Sara Fernandezen heriotzaren 15. urtemugan, motibazio politikoko indarkeriaren biktima izenda dezatela eskatuko dute

  • Iruñeko Alde Zaharreko Arrazoiak ekimenak Sara Fernandez gogoratuko du haren heriotzaren 15. urtemugan. Fernandez preso bat bisitatzera egindako bidaia batean auto istripuz hil zen.

Artikulu hau egilearen baimenari esker ekarri dugu.

2018ko urriaren 24an - 09:12
Argazkia: Ahotsa.info.

2018ko azaroaren 29an, 15 urte beteko dira Alde Zaharreko bizilaguna zen Sara Fernandez Esparza, Espainiako Estatuak euskal presoei ezartzen dien sakabanaketa politikaren ondorioz hil zela.

Sakabanaketa politikak 30 urte bete dituen honetan, senideek astebururo euren bizitzak arriskuan jartzen dituztela salatu dute Alde Zaharreko bizilagunek. "Horrelakorik berriro gerta ez dadin, oroimena eta aitortza ariketa egitea ezinbestekoa da. Bereziki, heriotza hau eragin zuen espetxe politikak, giza eskubideak urratzen dituenak, bere horretan dirauenean", esan dute.

"Azken urteotan politikan aro berriak heldu direla entzuten dugu, baina euskal presoek ehunka kilometrotara sakabanatuta jarraitzen dute", gogoratu dute.

Gauzak horrela, eta hamabostgarren urtemuga probestuz, hurrengo asteetan ekimen batzuk garatuko dituzte. Alde batetik, Iruñeko hurrengo udalbatzan Sara Fernandez Esparaza motibazio politikoko indarkeriaren biktima izendatzea eskatuko dute, "orain urte eta erdi Nafarroako Gobernuak egin zuen bezala".

Horrez gain, azaroaren 28an, urtemugaren bezperan, ekitaldi berezia egingo dute arratsaldeko 19:00etan Katakraken "Sararen memoria eta aitortzaren alde". Bukatzeko, Iruñeko egunean, urtero bezala, dispertsioaren aurkako manifestazioa egingo dute Baratxurien plazatik hasita eta Sara Fernandez omenduko dute auzoak eskeinitako txokoan, Aldapa kalean.

Albiste hau Ahotsa.info-k argitaratu du eta CC-by-sa lizentziari esker ekarri dugu ARGIAra.


Irakurrienak
Matomo erabiliz
Azoka
Kanal honetatik interesatuko zaizu: Sakabanaketa
2023-12-07 | Ahotsa.info
Karmele Solaguren sakabanaketa politikaren biktima gogoratu dute Barañainen

Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]


Sara Fernandez preso politikoen senidea biktima gisa aitortzea eskatu dute

“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.


2023-07-28 | Ilargi Manzanares
Hondartzetara eramango dute presoen eskubideen aldeko aldarria abuztuaren 6an

Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.


Pili eta Fontsoren aitortza beharra aldarrikatu dute Laudion

Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]


2023-04-30 | Mati Iturralde
Hogeita hamalau urte igaro eta gero

Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]


Eguneraketa berriak daude