ARGIA.eus

2021eko maiatzaren 10a

Ramadanean otoitz eta barau dagi munduaren laurdenak

2002ko urriaren 27a
Pello Zubiria pzubiria@argia.eus Munduko milioika musulmanentzako, azaroaren 6an hasiko da urteko hilabeterik bereziena. Ramadan sasoia da. Egun horietan, barau egingo dute egunsentitik ilunabarrera. Hilabete horretan ospatzen baitute Jainkoak Koranaren lehen bertsoak errebelatu zizkiola Mahoma edo Mohammad profetari. Barne hausnarketa, otoitz eta autokontrol aroa da. Musulmanen egutegian bederatzigarren hilabetea da Ramadana. Egunez barau egin, sarritan otoitza praktikatu, meskitetara gehiago joan eta ahaideak eta betiko lagunak bisitatuz, hilabete horretan musulmanek beren familien komunitatearen barne loturak sendotuko dituzte. Barauak irauten duen orduetan -egunez- ezin du sinestunak ez erre ez sexu harremanik eduki. Egunaren bukaeran baraualdia iftar izeneko errezoarekin batera etengo da, hurrengo egunsentia arte. Baraualdia aurten abenduaren 6an bukatuko da. Ramadana bukatu eta Shawwal izeneko hurrengo hilabeteari bide ematen dion festak Id-al-Fitr du izena (Baraua Hausteko Jaia). Hiru egun iraunen du ospakizun berezi horrek. Islama da azken urteotan sinestun kopuruz gehien hazi den erlijioa. Eta munduko bigarrena da jarraitzaile kopuruan. 1996ko datutan, Asian 1.022 miloi biztanle sinesmen horren barruan zegoen katalogatua, biztanleriaren herena. Afrikan 426 milioi ziren urte horretan, populazioaren % 60 inguru. Guzti horiei Europa, Amerika eta Ozeaniako musulmanak gehituta, mundu osoan 1.482 milioiko kopurua ematen zuen duela sei urte, hau da Lurrak zeuzkan 5.772 milioi biztanleen %26¬. Urteko hazkunde tasa islamarentzako % 6,4koa zen urte horietan, eta beste batekin konparatzekotan, kristauen kopuruak garai berean % 1,46eko hazkundea zeukan. CIAren dokumentaziotik ateratako datu horien gainean, islamaren gune bat baino gehiagotan ikus daiteke gaur egun mundu osoan 1.900 milioitik gora izango direla kalkulatzen dutela. Eta azkenean, Frantzia, Britainia edo Amerikako Estatu Batuak bezalako herrialde aurreratuetan islama da jarraitzaile kopuruz bigarren erlijio nagusia. "Gaitzaren Ardatzaren" kontrako guduan buru-belarri murgilduta azaltzen den AEBen barruan, 140 milioi kristauen artean 10 milioi musulman bizi dira. * Erreportajea osorik irakurri nahi izanez gero egin klik hemen Beste lotura batzuk: - Islama ez-musulmanontzako, gaztelaniaz eta frantsesez. - Muslims-culture, news and issue forums. AEBko Buffaloko gune islamiar aberatsa, link ugarirekin. - Islam For Today. Mendebaldean musulmanen fedea hedatu nahi du. - Islamic World - Islam Search Engines - Korana gazteleraz eta frantsesez - Islam World - Musulmanak munduan herrialdez herrialde - Le Monde Diplomatique-ren Islam dossierra
ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Azkenak

Azkenak
Argia buletina
Egunaren laburpena
zure e-postan
Eguneraketa berriak daude