Emakumeak borrokan
Kataluniako erreferenduma

Puigdemont: "Europak erabaki beharko du, eta pentsaezina litzateke demokrazia ez aukeratzea"

  • Kataluniaren independentziari buruzko erreferendumaren harira, estatu demokratiko serio batean Espainiako Gobernuaren jarrera onargarria ote den galdetu du Carles Puigdemont Kataluniako presidenteak Europako Parlamentuan. Auzi horretan “Europak irtenbidearen parte izan behar duela” adierazi du, eta ezin dituela begiak itxi errealitate horren aurrean.   

Ainhoa Bretos @ob_ainhoa
2017ko urtarrilaren 25a
Puigdemontek esan duenez, Madrildik erantzunik jaso ezean, herritarrek emango diote balioa erreferendumari (Arg: RTVE)

Erreferenduma herritarren nahia ezagutzeko mekanismorik “argiena, indartsuena eta onartuena” dela esan du Puigdemontek Bruselan. Haren ustez, auzi horretan jokoan dagoena ez da independentzia, demokrazia baizik. Hori dela eta, Europaren arazoa ere badela azpimarratu du presidenteak, eta horrenbestez, “ezin duela beste leku batera begiratu”.

Katalunian independentziaren aldeko jarrerak nabarmen egin du gora, presidentearen hitzetan: “Milioi eta erdi pertsona irten dira kalera Diada egunean. Eta ez behin, sei aldiz baizik”. Horrez gain, Kataluniako Parlamentuan ere igoera hori islatu dela azaldu du, duela bost urte hamalau diputatu independentista baitziren, eta orain 72, Legebiltzarreko gehiengoa.

Galdeketa bat adosteko bost bide proposatu ditu Kataluniako Gobernuak. Puigdemontek esan duenez, Madrildik erantzunik jaso ezean, herritarrek emango diote balioa erreferendumari. Horrez gain, balizko independentziaren ostean Katalunia Europar Batasunaren parte izatea aldarrikatu du.

Jordi Sole (ERC), Josep-Maria Terricabras (ERC) eta Ramon Tremosa (PDeCAT) eurodiputatuek antolatu dute ekitaldia, eta bertan aritu dira hizketan Carles Puigdemont, Oriol Junqueras Kataluniako presidenteordea eta Raul Romeva Generalitateko Atzerri Kontseilaria.

ARGIAn egiten dugun kazetaritza independenteak bultzada merezi duela uste duzu?

Informazio askea lantzen dugu ARGIAn, langileok gara proiektuaren jabeak eta gure informazioen atzean ez duzu sekula multinazionalik, bankurik edo alderdi politikorik topatuko. Gure ustez, burujabetza guztien oinarrian dago informazio burujabetza, ezagutzen dugunaren gainean pentsatzen eta erabakitzen dugu. Horregatik diogu kazetaritza independentea dela demokraziaren oinarrietako bat.

Aldizkaria paperean etxean edo e-postan PDFan jaso nahi duzu? Pozik hartuko zaitugu ARGIAko komunitatean. ARGIAkoa izateko, nahi eta ahal duzun ekarpena egin dezakezu, eta bueltan egoki ikusten duzuna eskatu. Indartu dezagun indartzen gaituena!


Katalunia independentziarantz kanaletik interesatuko zaizu...
2019-04-09 | ARGIA
TV3 eta Catalunya Radio, auzipetuen aulkian

Urriaren 1eko erreferendumarekin loturan, bi hedabideotako zuzendariak auzipetu dituzte. Orotara 32 dira auzipetuak.


2019-04-09 | Z. Oleaga
Herritarren boteretzearen kronika amaitu gabea

Hala Bedi, La Directa, ARGIA: hiru komunikabide independiente bildu ziren maiatzaren 5ean Gasteizen. Aitzakia, ARGIAren mendeurreneko ospakizunak; tokia, Hala Bediren lokal berria; zitaren xedea, prozesu katalanaz ikastea La Directako Jesus Rodriguez kazetariaren eskutik. Hamarnaka pertsonek entzun zituzten Rodriguezen hausnarketak, katalanez edo euskarara itzuliak, Maria Coleraren, Itzulipurdika kolektiboaren eta EHNE sindikatuaren laguntzari esker.


