Emakumeak borrokan

Salaketa jarri dio Espainiako Poliziak "Izquierda Diario" hedabideari tortura kasuak argitaratzeagatik, besteak beste

  • 2017an argitaratutako albiste bat dela eta, Espainiako Poliziak hedabide kataluniarraren aurkako salaketa jarri du, Mozal Legea ezartzeko asmoz. Hainbat tortura kasuri buruzko informazioa da artikuluan agertzen dena, baita poliziek jasotako indultuak ere. Salaketa jarri duena Kataluniako Espainiako Poliziaren egungo burua da, Sebastian Trapote. Veronica Landa kazetariari bere irudia iraindu izana egotzi dio.

Miren Osa Galdona @Mirentx_U
2018ko maiatzaren 29a

Izquierda Diariok bere webgunean argitaratutako oharrean zehazten duenez, hedabidearen aurkako neurria da, ez soilik kazetari baten aurkakoa. “Isilarazi nahi gaituzte, baina ez dute lortuko”.

2017ko albisteak tortura kasu ugari biltzen ditu, baita poliziaren kargupean zeuden pertsona batzuen hilketak ere. Azken gertakariotatik epaileek gehienak errugabe jo dituztela dio, eta indultuen bidez, hainbat polizia ukiezinak balira bezala hartzen direla. Diktaduraren eta demokraziaren artean segurtasun indarretako kargu esanguratsuak bere horretan jarraitu izana ere mahai gainean jartzen du, hala nola, frankismo garaiko goi karguek ez zituztela beren postuak utzi trantsizio garaian.

Aipatutako kasuen artean, 1974an atxilotutako lagun baten heriotza kontatzen du. Sebastian Trapote Polizia Nazionaleko buruak tiro batez hil zuen erreportajean jaso dutenez. Epaileak, ordea, kasua artxibatu zuen froga nahikoak izan arren. Urriaren 1ean segurtasun indarrek izandako jarreraren erantzule zuzena ere Trapote dela dio Izquierda Diario hedabideak.

Hedabideak dio “albiste deserosoa” dela agintarientzat, “egia azaleratzen duelako”.  Errepresioaren gainetik, ez direla isilduko nabarmenduko dute eta orain arte egin bezala, “besteentzat gustukoak ez diren gaiak” jorratuko dituztela.

 

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!

Kanal honetan artxibatua: Adierazpen askatasuna

Adierazpen askatasuna kanaletik interesatuko zaizu...
Hala Bedik Mozal Legearen auzia irabazi dio Eusko Jaurlaritzari

Mikel Saez Buruaga kazetariak Ertzaintzari eta Eusko Jaurlaritzaren segurtasun sailari irabazi die epaitegietan, Hala Bedik informatu duenez. Cristina Ruiz Oteiza epaileak Mozal Legea erabiliz jarri zioten isuna bertan behera eta eraginik gabe utzi du. Hala Bediko kazetariari telefono mugikorra apurtu eta 602 euroko isuna jarri zioten Errekaleor auzo autogestionatuan argindarra moztu nahian Ertzaintza egiten ari zen operazio baten berri ematen ari zela. Irrati libreko kideek epaitegietara jo... [+]


Kristinn Hrafnsson, Wikileakseko zuzendaria: "Kazetari erradikala zara edo ez zara kazetaria"

Julian Assange polizia britainiarrak atxilotu aurretik da Kristinn Hrafnsson islandiarra Wikileakseko zuzendari berria. ikerketa kazetaritzan trebatua, ziur dago Neo-McCarhtysmo berri batek kazetaritzaren kontrako gerra hedatu duela. Assange AEBetara estraditatzeko agintariek ustez daukaten erabakia, Wikileaksen kontrako auzia oraingoz sekretuan martxan dagoena, Chelsea Manning berriro espetxeratzea... arazorik ez du falta irailetik Wikileakseko zuzendari denak.


2019-04-11 | ARGIA
Ekuadorko Gobernuak Julian Assange entregatu dio Londreskoari

Wikileakseko fundatzaile Julian Assange polizia britainiarrak atxilotu du gaur goizean, Ekuadorko Gobernuak aterpe politikoa kendu eta Londresko agenteei baimendu dienean enbaxadan sartzea.


