Puerto III: oraindik hamabi euskal preso daude Espainiako espetxerik gaiztoenean
Ez da kasualitatea Puerto de Santa Mariako Puerto III espetxean gertatu izana. Xabier Reyk ustez bere buruaz beste egin duen presondegia famatua da bere erregimen izugarri gogorragatik. 2013an Europako Kontseiluaren Torturaren Aurkako Batzordeak ikerlan batean nabarmendu zuenez, espetxeko funtzionarioek tratu txarrak ematen dizkiete bertako presoei.
Gertatzen da, nahiz eta ez gehiegitan, Madrilgo norbaitek memoria hobea edukitzea euskal presoen kontrako zanpaketaz euskaldunok baino. Kaosenlared hedabideari eskertu behar diogu herritarrei gogorarazi izana 2013an Europako Kontseiluaren Torturaren Prebentziorako Batzordeak Espainiako gobernua ohartarazi zuela Puerto III espetxean gertatzen diren oinarrizko eskubideen urraketaz.
2013 hartan Andalucía Informaciónek zabaldu zuen Europako Kontseiluaren batzordearen txostenaz APDHA Andaluziako Giza Eskubideen Aldeko Elkarteak egindako agiria, besteren artean hau zioena espetxe honetaz:
"Puerto III-n egoera bereziki kezkagarria da. Nabarmen antzeman zitekeen han dagoen tentsioa eta Batzordeak elkarrizketatutako preso batzuek adierazi zuten funtzionarioek egin ziezazkieketen errepresalien beldur zirela, batzordeko kideekin hitz egite soilagatik. Batzordearen ordezkaritzak ia modulo guztietan bisitatu zituen presoek adierazi zuten jasan zituztela funtzionarioen tratu txarrak, antza denez gertatzen direnak modulo bakoitzeko beheko solairuan kontsulta mendikuaren ondoan dauden saletan, horiek dira telebista zirkuitu itxirik ez daukaten gune bakarrak. (...) Badirudi modulo berezian -15- bereziki problematikoak direla tratu txarrak, batez ere gauetan, disziplina arazoengatik edo ustez taldeko bizimodura ez egokitzeagatik isolamendu erregimenean dauden presoekiko".
Hain zuzen Puerto III-ko modulo berezi hori aipatzen du gaur Garak elkarrizketatu duen Txema Matanzas abokatuak. Matanzasek ondo ezagutzen du, 18-98 auzian kondenatuta bertan pasatu dituelako urte luzeak, besteren artean Xabier Rey hil berriarekin batera. Espetxe horretako gogortasunaren erdian bizirauteko botika ansiolitikoen beharra izan zuela aitortu du Matanzasek. Arantza Zulueta abokatua ere bertan eduki zuten, hiru urtez isolamendu osoan.
Espainiako espetxerik suntsitzaileena den Puerto III-n hamabi euskal preso politikok segitzen dute gaur bertan, albiste honen lehenbiziko idazketan esan arren bederatzi zirela eta beranduago hamar. Etxerat elkarteak bere zerrendan dauzkanak eta Naiz hedabideak aipatutako bi gehiago batuta, hona zerrenda osoa:
Agirrebarrena Beldarrain, Aitor
Barreras Diaz, Oskar
Beobide Arza, Ibai
Bienzobas, Jon
Bilbao, Iñaki
Castro Zabaleta, Manex
Cotano Sinde, Aitor
Dorronsoro Malaxetxebarria, J.M
Enbeita Ortuondo, Joseba
Etxeberrria Garaikoetxea, J Mari
Parot Navarro, Unai
Pastor, Dani
[2018-03-12an editatua]
Kartzelan 27 urte egon eta gero askatasunean geratu dela iragarri du Etxerat elkarteak.
