Nord Stream 2 gasbidea prest dago Europara gasa bidaltzeko, Putinen arabera
Sabotajeen ondorioz kalterik jaso ez duen gasbiderako lotura baten bidez Europa gasez hornitzea posible duela esan du Errusiako presidenteak, baina Europako Batasunaren esku dagoela orain erabakia, The Guardian-ek jaso duenez.
Vladimir Putin Errusiako presidenteak jakinarazi du Errusiak prest duela Europara gasa bidaltzeko Nord Stream 2 gasbidearen lotura bat, The Guardian hedabidean irakur daitekeenez. Hoditeria horrek ez du kalterik jasan azken asteetako sabotajeetan, eta martxan dago jada. Errusiako Energia Astearen nazioarteko foroan eman du Putinek albistea.
Nord Stream 2 gasbideko kalteak ere konpontzeko aukera dago, baina horretarako Europako Batasunak baiezkoa eman behar duela gogorarazi du: “Errusiak prest ditu gasa bidaltzeko mekanismoak; EB horietaz baliatu nahi bada, iturria irekitzea besterik ez du”.
Europak negurako espero duen energi krisiaren harira, Putinek gehitu du Errusia ez dela prezioaren garestitzearen errudun, baizik eta Europa bera izan dela mundu mailako krisi energetikoa sorrarazi duena, eta gainera, herrialde pobreenak izango direla prezio altuak gehien sufrituko dituztenak.
Energia krisiak eta Ukrainako gerrak hauspotuta, Gas Natural Likidotua (GNL) bihurtu da munduko lehengai estrategiko eta preziatuenetakoa. AEBetako hegoaldean gasa modu horretan biltegiratu eta esportatzeko planta erraldoiak egin asmo ditu industriak, baina Joe Bidenen gobernuak... [+]
"Elite ekonomiko baten pribilegioak iraunarazten diren aldi berean, konponbide faltsuak eskaintzen dizkigute, egiazko konponbideek beharko luketena onartu gabe: oligarkia energetikoa erabat auzitan jartzea, hazkunde ekonomikoaren aginduarekin haustea, gure eredu produktibo... [+]
Berdeago Azoka egingo dute martxoaren 22tik 24ra, Durangoko Landako Gunean. Energia-eraginkortasunaz eta kontsumo arduratsuaz kontzientziatzeko helburua du Jasangarritasunaren Euskal Azokak, ingurumena babesteko irtenbideak tarteko.
Fisikan lizentziatua eta Filosofia doktore, Gasteizen du ohiko bizitokia Adrián Almazánek (Madril, 1990), baina egun Madrilgo Carlos III Unibertsitatean ematen ditu klaseak. Digitalizazioak ingurumenean, energian eta gizartean sortzen dituen eraginak izan ditu... [+]