Sarek salatu du “argudio faltsuak” erabiltzen ari direla euskal presoei hirugarren graduak atzera botatzeko
Joseba Arregi oñatiarra espetxera itzuli duten seigarren presoa da, astelehenean Auzitegi Nazionalak atzera bota diolako 3. gradua. Sare Herritarrak salatu du fiskaltza “salbuespenezko jarrera eta politikak” erabiltzen ari dela presoen etxeratzea oztopatzeko. Abenduaren 10ean manifestazioa egingo dute Durangon.
Astearte goizean Sare plataformak prentsaren aurrean azaldu du nola dagoen euskal presoen gradu progresioen egoera, eta ohartarazi du justizia “ultraeskuin politikoaren arma juridiko” bihurtu dela, salbuespenezko espetxe politikarekin segitzeko.
Orotara 32 euskal presori eman diete gradu aldaketa, 2.etik 3.era, eta kartzela utzi ahal izan dute. Baina Espainiako Auzitegi Nazionaleko Fiskaltzak errekurtsoak aurkeztu ditu, Espetxe Zaintzako Epaitegi Zentralak (EZEZ) graduak lehengoratzen hasi da, eta jada sei preso dira atzera kartzelara itzuli behar izan dutenak. Astelehenean izan da azkena: Joseba Arregi oñatiarra Martuteneko kartzelara itzuli da, otsailean eman zioten 3. gradua ezeztatuta. 76 urte ditu Arregik, eta 31 igaro ditu espetxean.
Beste hamaika pertsona daude fiskaltzak aurkeztutako errekurtsoaren ebazpenaren zain. Beste lau laguni berretsi egin die 3. gradua EZEZek. Sarek gogorarazi du azken lau horietatik hiruren kasuan fiskaltzak apelazio-errekurtsoa jarri duela: “Fiskaltzaren jarrerak, salbuespen-irizpideak saihesteko eta euskal presoak etxera itzultzeko bidea oztopatzeko, ez du mugarik”.
Sarek ohartarazi du fiskaltza argudio faltsuak erabiltzen ari dela graduen progresioak atzera botatzeko. Plataformak baieztatu du 110 presok dutela kondenaren erdia beteta, eta, beraz, horiek guztiak 3. gradua eskuratzeko moduan daudela, Zigor Kodearen 36. artikuluaren arabera.
Blokeoa eta mobilizazioa
Gogor kritikatu dute fiskaltzak ez dituela justizia-irizpideak ardatz, eta ez zaiela axola presoek erakusten duten jarrera edo haien gradu progresioaren alde egiten diren txostenak. Salatu dute “muturreraino” eraman dituztela “prebarikaziozko jarrera judizialak”. Errekurtsoetan aurkezten dituzten argudioak faltsuak direla ziurtatu du Sarek. Besteak beste, fiskaltzak dio presoei “denbora luzea” geratzen zaiela kondena betetzeko, eta horregatik ezin zaiela 3. graduan kartzelatik irtetea baimendu. Gainera, argudiatzen dute aurretik ez dutela espetxe-baimenik izan, eta ezin zaiela bat-batean 3. gradua eman aurrez kalean egon ez badira. “Baina fiskaltza bera da espetxe-baimen horiek onartzearen kontra agertzen dena”, kritikatu dute.
Egoera horren aurka mobilizatzen jarraituko duela jakinarazi du Sare Herritarrak, eta bizikidetza defendatuko duela “haiek konfrontazioaren alde” egiten badute ere. Datorren mobilizazioa iragarri dute: abenduaren 10ean, Durangon, giza eskubideen eguna dela probestuta, 17:30ean Landakotik abiatuko dira espetxe-politika arrunta eta presoen etxeratzea aldarrikatzeko.
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.
Sare Herritarrak antolatuta, pasa den urtarrilaren 11n Bilboko kaleak bete zituen manifestazio jendetsuaren ondoren, berriz sortu da eztabaida, euskal presoei salbuespen legeriarik aplikatzen ote zaion. Gure iritzia azaltzen saiatuko gara.
Espetxe politikan aldaketa nabarmena... [+]
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.