Sareratu da '.eus' domeinua

  • Abian da “.eus” domeinua. Larunbatean PuntuEus Fundazioak Bilboko Kafe Antzokian egindako agerraldiarekin batera aktibatu dira lehen webgunetako domeinuak. Falta direnak datozen egunetan abiatuko dira.


2014ko ekainaren 30an - 00:00
Azken eguneraketa: 2015-02-26 13:37:33
Domeinuaren lehen 92 erabiltzaileen zerrenda anitza azpimarratu dute.

Aitzindariak.eus webgunean ikus daitezke domeinua aktibatzen lehenak izango diren enpresa, hedabide, erakunde publiko eta euskalgintzako elkarteen zerrenda; tartean daude, besteak beste, ARGIA, Laboral Kutxa, Euskaltel, Kutxabank, AEK, EiTB, EHE, Azkue Fundazioa, Ikastolen Elkartea, Berria, Euskal Idazleen elkartea, Hamaika Telebista, Gipuzkoako Foru Aldundia eta Udalbiltza.

Kafe Antzokiko agerraldian, proiektuaren koordinatzaile Iratxe Esnaolak zerrendaren aniztasuna azpimarratu zuen eta guztiak “domeinuaren aitzindari direlako merezi duten protagonismoa” eman nahi zietela adierazi zuen.

PuntuEus Fundazioko lehendakari Joan Mari Torrealdaik, orain arte egindako ibilbidea baloratu zuen. Gustura azaldu zen eta aitzindariek proiektuari emandako bultzada ekonomikoa zein sustapenekoa azpimarratu zituen.

Bilboko agerraldian izan zirenek PuntuEus fundazioa zoriondu zuten, euskara, euskal kultura eta Euskal Herria sarean hedatzeko egindako lanagatik . Han izan ziren, besteak beste, Cristina Uriarte Eusko Jaurlaritzako Hezkuntza, Hizkuntza Politika eta Kultura sailburua, Aizpea Goenaga Etxepare institutuko zuzendaria, Mertxe Mugika AEK-ko koordinatzaile nagusia, Michelle Mounios-Adurriaga Hendaiako Herriko Etxeko ordezkaria eta Hekimeneko presidente Iban Arantzabal.

Proiektuaren hurrengo urratsak

Proiektuaren hurrengo fasea irailaren 16an abiatuko da. “.eus” domeinua erabili nahi duten erakunde, elkarte eta enpresek domeinu izenak eskatzeko azaroaren 18ra arteko epea izango dute. Tarte horretan eskaera egiten dutenen domeinu-izena abenduaren 3an, Euskararen Nazioarteko Egunean, aktibatuko da.

Ordutik aurrera, azken fasean, norbanakoek izango dute domeinua eskatzeko txanda.

 


Irakurrienak
Matomo erabiliz
Azoka
Kanal honetatik interesatuko zaizu: .eus domeinua
2022-05-17 | ARGIA
PuntuEus domeinuak hamar urte bete ditu

PuntuEus-ek duela hamar urte abiatu zuen ibilbidea, 92 domeinurekin. 13.000 baino gehiago ditu gaur egun, euskal kultura interneten sendotzen jarraitzeko asmoz.


2020-05-16 | ARGIA
Ni.eus euskarazko e-mail zerbitzua martxan da

Puntueus Fundazioak eta Guebs enpresak garatu dute Ni.eus euskarazko e-mail zerbitzua.


Euskarazko Interneten Eguna egingo dute Azpeitian

Maiatzaren 17an ospatuko den Informazio Gizartearen Nazioarteko Egunaren harira Euskarazko Interneten Eguna antolatu dute PuntuEUS Fundazioak eta Kulturaz Kultur Kooperatibak. Sarean euskararen erabilpena sustatzea izango du helburu.


2015-11-05 | ARGIA
.eus munduko domeinu berri onenen artean

2014an sareratu ziren eta martxan dauden 783 domeinu berrietatik 4. postuan dago. Argia.eus 12. da “konfiantza-fluxu” onena duten webguneen artean.


Eguneraketa berriak daude