Silvio Berlusconi hil da: Italiako ultraeskuinaren aurpegi polemikoa eta Mediaseten sortzailea
Italiako lehen ministro izandakoa 86 urterekin hil da, Milango ospitale batean. Denbora zeraman gaixo, leuzemiagatik. Enpresaburu eta politikari ultraeskuindarrak epaiketaz eta polemikaz jositako ibilbidea izan du, eta hedabide handien nahiz futbol taldeen kontrola ere izan du Italiako pertsonarik aberatsenak. ETB 2 katearekin elkarlana egin zuen sortu berritan.
aurre egingo dieten hedabide independenteak
Milango San Raffaele ospitalean hil da astelehenean 86 urteko Silvio Berlusconi. 2020az geroztik osasun arazoak izan ditu, eta hainbatetan ospitaleratu dute. Leuzemia kronikoa diagnostikatu zioten, eta horren ondorioz zegoen ospitaleratuta ostiraletik.
Italiako eskuinaren figura garrantzitsuenetako bat izan da Berlusconi, eta politikan urteak eman ditu, betiere polemikaz inguratuta. Aurpegi ezaguna ez ezik, goi karguduna ere izan da: Italiako lehen ministro izan zen 1994-1995, 2001-2006 eta 2008-2011 aldietan. Forza Italia alderdia sortu zuen 1993an eta bertako buru izan zen. Epaiketak tarteko, kargua betetzeko gaitasunik gabe zegoen Berlusconi, baina 2018an hauteskundeetara aurkezteko asmoa azaldu zuen. 2022ko hauteskundeetan senatari aukeratu zuten.
Italiako pertsonarik aberatsena zen, Forbes aldizkariaren arabera 7.800 milioi euroko ondasuna zuen. Futboleko enpresari ere izan zen: Milan eta Monza taldeen jabea izan zen. Panem et circenses esaerari jarraiki, jakin zuen zertan inbertitu dirua: Euskal Herrian gehien kontsumitzen den Mediaset telebista taldearen fundatzailea izan zen. Komunikabideetan botere handia zuen, besteak beste, Milango telebista sortu zuen 1970eko hamarkadan, eta 1990ean Mondadori taldearen presidente izendatu zuten, hainbat aldizkari eta egunkariren enpresa editorearena. Berlusconik lan politikoa eta mediatikoa elkar elikatu zituen, El Saltok artikulu honetan xehe deskribatzen duenez.
Euskal Telebistan ere sartu zuen eskua. ETB 2 katea sortu eta urtebetera, EiTBk eta Berlusconiren Fininvest enpresak elkarlanerako akordioa sinatu zuten, Axier Lopezek 2014an ARGIAn gogorarazi zuenez. EiTBren publizitate guztiaren kudeaketa enpresari italiarrari eman zioten, baita EiTBren saio eta filmen bilduma osoari sarbidea eskaini ere. Bideoan ikusten denez, prentsaurrekoan Berlusconik esan zuen espero zuela EiTBrekin elkarlanean Europako telebistaren arloan euren presentzia hobetzea, "eta Espainia horren zati garrantzitsua da", zehaztu zuen. Elkarlana aurkeztu zutenean, Josu Ortuondo orduko EiTBko zuzendariak nabarmendu zuen Berlusconirentzat "oso garrantzitsua" zela "Espainiako telebistaren merkatuan sartzea".
Justiziak ere ez zuen isildu
Gaixorik zegoela ere boteretsu itxura ematen segi zuen jendaurrean, eta eskuina eta eskuin muturra batzeko pertsona inportantea izan zen. Italiako justiziak zigortu egin zuen eta hainbat epaiketa zabalik zituen, baina inork ez zuen lortu gizon hau geldiaraztea. 2013an zerga iruzurragatik lau urteko kartzela zigorra jarri zioten, baina soilik urtebete pasa zuen, zahar etxe bateko gizarte zerbitzuak egiten; ez zuten kartzelaratu.
Prostituzioa, botere gehiegikeria eta ustelkeria delituekin ere lotuta egon da Berlusconi. Entzute handia izan zuen, Italian ez ezik, nazioartean ere Ruby auziak; adin txikikoa zen Karima el-Mahroug Ruby Berlusconiren festetan prostituta zen, eta lehen ministro izandakoa hari lotutako auzibide batean zigortu zuten. Polemika ugariren ostean, bertan behera geratu zen akusazioa, froga faltagatik.
