Sei euskal preso hurbilduko dituzte, horietako bi Madrilera
Espainiako Espetxe Erakundeek sei euskal preso politiko hurbilduko dituela iragarri dute, horietako lau Euskal Herri inguruko espetxeetara eta beste bi Andaluziako espetxeetatik Madrilgoetara. Espainiako Gobernuak, beraz, tantaka jarraitzen du presoak hurbiltzen.
aurre egingo dieten hedabide independenteak
Antton Troitiño Estremeratik (Madril) Soriara ekarriko dute. Andoni Otegi Almeriatik Logroñora. Mikel Arrieta Algecirasetik Soriara. Aitzol Maurtua Huelvatik Dueñasera (Palencia). Bittor Franco Huelvatik Estremerara. Eta Agustin Almaraz Cadizetik Estremerara. Euskal Herriko inguruetara hurbiltzen dituztenak 250 kilometroren bueltan dauden espetxeetara ekarriko dituzte.
Espetxe erakundeetatik jakinarazi dutenez, seiek espetxeetako legedia onartu dute eta gehienek zigorraren hiru laurdenak beteak dituzte. Sei presoek espetxe zigor luzeak egin dituzte eta horien artean nabarmendu liteke Antton Troitiño, zeina 2011n askatu zuten 30 urteko espetxe zigorra bete ondoren. Espainiako justiziak, aldiz, berriz leporatu zion ETAn sartu izana eta, honek akusazioa ukatu arren,Londresetik –han babestu zen Troitiño– estraditatzea lortu zuen, ia 6 urteko zigorra ezarriz. Francok eta Maurtuak 18 urte bete dituzte espetxean eta gainerakoek 20tik gora. Bittor Francoren aita joan den astean hil zen eta, Etxeratek salatu zuenez, ez zuen bere aitari azken agurra emateko aukerarik izan.
Urtero legez, hitzordua izan dute igandean Sare eta Etxerat elkarteek Hego Euskal Herriko 11 hondartzatan. Euskal preso, iheslari eta deportatuak etxeratzearen aldeko aldarriak egin dituzte.
Lau egunez Lakuntza milaka lagunez bete du Hatortxu Rockek. Aurtengo edizioak presoen aldeko jaialdiaren bideari amaiera eman dio. Hala ere, abenduak 27rako jaialdi berria iragarri dute: Aske.
Jesus Maria Gomez Ezkerro 'Txutxo', 2001eko urtarrilean atxilotu zuten, 2021ean hirugarren gradua ezarri zioten, eta 2023ko otsailean baldintzapeko askatasuna eman zioten. 24 urte geroago aske geratu da.
26 urtez euskal preso eta iheslariak etxeratzeko aldarria oholtza gainera eraman ondoren, Hatortxu Rock jaialdiak bere azken edizioa egingo du ostegunetik igandera bitartean, Lakuntzan (Nafarroa). Jaialdian bildutako dirua preso sein senideentzat dispertsioak zekarren zama... [+]
"Euskal Herriaren jazarpena elikatzen du Euskal Herriaren bakearen bidean egindako akordiotzat saldu duten honek", adierazi dute larunbatean Arrasaten eginiko prentsa agerraldian.
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]