2019-04-07 | Z. Oleaga
Jesús Rodriguez, La Directa-ko kazetaria
"Eraldaketa sozialaren borroka eta independentzia erabat lotuta doaz egun"

Jesús Rodriguez Selles pertsona ezaguna da Kataluniako kazetaritzan. 1996. urtetik ari da informazioaren munduan lanean eta militatzen, beti ere prentsa konprometitu eta tokikoaren lubakitik. Hamabost urte dira La Directa komunikabidearen oinarriak jartzen hasi zela hainbat kiderekin batera. Apirilaren 5ean Gasteizen izango da, ARGIAk eta Hala Bedi irratiak elkarlanean antolatutako hitzaldian hizlari. Elkarrizketa hau ere bi hedabideotan aurkituko duzu, Hala Bedin irrati-elkarrizketa... [+]


2019-04-04 | ARGIA
Lazo horiak kendu dituzte ertzainek legebiltzarreko leihoetatik, Bakartxo Tejeriaren aginduz

EH Bilduren bulegoan zeuden jarrita preso katalanen aldeko ikurrak. Eraikineko segurtasun zerbitzuek kendu dituzte Eusko Legebiltzarreko presidente Bakartxo Tejeriaren ebazpen bati jarraiki.


2019-04-02 | Xabier Letona
Espainiako Polizia CUPeko zuzendaritzan zelatari bat sartzen saiatu zen

2017ko udaberrian izan zen, urriko erreferendumaren aurretik eta infiltrazioaren helburua kontsultari buruzko datuak biltzea zen, Kataluniako La Directa hedabideak jakinarazi duenez.


2019-04-02 | ARGIA
"Kataluniako prozesua eta garaipenaren ikasbideak" hitzaldia apirilaren 5ean Gasteizen

La Directa hedabideko Jesús Rodríguez kazetari zailduak emango du, 18:30ean Hala Bediren lokalean. Hala Bedik eta ARGIAk elkarlanean antolatu dute eta ARGIAren mendeurrena ospatzeko ekitaldietako bat da.


2019-03-27 | ARGIA
Torraren aurkako kereila jarri du Kataluniako Fiskaltzak, desobedientzia egotzita

Hauteskunde Zentralaren aginduak “kontzienteki eta apropos” aintzat ez hartzeagatik eta Generalitateko eraikinetatik preso politikoen aldeko xingola horiak garaiz ez kentzeagatik, desobedientzia leporatu dio Fiskaltzak Quim Torra presidenteari.


2019-03-24 | Karmelo Landa
Zer aldatu da, zer alda daiteke?

Sendo itxura ematen duten egitura politikoak ere ez dira betiko izaten. Europar Batasuna kilin-kolon dabil. Espainiako Estatua, berriz, zalantza-balantzan. Zer aldatu da, bada? Euskarriak.

Estatu espainiarrari begira, 78ko Erregimena deituak bi operazio nagusi burutu zituen finkatze-bidean. Bata, langile mugimendua integratzera abiatua, ezkerreko alderdiekin eta sindikatuekin itunak egin,  haiek estatu zaharberrituaren muga estuetara erakarriz. Bigarrena, aldiz, estatu barruko nazioak... [+]


2019-03-24 | Saioa Baleztena
Betona Comín. Duintasuna aldarri
"Errepresioaren lehen erronka betidanik izan da banaketa"

Frankismoak jazarritako Alfonso Comín kazetari eta politikariaren alaba, eta Toni Comín ERCko diputatu erbesteratuaren arreba da Betona Comín (Bartzelona, Herrialde Katalanak). Mundu duinagoaren aldeko borrokan, Giza Eskubide Zibilen Aldeko Elkarte Katalaneko kidea, ANCko idazkari nazionala eta Omnium Culturaleko bazkidea da.


Azkenak
EGILEA
Eguneraketa berriak daude