Bizkaiko Aldundiak atzera egin du: ez dute Gaztelugatxeko aparkalekua eraikiko oraingoz

  • Milioi bat euroko gastua izango zuten lanak hastear zeuden Bermeo eta Bakio arteko biotopo babestuan. Munduan lortu duen ospeagatik nabarmen egin du gora irlako bisitari kopuruak, Bizkaian turista gehien erakartzen duen bigarren lekua bilakatu arte. Hainbat eragilek aparkalekua eraikitzearen aurka egin ondoren, Foru Aldundiak plana birplanteatuko duela adierazi du.


2020ko otsailaren 10an - 10:30
Turistak Gaztelugatxen.

Ia 730.000 bisitarekin itxi zuen 2019a Gaztelugatxek. Turismo masifikatuaren eredu bilakatzen ari da irla, eta ondorioz, Aldundiaren aurreikuspenen barruan zegoen 51 autorentzako lekua izango zuen aparkalekua egitea. Joan den urterako amaituta egongo zela adierazi zuen Aldundiak, baina gizarte-presio handiak izan ditu, SOS Gaztelugatxek jaso dituen 100.000tik gorako babesak, besteak beste. Proiektua, momentuz, bere horretan geratu da.

Bizkaiko Foru Aldundiak adierazi du neurriak hartuko dituela “ingurumenaren arloko aberastasuna babesteko” asmoz.  3.024 lagunera murriztu du eguneko bisitari kopurua; hau da, aldi berean 340 pertsonak egon ahalko du irlan. SOS Gaztelugatxe mesfidati azaldu da Aldundiaren erabakiarekiko; “esperientziak esango digu lurzoru horrek benetan zenbateko hori jasan dezakeen, eremua degradatzen jarraitu gabe”.

Martxoaren 14tik aurrera jarriko dute martxan neurri hau, eta bisitariek bertara sartu ahal izateko aurretiaz internetetik txartela erosi beharko dute.


Kanal honetatik interesatuko zaizu: Turismo masiboa
25 lagunetara murriztuko dute turista taldeetako gehieneko pertsona kopurua Donostian

Donostia Turismoak apirilaren 10etik aurrera jarriko du neurria indarrean, eta derrigorrez bete beharko da, bestela isunekin zigortuko dutelako gidari turistikoa.


Lau donostiarretatik hiruk uste dute turismoak kalte “handia” egiten diela

Turismoari buruzko pertzepzioaz galdetu die EHUk donostiarrei, eta ondorioztatu du herritarren erdiak baino gehiagok “frustrazioa” sentitzen duela. Donostiako Udalak eta Eusko Jaurlaritzak finantzatu dute ikerketa.


Pisu turistikoak debekatu ditzakete bizilagunek, Espainiako Auzitegi Gorenak ebatzi duenez

Donostiako eta Oviedoko bi eraikinetan izandako arazoak direla eta, epaileek auzokoen erkidegoen esku utzi du pisu turistikoak debekatzea. Hala ere, beharrezkoa izango da debekua eraikineko etxebizitzen-estatutuan jasota egotea.


Tasa turistikoa aplikatzeko lehen urratsak ematen ari da Jaurlaritza

Estatu mailan tasa turistikoa erkidego gutxik jarri badute ere indarrean, mundu mailan dagoeneko 137 hiri turistikotan kobratzen dute zerga hori.


Turistifikazioaren aurkako manifestazio jendetsua egin dute Donostian

Hiritarrek salatu dute turismo jarduerak hirian “gehiegizko bolumena eta pisua” hartu duela. Halaber, egoera “desazkunde turistikorantz” bideratzea aldarrikatu dute, “kalteak handitzea eta iraunkortzea” ekiditeko.


Eguneraketa berriak daude