Erromako San Giovanni in Laterano plazan, errutinazko indusketa bat egiten ari zirela, arkeologoek IX.-XIII. mendeetako jauregi baten arrastoak topatu dituzte ezustean. Eta garai hartako aita santuen bizitokia izan litekeela uste dute. Bestela esanda, baliteke Patriarkatua... [+]
Veneziako urmaela, 452. urtea. Hunoen inbasioak bultzatuta, Italiar penintsulako barrualdeko hainbat biztanlek eremu zingiratsuan hartu zuten behin behineko babesa. Baina lonbardiarren inbasioak iritsi ziren urte batzuetan, eta bizitoki iraunkorra bihurtuko zen etorkin... [+]
Manifestazioaren iragarpena Turistifikazioaren aurkako Europa Hegoaldeko sareak (SET) Bartzelonan antolatutako topaketen harira egin dute. "Turismo-monolaborantzaren aurka" deitu dute eta Europa Hegoaldeko hamabost eragile inguru batu zaizkie.
Florentzia, 1886. Carlo Collodi Le avventure de Pinocchio eleberri ezagunaren egileak zera idatzi zuen pizzari buruz: “Labean txigortutako ogi orea, gainean eskura dagoen edozer gauzaz egindako saltsa duena”. Pizza hark “zikinkeria konplexu tankera” zuela... [+]
Egungo Venezia 118 uhartez osaturiko artxipelago baten gainean eraikita dago. Uharte horiek 455 zubik elkar lotzen dituzte. Lura baino lokatza du oinarri hiriak. Inguruetako milioika zuhaitz mozteari ekin zioten IX. mendetik aurrera, piloteak eraiki eta hiria zimendatzeko... [+]
Friulieraz egiten duen irrati lokal bat da Suns Europe jaialdiaren antolatzailea eta berak egiten du zuzeneko jarraipena. Miren Narbaiza MICE ariko da oholtza gainean, Euskal Herria ordezkatzen.
Kritiken artean deportatu ditu Italiak hamasei errefuxiatu Albanian eraiki duen "harrera-zentro" batera. Proiektua 2023. urtean erabaki zen Meloniren Italiaren eta Albaniako Ramaren arteko akordio bat izan zela eta, eta "migrazio-kudeaketak bizkortzea" du... [+]
Erromatar Inperioko hiri gehienetan kartzelak zeudela pentsatu arren, garai hartako espetxeen arrastorik ia ez da aurkitu aztarnategietan.
Berriki, ordea, Matthew Larsen Kopenhageko Unibertsitateko arkeologoak Korintoko erromatar espetxea identifikatu du. 424... [+]
"Ez dugu aukerarik, hauxe da gure lantokia. Eusten saiatuko gara ". Itxiera eragozteko, Italiako fabrika bateko langileek "industria behetik birmoldatzearen" aldeko apustua egin dute, ekoizpen-bitartekoak beraiek kontrolatuta. Kanarietako energia-komunitate... [+]
Langile migratzaileek indarkeria, lanaldi luzeak eta ordainketa eskasak modu ohikoan jasaten dituzte, Europako bederatzi estatutan egindako ikerketa baten arabera. Gutxienekoa baino soldata baxuagoak jaso ohi dituzte ia estatu guztietan, eta emakumeek are soldata baxuagoak.
Igandean egin du erreskatea Aita Mari salbamendu ontziak. Azaldu dute Siriatik etorritakoak direla gehienak, baina badaudela haien artean Egiptotik, Nigeriatik eta Bangladeshtik etorritakoak ere. Aita Mari ontziari Ravennako portuan lehorreratzea agindu dio Italiako... [+]
Calabriako (Italia) kostaldetik 120 miliatara hondoratu da astelehenean ontzi bat eta erreskate lanetan, haurdun zegoen emakume bat hil da. Libiatik gertu beste ontzi batean, ura sartu eta hamar pertsona hil dira sotoan. Desagertuen artean gutxienez 26 ume daude.
1991n Alpeetan Ötziren gorpua aurkitu zutenetik, egoera oso onean kontserbatutako 5.000 urteko arrastoak ikerketa asko egiteko erabili dituzte. Hasieratik arreta eman zuten azalean zeuzkan 61 tatuajeek. Adituek uste zuten tatuaje horiek azalean ebaki txikiak eginda eta,... [+]