Sofa taldea: Puto amoak matematiketan
Urtarrilaren 9an, Gasteizko Parral Tabernan emandako kontzertuaren kronika.
Demagun kontzertura joan aurretik ez genekiela ezer taldeari buruz, inork ez zigula hitz egin beraiei buruz.
Parral taberna, 20:30ak, asteartea. Gasteizko zita fijo bat. Taldea, Sofa.
Hasi orduko beraien musikaren berezia antzeman zitekeen: baxu-bateria-gitarra hirukotea, abeslaririk ez; gitarrajoleak ezohiko harmonia eta jotzeko modua; baxujolea giderrean gora eta behera, harmoniaren oinarria baino askoz gehiago egiten; eta bateria hankarekin ezin jarraituzko erritmoak bata bestearen atzetiko joz. Lehen kanturako Post Hard Core taldeen usaina hartu genion: Bcore zigilu kataluniarreko taldeena, zehazki. Za! Ere aipatu zuen baten batek. Denok ados, taldearen kalitatearekin: aspaldi halakorik gozatu gabeak. Bartzelonatik zetozela zirudien, hemen halakorik gutxi ikusi baitugu. Ai, gu, kosmopaletook: hitz egiten hasi zirenean –mikrorik gabe, ohiuka– Urola kostako hizkera nabarmena zuten. Zarautz eta Zumaiatik zetozen!
Aipatutako hori guztia entzuna genuen, ordea, aldez aurretik. Bagenituen erreferentziak, eta gogoa ere bai zuzenean entzuteko. Ordurako eurek sarean eskegitako kantuak entzunak genituen, eta gozatuak. Baina momentuan entzundako hura egiteko gai izango zirenik ezin imagina. Posible ote da? Bada, bai. Eta nola! Teknikoki ikaragarriak dira Sofatarrak. Ezin hobeto menderatzen du nork bere instrumentua: hiru bakarrik izanda ere, bete-beteak dira euren kantuak. Baina ez da hor geratzen euren artea: hitzik erabili gabe bertan bildu ginenokin ezin hobeto komunikatu ziren: proposatzen zizkiguten ez ohiko erritmoetan dantzarazi ziguten, gitarra eta baxu joku sinkronizatuekin irribarreak atera; gozarazi, eta asko. Tartekako tropikal kutsuak, Hard Corerik zarauztarrenaren usainak zeharka, eta gozatzeko jarrera, itxurakeria izpirik gabe.
Katedrak dio Math Rocka egiten dutela, rock matematikoa. Ezjakina ni, wikipedian begiratu behar izan dut zer den: Math Rocka 80ko hamarkada amaieran AEBetan eta Japonian jaiotako estilo bat da. Eragin nagusia Rock Progresiboa du, eta honen baitako azpigenerotzat hartu izan da. Ezaugarri nabarmenena erritmoen konplexutasuna eta egituren arraroa dira. Muturreko espazio eta tenpoak erailtzen dira, eta kantu berean melodia harmoniatsu bat eta riff distortsionatu bat entzun daitezke.
Ez zait definizio hoberik bururatzen.
Bazenekien, baina, hau guztia, musikazale; Euskal Herrian azken boladan gehienon ahotan egon den taldea baita Sofa. Eta ondo merezita, gainera. Idatzi dudan honek guztiak, beraz, ez du ezer askorako balioko, ez bada euskarazko Wikipedian Math Rockaren definizioa jartzeko.
Zuzeneko musika gustatuz gero, ziur azken hamarkadan Eider Iturriagak egindako argazkiren bat ikusi duzula. Bere bi grinak uztartu ditu bermeotarrak: musika eta argazkilaritza. Eszenatoki batean hain azkar pasatzen den une hori harrapatzeko abilezia du, ikuslearen begietan... [+]
Zer: Biarritz Piano Festival. Amaierako errezitaldia. Benjamin Grosvenor, pianoa.
Egitaraua: Schumann eta Moussorgskyren lanak
Lekua: Biarritzeko ‘Espace Bellevue’.
Data: abuztuaren 8a.
-------------------------
Biarritz Piano Festival... [+]
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Iritsi da uda. Egunak argi, bero eta luze dira orain, eta kostaldea jendez, sonbrilaz, krema usainez eta doi-doi ulertzen ditugun hizkuntzez bete da. Zuzeneko musikan ere gauzak asko aldatzen dira: mailarik gorenean daudenek makrojaialdietako birari ekiten diote, poltsikoak... [+]
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
Kneecap taldea BBK Liven egoteak eztabaida piztu du makrofestibalek protesta politikoaz egiten duten instrumentalizazioaz eta kultura-eredu nagusiaren kontraesanei buruz.
Bilboko Bilboko Kontseilu Sozialistaren Laneko Autodefentsa Sareak BBK Live jaialdiko lan-baldintza prekarioak argitara atera nahi ditu, baira horien erantzuleak seinalatu. Horretarako, solasaldia antolatu du uztailaren 2an.
Ezta Ilen + High Vis
Non: Gasteizko Jimmy Jazz aretoan.
Noiz: ekainaren 7an.
---------------------------------------------------------------
"Etorkizunik Ez" (No Future) punk lelo klasikoak duen gaurkotasuna azpimarratu du Enrique Zamoranok Hijos del Brexit... [+]
IDOIA ASURMENDI
Non: Bilboko Kafe Antzokian.
Noiz: maiatzaren 29an.
AZETangana! eta Mark Duti
Non: Tira IV jaialdia, Gasteizko Korda espazioan eta Gaztetxean.
Noiz: maiatzaren 10ean.
BRN + Auzoko eta Sain mendi + Odei + Monsieur le crepe eta Muxker
Zer: Uzta jaia.
Noiz: maiatzaren 2an.
Non: Bilborock aretoan.
---------------------------------------------------------
Ereindako haziek ura, argia eta denbora behar dute ernaltzeko. Naturak berezko ditu... [+]
Bi festibaletara joateko bonuak 150 euro balio ditu eta maiatzaren 6tik 19ra eskuratu daiteke. EHZ jaialdia ekainaren 27tik 29ra ospatuko dute Aberatzen eta azken Hatortxu Rocka Lakuntzan izango da, uztailaren 24tik 27ra.
Aramu + AimarZ
Noiz: apirilaren 26an.
Non: Zumarragako Zelai-Arizti frontoi irekian.
---------------------------------------------------------
Udalaren webguneak dio: "Bide Bizia marka turistikoa eta izen bereko jaialdia Zumarragaren arima munduari erakusteko,... [+]
24 talde berri iragarri ditu Hatortxu Rock elkartasun jaialdiak. 63 talde iragarri dituzte dagoeneko eta guztira, 100 talde izango dira jaialdiko bost eszenatokietan.