Simone Veil abortu eskubidearen defendatzaileaz aurtengo pastorala

  • Muskildin hasiak dira Battitte Berrogain urdiñarbetarrak idatziritako pastorala prestatzen. Hiru emanaldi ukanen dituzte: uztailaren 24an eta 31n eta abuztuaren 6an.


2022ko urtarrilaren 20an - 09:20
Azken eguneraketa: 10:26

Muskildiarrak dabiltza aurtengo pastorala prestatzen. Battitte Berrogainek idatzirik, Simone Veil aborto eskubidearen defendatzailearen biziaz izanen da. Barnetik eta ongi ezagutzen du pastoralen mundua Berrogainek: hamazazpi urtetatik pastoral askotan parte hartu izan du, izan dantzari gisa "Agosti Xaho", "Iparragirre" eta "Xiberoko makia" obretan edo errejenta bezala "Rene Cassin" eta "Abdelkader" pastoraletan. Aurtengo errejenta Maite Davant izanen da, Ürrüstoi-Larrabileko antzerkilaria.

90 lagun biltzen dituen taldeak iragan astean abiatu ditu mustrakak. Hiru emanaldi finkatu dituzte, uztailaren 24an eta 31n eta abuztuaren 6an. 1.500 lagunentzako lekua aurreikusirik dute.

Ipar Euskal Herrian eta orokorki Frantziako Estatu mailan aborto eskubidea bideratu zuen legearen oinarrian dugu Simone Veil, 1975eko urtarrilaren 17an legea bozkatu zenean Osasun ministro izandakoa. Judua izanik, hamasei urte zituela pairatu zuen deportazioa; gurasoak eta anaia hil zitzaizkion Auschwitzen, baina bera eta bere bi ahizpak bizirik atera ziren. Bizi aberatsa ukan zuen politikan. Besteak beste, Europako Parlamentuko lehendakaria izan zen 1979tik 1982ra –lehen emakumea postu horretan–.

Afixa lehiaketa

Pastorala ilustratzeko afixa lehiaketa abiaturik dute eta martxoaren 15a aitzin bidali behar dira proposamenak. Herria, emankizunen egunak eta orduak agertu beharko dira afixan, 40x60 zentimetroko potreta formatua errespetatuz. Xehetasun gehiagorentzat simoneveilpastorala@gmail.com helbidera idatzi daiteke.

 

 


Kanal honetatik interesatuko zaizu: Pastorala
2024-05-13
Pastoral bat Iruñearendako

Herri-antzerki forma bat da pastorala. Sujet edo protagonista bat (hildakoa) hautatu eta bere bizia bertsotan ematen duena. Kantua ere presente dago emanaldian. Taula zuzendaria, taula gainean arituko diren arizaleak eta musikariak aritzen dira pastorala ematen den egunean... [+]


Irantzu Fernandez eta Belen Ausejo
"Arlo askotan aurrekaria izan zen Julia Fernandez Zabaleta, nortasun handiko emakumea"

Julia Fernandez Zabaleta emakume aitzindariaren bizitza ezagutzera ematen duen pastorala larunbatean estreinatuko da, San Frantzisko eskolako jolastokian.


2024-02-28 | dantzan.eus
Lau pastoral plazaratuko dira 2024 urte honetan

Aurtengo urtea emankorra izango da pastoralei dagokionez, lau pastoral emango baitira; bi Zuberoan eta beste bi Zuberoatik kanpo: Iruñean (Nafarroa) eta Xarneguko (Lapurdi-Nafarroa Beherea) zonaldean. Gure herriko lau historia ezagutaraziko dira oholtzan antzerki,... [+]


Eguneraketa berriak daude