Eusko Jaurlaritzak 2022an eskuratu zuen Zaballako (Araba), Basauriko (Bizkaia) eta Martuteneko (Gipuzkoa) kartzelen gaineko eskumena, eta ordutik uhalen edo eskuburdinen bidez loturik izan dituzten pertsonen inguruko datu batzuk eman ditu Maria Jesus San Jose (PSE-EE) sailburuak... [+]
Nafarroako espetxean dauden pertsonen bizi baldintzak aztertu ditu elkarteak. Ondorioztatu du Nafarroako Gobernua kartzelaren kudeaketaz arduratu beharko litzatekeela.
Espainiako Auzitegi Goreneko Fiskaltzak, Iratxe Sorzabal atxiloturik egon zenean "tratu gizagabeak" eman zizkiotela aitortzen duen epaia baliogabetzea eskatu du, eta berriz epaitu dezatela nahi du, 1995ean Irunen jarritako lehergailu baten harira.
PPk Senatuan proposatu du, gainera, euskal preso politikoek damua erakutsi behar izateko xantaia areagotzea.
Historikoa izan da, Monarkia Espainiarreko epaitegi batek honako ebazpen hau onartu du: "Iratxe Sorzabal zaintzeaz arduratzen ziren funtzionarioek elektrodoak aplikatu zizkioten deklaratzera behartzeko, eta horrek zera dakar, haren oinarrizko giza eskubideak nabarmen... [+]
Antolakunde "antierrepresiboak" ekainaren 7an Amnistia Eguna antolatu du Senperen. Eguna aldarriz josteko, egun osoko egitaraua antolatu dute. Nazioarteko beste erakunde batzuekin eta Aroztegiko Komitearekin mahai inguruak antolatu dituzte.
Ekimena larunbatean abiatuko da, Lesakatik, eta igandean amaituko da, Iruñean. Behin betiko konponbidea eskatzeko eta oraindik etxerako bidea egiteko duten presoen eskubideak aldarrikatzeko, orotara 544 kilometro egingo dituzte. Ekimena aurkezteko agerraldia... [+]
UPNk jarritako salaketa bati erantzunez hartu du erabakia auzitegiak. Apirilaren 17an gazte topagunearen baitan Berriozarren antolatutako "Kurdistan eta Euskal Herriko preso politikoen" aldeko ekitaldia da UPNk bertan behera utzi nahi izan duena "terrorismoaren... [+]
ELA, LAB, ESK, STEILAS, CGT-LKN, CNT, HIRU, EHNE eta ETXALDE sindikatuak, Sarek abiatutako Gotzon SOS kanpainara batu dira. 2019an antzeman zioten gaixotasun genetiko sendaezina 68 urteko preso politiko bilbotarrari. Sindikatuek gaixotasun larriak dituzten presoak kartzelatik... [+]
“Saihestu egingo dira giza eskubideen, ordenamendu juridikoaren eta espetxeetako tratamendu psikosozialaren aurkako balioak eta jarrerak babestea, justifikatzea eta goratzea ekar dezaketen adierazpenak”, dio, besteak beste, agiriak. Azaroan Eusko Jaurlaritzako... [+]
Asteazken eguerdian berreskuratu du askatasuna astigartarrak, zigorra osorik beteta. Espainiako Auzitegi Nazionalak otsailean inputatu zuen ETAren zuzendaritzako ustezko beste lau kiderekin batera, Gregorio Ordoñezen hilketa leporatuta.
Martxoaren 13an lau urte bete dira Fran Balda arbizuarra istripuz hil zela. Preso, iheslari eta deportatuen etxeratzearen alde egin zuen lan, eta haren bost kidek idatzi diote gutun hau.
Frantziako Poliziak 2002an atxilotu zuen zumarragarra, eta 30 urteko zigorra betetzen ari da. Sare Herritarrak mobilizazioa deitu du datorren ostiralerako, Urretxuko Potros Plazan.
Iratxeren Bidasoaldeko Lagunak ekimenak deituta, dozenaka lagun kalera atera ziren atzo Iratxe Sorzabal preso politiko irundarraren absoluzioa eskatzeko eta behingoz etxera ekartzeko, torturak salatzeaz gain.