Spartakeko ultra neonaziek istiluak eragin dituzte Bilbon: bederatzi atxilotu eta ertzain bat hilik bihotzekoak jota

  • Europa Leagueko Athletic eta Spartak Moskuren arteko partidak istilu larriak sor zitzakeela jakina zen. Ertzaintzaren segurtasun dispositibo bereziak ez zituen istiluak galarazi. Ertzain bat bihotzekoak jota hil da eta gutxienez bederatzi lagun atxilotu dituzte. Jaurlaritzatik berretsi dute istiluetatik bereizi behar dela ezbeharra. Atxilotuak gaur pasako dira epailearen aurretik.


2018ko otsailaren 23an - 10:46

Partida aurretik izan dira istiluak. Bengalak jaurtitzen hasi ziren Spartak Moskuko zale ultra batzuk. Athletickeko hainbat jarraitzailek erasoari erantzun eta bi aldeen arteko tentsioa areagotu zen. Kristalezko botilak, edukiontziak eta bengalak jaurti zituzten elkarren artean. Segurtasun Sailaren arabera, bi taldeetako jarraitzaileek hartu dute parte istiluetan.

Bihotzekoak jota hil den ertzainaren kasua istiluekin ez nahasteko eskatu du Beltran de Heredia Segurtasun sailburuak. “Operatibotik aparteko heriotza izan da”. Izan ere, istiluak gertatu bitartean ondoezik sentitu zen 51 urteko ermuarra. Basurtoko Ospitalera eraman zuten eta ordubetez suspertzen saiatu ziren arren, ezinezkoa izan zen bere onera itzultzea. Erne Ertzaintzako sindikatuak adierazi du “indarkeriazko heriotza” dela eta ez dela istiluetatik bereizi behar.

Behin istiluak amaituta, ertzainek bederatzi lagun atxilotu zituzten: bost euskal herritarrak dira, hiru errusiarrak eta bat poloniarra. Lehen bostek 20-25 urte inguru dituzte, eta desordena publikoa egitea egotzi diete; errusiarrak 20-27 urte artekoak dira eta desordenaz gain, autoritateari eraso egitea ere egozten zaie. Poloniarrari errusiarrek dituzten akusazio berdinak leporatzen zaizkio. Josu Bujanda Ertzaintzaren Herritarren Segurtasunerako arduradunak adierazi duenez, atxilotuak izan diren Athletic zaleak istiluetarako materialarekin joan ziren futbol zelaira. Zale errusiarrek ere material “berezia” zeramatela salatu du twitter bidez Sare Antifaxistak. Hala nola, golfeko pilotak eta suzko lehergailuak.

Bilboko Udalak elkarretaratzea deitu du ostiral eguerdirako. 13:00ean udaletxe aurrean dira biltzekoak, atzoko gertakariak gaitzetsi eta ertzainaren familiari babesa adierazteko. Juan Mari Aburto Bilboko Alkateak segurtasun operatiboa defendatu du eta futboleko arduradunei neurriak hartzeko eskatu die. Guztira, 216 ertzain, 100 udaltzain eta Athletickek kontratatutako segurtasun pribatuko 200 agentek osatu zuten polizia operazioa.

 

 


Kanal honetatik interesatuko zaizu: Futbola
Lesio larriak, talde kriminala izatea eta gorrotozko delituengatik ikertzen dituzte Indar Gorriko kideak

Asteazkenean atxilotutako Indar Gorriko 61 kideak libre utzi ditu Iruñeko Instrukzioko 4. epaitegiak, behin-behineko askatasunean eta kautelazko inongo neurririk gabe.


Indar Gorriko 61 kide atxilotu dituzte Iruñean

Espainiako Polizia Iruñean, Sevilla eta Madrilen egiten ari den operazio baten barnean atxilotu dituzte. Iazko urrian Betis-Osasuna partidaren aurretik egondako istiluak ikertzen ari dira.


Emakume bat larri dago ZIUn, Ertzaintzak Donostian foam jaurtigai batekin jo ostean

Emakumea Donostia ospitalean ingresaturik dago, foam jaurtigaiak buruan jo eta odol isuria eragin ostean. Realaren eta Paris Saint Germainen arteko futbol partiduaren aurretik polizia agenteek egindako kargetan zauritu dute. Ertzaintzak barne ikerketa zabaldu duela jakinarazi... [+]


Bultzadak Aitor Zabaleta harmaila itxiko du hurrengo partidan, errepresioa salatzeko

Bultzada Realaren jarraitzaile taldeak jakinarazi duenez, ez da joango ostiraleko Vila-realen kontrako partidara, eta Aitor Zabaleta harmaila itxita mantenduko du, jasaten ari den “errepresioa” salatzeko.


2024-01-25 | Xabier Rodríguez
Afrikako Kopa, kontinente baten ispilu

Afrikan futbola grinaz bizi dela esatea ez da nobedadea. Tangerretik Lurmutur Hirira eta Dakarretik Mogadisciora, kontinentea osatzen duten 54 herrialdeak eta zientoka hizkuntzak aniztasun kultural paregabe baten isla dira. Aniztasun horretan baloia da afrikar guztiak elkartzen... [+]


Eguneraketa berriak daude