin muturraren ekitaldietan ere parte hartu du Verasteguik, eta behin baino gehiagotan erabili du bere plataforma QAnon bezalako konspirazio-teoriekin lerrokatutako diskurtsoak sustatzeko. Propaganda horrek bultzatu zuen, besteak beste, Kapitolioaren aurkako kolpea.
Eskuin muturreko adituek azpimarratu dute Bannonen keinua ez dela kasualitatea. Breitbart News web-orri ultrakontserbadoreko zuzendari ohia eta Trumpen Etxe Zuriko estratega nagusia den aldetik, funtsezko pertsona bat izan da eskuin muturraren hedapenean Amerikan nahiz Europan, Matteo Salvini, Jair Bolsonaro edo Santiago Abascal bezalako liderrei aholkuak emanez. Bere helburua beti izan da oinarri sozialak mugiaraztea, erretorika beligerantearen bidez. Muskek eta Bannonek keinu bera egin izanak estrategia adostu baten hipotesia indartzen du: erradikalizazio sinboliko progresibo bat, eztabaida publikoan adierazpen faxistak legitimatzea bilatuko lukeena, lehen onartezintzat jotako erreferentzia historikoak normalizatuz.
"Frankismoaren adierazpen zehatzen" eta "faxismoaren berrindartzearen kontra mobilizatzera eta antolatzera" deitu dute.
Auzitegi Gorenak 27 urte eta hiru hilabeteko kartzela-zigorra ezarri dio Jair Bolsonarori, Latinoamerikako ultraeskuindarren erreferenteari, Lularen aurka hauteskundeak galdu ostean, 2022an estatu-kolpe saiakera baten buru izateagatik.
Utahko Unibertsitatean, 3.000 entzuleren aitzinean diskurtsoa zabaltzen ari zela gertatu da hilketa asteazkenean. Donald Trumpen hurbileko aurpegi ezaguna zen Kirk.
Peronismo klasikoak Buenos Aires probintziako hauteskunde legegileetan botoen %47,2 lortu du. Javier Mileiren La Libertad Avanza hautagaitza 13 puntura geratu da (%33,7). Emaitza esanguratsua da bozka emateko eskubidea duten argentinarren %38 Buenos Aires probintzian biltzen... [+]
Europan eta munduan arrazakeria gora doa, eta Euskal Herria ez dago joera horretatik salbu. Egun, herritarrak eta jendarteak eskuin muturraren baloreak bere egiteko bide nagusietakoa da arrazakeria. Arazoaren larritasunari tamaina hartzen saiatu gara, eta aztertu ditugu zenbait... [+]
Eskuin muturreko sekta erlijioso bateko kideek, Deierrin bizi direnek, 1986an erbesteratuen aldeko ekintza batean Hernanin hil zen Fernando Ros Abartzuzako gaztearen omenezko ekitaldiko bidea oztopatu zuten igandean.
Japoniako goi-ganberaren erdia berritzeko uztailaren 20an egindako hauteskundeek berretsi eta ondu egin dituzte aurreikuspenak: Alderdi Liberal Demokratikoak eta haren ia betiereko aliatua den Komeito konfesional eskuindarrak galdu egin dute Aholkularien Batzar horretan zuten... [+]
Portugalgo Gobernua osatzen duten Alderdi Sozialdemokratak eta CDS-Alderdi Popularrak Chega eskuin muturreko alderdiarekin bat egin dute Atzerritarren Legea erreformatzeko. Delitu larriak egiten dituzten migratzaile nazionalizatuei pasaportea kenduko diete, herritartasuna... [+]
Lintxamenduen ostean immigrazioaren aurka izan den lehen mobilizazio-saiakerak ez du jarraitzaile gehiegi erakarri, baina izu arrazistak hartu du herria.
Jazarpen arrazistak eztanda egin du Espainiako Torre Pacheco herrian, Euskal Herrian ere ezagun zaizkigun diskurtsoak hauspotuta: immigrazioa lotzea delinkuentziaren, sexu-erasoen eta segurtasun faltaren gorakadari. Baina datuek frogatzen dute gezurra direla gorroto diskurtso... [+]
Twerk klasean gertatu zen, Bilbon. Merkataritza-gune batean dago dantza eskola, eta gortinek ez dituzte kristalak erabat tapatzen. Emakumezko lau ikasleok eta irakasleak luzaketak egiten geundela, gure short labur eta top-ak jantzita, bi mutiko hasi zitzaizkigun kristalaren... [+]
Hainbat gauez jarraian, gorrotoa eta arrazakeria hedatu eta "etorkinen aurkako ehiza" egin dute Murtziako herri batean, "Espainia garbitzeko". Kolektibo antiarrazistek ultraeskuinaren inpunitatea salatu dute.
Espainiako Abokatu Kristauen Fundazioak Bilboko artista salatu du arrazoi beragatik, “eskarnio delitua” egin duela argudiatuta. EHZk barkamena eskatu die artistaren emanaldiak mindu dituenei, baina egoera gorrotoa sustatzeko baliatu dutenengandik “urrun”... [+]
Hernaniko San Joan jaietan magrebtarren kontrako eraso gehiagoren berri eman dute Hernaniko Txosna Batzordeak eta Amher SOS Arrazakeriak. Salatu dute herrian asteak daramatzatela "jarrera, gezur eta ekintza antolatu arrazistak" bizitzen, eta ohartarazi dute: "Hau... [+]
Hernaniko Txosna Batzordeak azaldu duenez, gutxienez hiru eraso arrazista izan ziren herrian ekainaren 23ko gauean, eta horren harira zabaldutako “bulo eta gezur arrazistak” salatu ditu. Udalak ere adierazpen instituzionala onartu du gertaturikoa gaitzesteko. Amher... [+]
