Preso bat hil da Martuteneko kartzelan, Euskal Herriko espetxeetan hil den bigarrena bi egunetan
Hildakoa 57 urteko gizonezkoa da, eta erizaintzan zegoen. 24 orduan Euskal Herriko espetxeetan hil den bigarren presoa da.
57 urteko preso bat hil da Martuteneko kartzelan (Donostia). Eusko Jaurlaritzako Berdintasun, Justizia eta Gizarte Politiken sailak adierazi duenez, presoa eritzaintzan zegoen min fisikoagatik. Ez diote biolentzia zantzurik aurkitu, eta argitzeke dago zerk eragin dion heriotza. Ikerketa martxan jarri duela jakinarazi du Eusko Jaurlaritzak.
Bigarrena 24 orduan
Azken 24 orduetan Euskal Herriko kartzeletan hil den bigarren presoa da. Izan ere, asteartean 22 urteko gazte bat hil zen Zaballako espetxean (Araba). Kasu honetan ere ikerketa abian jarri dute gaztea zergatik hil den argitzeko. Hala Bedik informatu duenez, presoa zigortuta zegoen, ustez telefono mugikor bat erabiltzeagatik, eta 13. modulora aldatu zuten. Modulo honek espetxeko baldintza okerrenetakoak ditu.
Eusko Jaurlaritzak espetxeen transferentzia bere gain hartu zuenetik, duela bi urte eskas, laugarren heriotza izan da euskal kartzeletan, hirugarrena Zaballako espetxean.
"Gizarteari eragindako kaltea konpontzeko", egunean 3.000 preso ingururi ezartzen dizkiete era guztietako lan behartuak, ordaindu gabe. Gero eta lanordu gehiago bete, orduan eta lehenago aterako dituzte espetxetik.
OIP Presondegien Nazioarteko Behatokiak 2023 urteko bilana aurkeztu du. Abenduaren lehenetik atxilotu dituzten 75.000 pertsonetatik, 50.000 inguru %148,5eko okupazio tasa duten presondegietan dira, eta 2.748 lurrean ezarritako matalazetan lo egiten dute.
Peltierrek 47 urte daramatza kartzelan, FBIko bi agente hiltzea egotzita. Presoak beti defendatu du bere errugabetasuna, eta nazioarteko hainbat erakundek eskatu izan dute bera aske uzteko.