Segurtasun zaintzaileak ez dira Leioako Campuseko fakultate bateko ikasleen gunearen parean gehiago egongo
Gizarte eta Komunikazio Zientzien fakultateko Dekanotzarekin adostasun batera iritsi da ikasle mugimendua. “Eraso bat gelditzea lortu dugu”, adierazi dute ikasleek gaur egindako prentsaurrekoan. Leioatik! ikasle proiektu komunikatiboak egin du jarraipena.
Ikasleentzat, aurtengo ikasturteko arazo nagusietako bat zen Gizarte eta Komunikazio Zientzien fakultateko segurtasun zaintzaileen lana: “Fakultateko bazter guztiak kontrolatu eta gure jarduna oztopatzeko eraso berri bat zen”. Ia astero manifestatu dira; tartean, urriaren 31n izandako tentsio uneak, eta azaroaren 29an eginiko manifestazioa –Dekanotza okupatu zuten–. Azken honen ostean ekin zioten Dekanotzarekin negoziatzeari. Adostasun batera iritsi direla jakinarazi dute gaur eginiko prentsaurrekoan: EHUk segurtasun zaintzaileak kenduko ditu ikasleen gunearen paretik, printzipioz, behin betiko.
Elkartasuna eta koordinazioa
Borrokatzearen garrantziaz hitz egin dute. Dena dela, ikasleen elkartasuna beharrezkoa dela azpimarratu dute: “Lortutakoarekin, argi utzi dugu elkartasunean eta koordinazioan oinarrituriko antolakuntza eredu autonomo batek duen eraginkortasuna”. Eraso bakoitza denen aurkako eraso bat dela eta kolektiboki erantzun behar dela esan dute.
Borroka bat irabazi dutela ospatu dute, baina batasunez eta elkartasunez langile klasearen mesederako garaipen berriak lortuko dituztela iragarri dute. pic.twitter.com/ykEHV6u03r
— Leioatik! (@Leioatik) December 18, 2018
Jarraian GKZ-ko asanbladak egin duen irakurketa:
.jpg)
Mundu osoan zehar unibertsitateko ikasleek Palestinaren alde antolatzen ari diren protestetara batzeko deia egin du Ikasle Abertzaleak antolakundeak. Olatua AEBetan abiatu bazen ere, bost kontinenteetan egin dira kanpaldiak eta protestak azken asteetan. Palestinako ikasle... [+]
Grebara jo dute bigarren hezkuntzako, lanbide heziketako eta unibertsitateko ikasleek. Ikastetxeen ohiko jarduna gelditu eta kaleak hartu dituzte “negozioen eta inposizioen” hezkuntzaren kontra Bilbon, Donostian, Gasteizen eta Iruñean. Goizeko aurreneko... [+]
Ikasle Abertzaleak taldeak grebarako deia egin du martxoaren 20rako. Negozioen eta inposizioen hezkuntza borrokatu goiburuarekin manifestazioa ere eginen dute 12:00etan Iruñeko Foruen Plazatik aterata. Unibertsitatera sartu aurretik eta goi mailako ikasketak egiterako... [+]
Asteazken gaueko gertakariak salatzeaz gain, Polizia unibertsitatetik “kanporatzea” exijitzeko eta EHUren “erantzukizuna” seinalatzeko mobilizazioa egin dute.
Eusko Legebiltzarraren aurrean elkartu dira Ikasle Abertzaleak-eko kideak martxoaren 13rako ikasle grebara deitzeko. “Azken hilabeteetan borroka prozesuak martxan jarri ditugu Euskal Herriko ikastetxe eta campusetan eta, orain, pausu bat gehiago emateko unea dela uste... [+]