Sare plataformaren atzean legez kanpoko antolakunderik dagoen aztertzeko agindua eman du Espainiako Auzitegi Nazionalak. Gaixo dauden presoak aske uztea eskatzeko larunbatean Gasteizen deitutako giza katea dela eta etorri da agindua.
Terrorismoaren Biktimak Babesteko Plataformak jarri du Sareren aurkako salaketa. Larunbateko ekitaldiak “ETArekin kolaboratu edo kide izateagatik zigortutako pertsonak goraipatzeko helburua” duela argudiatuz zuzendu da biktimen elkartea Auzitegi Nazionalera.
Joseba Azkarraga Sareko bozeramaileak Radio Euskadin azaldu duenez, Auzitegi Nazionalean “interesak egon litezke” Sareren atzean zerbait ilegala dagoela ateratzeko.
Azkarragak gaineratu du ulertezina dela bere burua demokratikotzat duen estatu batean presoekin eta haien familiekin elkartasuna modu honetan jazarria izatea.
Dispertsioa mendeku jarrera bat dela ere adierazi du, eta mendeku eta gorrotoarekin jokatuz ezin dela aurrera egin. “Biktimen elkarte batzuk erabat politizatuta daude, eta ezin da utzi gobernuen politikak baldintzatu ditzaten”.
Sare plataformak zabaldutako prentsa-oharrean azpimarratu du bere jarduera “kriminalizatzeko” saiakera bat gehiago dela Auzitegi Nazionalaren agindua, eta “giza eskubideen defentsan” lanean jarraituko duela baieztatu du.
Bi edizio baino ez zaizkio geratzen elkartasun jaialdiari. Antolakuntzak iragarri bezala, ohiko jaialdia eginen dute abenduaren 28an, eta 2025eko uztailean lau eguneko jaialdi berezi baten ostean, agur esateko une gazi-gozoa helduko da. Aritz Colio Hatortxuko antolakuntzako... [+]
2024ko abenduan eta 2025eko uztailean egingo dituzte euskal preso politiko, iheslari eta deportatuekiko elkartasuna ardatz duen musika jaialdiaren azken bi edizioak. “Hatortxu badoa, baina erreminta berriei bide emateko”.
Palestinako umeek ere galdera hori buruan ote duten pentsatu dut gure liburua eskuartean dudala. Zenbat lo falta ote diren genozidioa amaitzeko. Zenbat haur hil ote behar dituen oraindik Israel estatu sionistak munduko estatuen konplizitatearekin.
Beraien amei luzatuko ote... [+]
Torturatu zuten Iratxe Sorzabal presoa eta haren ama ditu protagonista Bi arnas dokumentalak. Duela bi urte abiaturiko prozesua borobiltzeko ekitaldia egin dute eta bide horretan lortutako etekin ekonomikoak bi elkarteri eman dizkiote: Harrera eta Axut! Ekitaldiak une... [+]
Espetxe eskaera AVT biktimen elkarteak egin du eta, horren bidez, presoen ongi-etorriak antolatzeaz akusatutako sei pertsonari bederatzi urteko espetxe zigorra eskatzen zaie.