Sindikalgintza Nafarroan: ELA eta LAB hedatzen, CCOO eta UGTren kalterako
Ekaineko datuen arabera, sindikatu espainiarren adarrak %50eko ordezkaritzara ez dira iristen. LABek %15eko langa gainditu du historian lehendabizikoz.
Nafarroako mapa politikoan aldaketa nabarmena gertatu zen iaz, eta pixkanaka, joera hori sindikalgintzara hedatzen ari da. Esaterako, zenbait aktore pisua hartzen ari dira lan harremanen eszenatokian. LABen kasua da; 1982an %4,5eko ordezkaritza izatetik %15,08 izatera pasa da. Diario de Noticiasek argitaratu duenez, azken urtean portzentualki gehien hazi den sindikatua da, 890 delegaturekin.
Modu pausatuagoan, baina goranzko bidean jarraitzen du ELAk ere. 2005etik 2015era %21 eta %22 artean mantendu ostean, azken sei hilabeteetan %0,5 igo zen sindikatu abertzalearen ordezkaritza. 2013an hasitako gorakadak %1,2 igo zuen afiliatuen kopurua.
“UGT eta CCOOren alternatiba nagusia gara enpresetan”, adierazi dute ELAko kideek. Esandakoak badu funtsa: 1.314 delegaturekin, sindikatuak gero eta gertuago du Nafarroako bigarren indartsuena izateko aukera: %1,6ra du CCOO.
UGT eta CCOOk osatzen dute txanponaren beste aldea. Sindikatu espainiarren adarrek azken 27 urteetako ordezkaritza baxuena dute: bien artean ez dira %50era iristen. Duela sei urte, bien arteko batura Nafarroako sindikalgintza osoaren %55,6 zen. Egun, %49,6koa da.
UGTren iturriek zehaztu dutenez, krisiaren eraginak du beherakadaren errua: “Delegatu gehien dituenak izan ohi du galerarik handiena”. UGT eta CCOOk 1.521 eta 1.410 delegatu dituzte, hurrenez hurren.
Euskararen normalizazioaren motorrak herri dinamikara bueltatu behar du aurrera egin nahi badugu
ELAk eta LABek ez dute lan batzordearen gehiengoak erdietsitako eta langileen gehiengoak onartutako aurreakordioa sinatu: "Ez da 1.000 familiarentzako irtenbiderik planteatzen. Finean, lanpostu askoren galera eta fabrikaren itxiera dakar", adierazi du LAB sindikatuko... [+]
Uztailak 8, 16 eta 21 izan dira greba egiteko ELA eta CCOO sindikatuek aukeratutako egunak. Kontsumorako Prezioen Indizea (KPI) eta soldatak parekatzea eta lanaldiak murriztea eskatzen dute.
Langilea uztailaren 15ean hil zen eraikin baten estalduraren konpontze lanak egiten zebilela, eta ostegunean jakinarazi du ELA sindikatuak. Estaldura apurtu, eta altueratik erori zen. Guztira 31 langile hil dira Hego Euskal Herrian 2025ean, bostgarrena Araban.
ESK-k azpimarratu du zuzendaritzak soldatak igo dituela, langileen prestazioak murrizten ari diren bitartean. Berez, 2020tik abiatzen duten seigarren espedientea da honakoa.
Zerbitzu minimoek eragin handia izan dute Iruñerrian jaietan. Negoziazioan aritu dira, baina ez dute akordiorik erdietsi. Normaltasunez jardungo dute udan, eta irailean berrartuko dituzte lanuzteak.
Etxeko langileek jasaten duten "prekaritateari" aurre egiteko, "neurri zehatzak" biltzen dituen dekalogo bat aurkeztu du sindikatuak, Bilbon. Auzia lehenbizi Espainiako Auzitegi Gorenera eraman zuela jakinarazi du LABek, baina auzitegi horrek ez diola... [+]
18 eta 39 urte arteko herritarrei lehen etxebizitza erosten laguntzeko Eusko Jaurlaritzak berak finantzaturiko abala iragarri berri duen honetan, soluzioa ez dela hori kritikatu dute bai LABek, bai EH Bilduk. Dagoeneko dauden eraikinak aprobetxatu eta prezioak jaitsi ordez,... [+]
Administrazioa euskalduntzeko legeria aldatu beharra dagoela azpirramatzen du LAB sindikatuak eta hori lortzeko "herritarren aktibazioa" ezinbestekotzat hartu du. Hainbat ekimen eta mobilizazio egingo dituzte udazkenean.
Euskara eskakizunak zehazteko derrigortasun indizea ezabatzea eta erabakia erakunde bakoitzaren esku uztea proposatu zuen iragan astean EAJk. LABek salatu du derrigortasun indizea kenduz gero, epaileen "borondate euskarafoboak" ezarriko lukeela hizkuntza eskakizunaren... [+]
Ostegunean hiru hilabete beteko dira Gasteizko lorezainek greba mugagabea hasi zutenetik aho batez, ELA, LAB eta ESK sindikatuek deituta. Gasteizko parke, igerileku eta berdeguneak belar eta sasiek hartuta ikusteak oso ikusgarri egin du greba, baina iragan astean “zerbitzu... [+]
Euskal Herriko mugimendu abertzaleen hasieran, langile borrokak kanpotik inposaturiko zerbait balira bezala ikusi ohi ziren. Euzkadi egunkariko orrialdeetan maiz irakur zitezkeen sozialisten kontrako diatribak. Harritzekoak ere ez ziren erasook, egia esan, egunkari sozialistetan... [+]
ELAk astearte honetan eman dio amaiera XVI. Kongresuari eta Mitxel Lakuntza aukeratu dute hirugarrenez idazkari nagusi, ordezkarien %90,37ren babesa lortuta. Aurrera begira lantokietako "botere sindikalean eta eragin politikoan" jauzi bat emateko beharra azpimarratu du,... [+]