Sarek kanpaina ekonomikoa jarri du martxan, Bilboko manifestaziorik ezean
- "2€=2m2" elkartasun kanpaina aurkeztu du Sarek eta Bilboko manifestazioan urtero jaso ohi duen "ezinbesteko" ekarpen ekonomikoa biltzea du helburu. "Bi metro koadro horiek pertsona batek mobilizazioetan kalean hartuko dituenaren parekoak dira" iragarri du, urtarrilean herrietan egingo diren mobilizazioak aipatuz. Herrietan edo internetez egin daiteke ekarpena.
Urtero Bilboko urtarrileko manifestazioan jasotzen duen ekarpen ekonomikoa "ezinbestekoa" duela dio Sarek, bere lana burutzeko: kalean gizartea aktibatzeko; beste eragileekin elkarlanean jarraitzeko; senide eta biktimekin harremanak garatzeko; eta hitzaldi, bideo eta gainerako ekimenak aurrera eramateko.
Ekarpena herrian edo internetez
Urtarrilan herrietan egingo diren mobilizazioetan egongo da ekarpena egiteko aukera, baita Sarek horretarako prestatu duen webgunean ere.
Hamarnaka mila lagunek Bilboko kaleak bete dituzte larunbatean, euskal preso politikoen eskubideak betearazteko eskatzeko manifestazioan. Sarek gogorarazi du ez direla pribilegioak eskatzen ari eta azpimarratu du “euskal gizarte pluralaren ahalegina” ezinbestekoa... [+]
Eragile sozial, politiko, sindikal eta norbanako ugarik bat egin dute Sare Herritarrarekin, euskal preso politikoek jasaten duten eskubide urraketari amaiera emateko. Urtarrilaren 13an Bilboko kaleak hartzera deitu dute.