Mehatxuen ondorioz, Madrilen egitekoa zen Euskal Herriko epaiketei buruzko hitzaldia bertan behera
Bertan behera utzi du Madrilgo Euskal Herriko Epaiketa Politikoen Kontrako Plataformak 35/02 eta 26/11 sumarioen inguruan eskaini behar zuen hitzaldia, Gobernuaren eta talde faxisten “presioa” dela eta.
Espainiako Gobernuko Madrilgo ordezkariak ekitaldia debekatzea eskatu zuen, “terrorismoa goratu” zitekeela iritzita.
Bi hizlarik hartu behar zuten hitza Madrilgo ekitaldian: Joseba Permachek, 35/02 sumarioko auzipetu gisa, alegia “Herriko Tabernen auzia” izenez ezaguna den epaiketarengatik, eta Amaia Elkanok, 26/11 sumarioko inputatu bezala, hau da “Gazte Erakundearen kontrako auziko” kide bezala.
Madrilgo Lavapies auzoko Potemkin Zentro Sozial Okupatuan egitekoa zen saioa.
"Askatasun falta" eta "demokrazia eza"
Solasaldiarekin aurrera ez jarraitzeko arrazoiak, antolatzaileen esanetan bi dira: epaiketen prozedurak arriskuan ez jartzea eta antolatzaileen aurkako saioak saihestea.
“Askatasun falta” eta “demokrazioa eza” kritikatu dituzte plataformako kideek. Iragarri dutenez, aurrerantzean lanean jarraituko dute, “Espainiako Audientzia Nazionala betetzen duten epaiketak salatzen”.
Gipuzkoan izan du babes gehien EH Bilduk, eta 2 eserleku gehiago lortu ditu; 135.000 boto baino gehiago eskuratu ditu, eta 5 puntu egin du gora. EAJk eserleku bat galdu du, eta 9rekin geratu da; 4 puntu egin du behera. Donostian boto gutxigatik irabazi du EAJk, eta udalerri... [+]
Larunbatean 100 egun bete ziren Joseba Asiron aginte makilaz jabetu zenetik, abenduaren 28an, Iruñeko Udalaren historiako lehendabiziko zentsura mozioaren bitartez. Lasai hartu du Euskalerria Irratia udaletxeko Harrera Aretoan, egindako lanaz harro. “Hiru hilean... [+]
Iruñeko zein Antsoaingo udaletan EH Bildu dago. Herritar batek errekurtso bat jarri du Antsoaingo Udalean, eta ez dutenez errekurtsoa onartu, Nafarroako Administrazio Auzitegira jo du.