2019-03-05 | ARGIA
MANIFESTUA
Kazetaritza ez da delitua

ARGIAko kazetari baten aurka salaketa jarri dute bi ertzainek, hizkuntz eskubideen urraketa bat tarteko gertatu zen identifikazio baten harira publikatutako informazioa eta bideoagatik. Martxoaren 20an deklaratu beharko du Lander Arbelaitzek. Egun horretarako kontzentrazioa deitu dugu eta epaiketa bidegabea bertan behera uzteko ere eskatzen dugu. Zure atxikimendua eman dezakezu argiak100urte@argia.eus helbidean.


2019-02-27 | ARGIA
Gehiengo sindikalak Zumaiako Udal gobernuari: "Adierazpen askatasuna bermatu, zentsura kutsurik gabe"

ELA, LAB, CCOO eta ESK sindikatuek salatu dituzte Zumaiako Udal gobernuak kartel, pankarta, pegatina eta muralei ezarritako debekuak. Hiru urte bete dira espazio publikoaren erabilerari alde bakartasunez ezarritako debekuak indarren direnetik, eta ordutik herrian polemika ez da eten.


Amarruen hiriburu

Urtebetez espetxeratu zuten Alfredo Ramirez txioak idazteagatik. Beste urtebetez izan da kartzelan Julen Ibarrola, errotuladorez kalean margoketa bat egiteagatik. Galder Barbado eta Aitor Zelaia espetxeratu dituzte 2014 eta 2015ean inoiz gertatu ez ziren erasoak egiteko “materiala gordetzeagatik”.


2019-02-11 | Aiaraldea.eus
Ongi etorri jendetsua egin diote Julen Ibarrola gazteari Amurrion

Igandean atera da espetxetik Julen Ibarrola gaztea, errotulkiarekin pintaketa egiteagatik urtebeteko zigorra bete ostean. Eguerdian egin diote ongi etorri ekitaldia Amurrion.


2019-02-06 | ARGIA
Euskaraz informatzen eta Polizia grabatzen jarraituko dugu

Gure lana egitea albiste bilakatu dute beste behin ere, tamalez. Funtzionario publikoen jardun publikoa espazio publikoan grabatu eta publikoki zabaltzea da berriz ere leporatzen diguten “delitua”. Zehatzago, bi ertzainek salaketa jarri dute ARGIAko kazetari baten aurka, 2018ko maiatzaren 21ean Donostian pertsona bati hizkuntza eskubideak nola urratu zizkioten grabatu eta zabaltzeak “iraindu” dituela esanez.


ARGIAren aurkako salaketa eragin duen Ertzaintzaren hizkuntza urraketa agerian
MULTIMEDIA - erreportajea

ARGIA salatu dute bi ertzainek hizkuntza eskubide urraketa batez informatzeagatik. Ertzaintzak uztailaren 27an sinatutako gutun batean barkamena eskatu zuen hizkuntza eskubideak urratzeagatik egun hartan. Orain jakin da ordea, hizkuntza eskubidea urratu zioten pertsonari Mozal Legeaz isuna jarri eta gertatutako grabatu eta zabaldu zuen kazetariari salaketa jarri diotela.


2019-02-05 | ARGIA
ARGIA salatu dute bi ertzainek hizkuntza eskubide urraketa batez informatzeagatik

22125 eta 23044 gisa identifikatu diren bi ertzainek salaketa jarri dute Donostiako Instrukzioko 2. zenbakiko epaitegian, ARGIAko kazetari Lander Arbelaitzen aurka, joan den maiatzaren 21ean Donostian pertsona bati hizkuntza eskubideak nola urratu zizkioten grabatu eta zabaltzeagatik. “Irainak” egotzita bide penaletik salaketa jarri diote eta martxoaren 20an Donostiako epaitegian deklaratu beharko du kazetariak. Ertzaintzak uztailaren 27an sinatutako gutun batean barkamena eskatu... [+]


Azkenak
EGILEA
Eguneraketa berriak daude