Antéparak eta PPk adierazi dute Luxury enpresari hiru espediente ireki izanaren arrazoi bakarra udalaren jakinarazpen okerrak izan direla. Gustavo Antépara presidente den enpresa espedientatu duen udal departamentuko bi langilerekin hitz egin du ARGIAk, bakoitzarekin aparte. Biek gertutik ezagutzen dituzte azken hilabeteetan Luxury eta udalaren artean egon diren tirabirak. Udal langileek, batetik, ukatu egin dute PPk esandakoa; eta, bestetik, adierazi dute departamentuan “haserrea” dagoela Luxuryren jarduteko modua dela eta.
Gasteizko Udaleko Lurraldearen eta Klimaren Aldeko Ekintzaren Saileko langileak dira biak, eta batek ardura postua du. ARGIAk beraien hitza jaso nahi izan du, Antéparak eta PPk departamentua egin dutelako Luxuryk Pintore eta Korre kaleko etxebizitzetako obrekin izan dituen arazoen erantzule. PPko Gasteizko komunikazio arduradunak ARGIAri azaldu dionez, Antéparak alderdiari esandakoa ontzat hartuz, departamentuak Luxuryri irekitako hiru espedienteak “txarto notifikatuta” daude: “Ez ziren bitarteko digitalak erabili, eta ez ziren bidali posta helbide zuzenera”.
PP eta Antépara faltsukerian berriz ere
PPren esanetan, udalak jakinarazpenak bidali zizkion Luxuryri, baina Luxuryk ez zituen jaso, eta hortik etorri dira espedienteak eta bestelako santzioak. Argudioak ez du logikarik, obrak egiteko Luxury baita lehen pausoa eman behar duena –baimenak eskatu– eta ez udala. Edonola dela, komunikazio arduradunak azaldu du Luxuryk alegazioak aurkeztu dituela hori argudiatuta. Departamentuko bi langileek PPren esana ukatzen dute erabat, eta ARGIAk argitaratuko informazioa berretsi: PPk bestelako informazio faltsuak ere eman dizkie kazetariei Antépara errugabetu nahian.
Espedienteen jatorria ez dago erantzun gabeko notifikazioetan, baizik eta Udaltzaingoak etxebizitzetara aurreabisurik gabe egindako inspekzioetan
Espedienteen jatorria ez dago erantzun gabeko notifikazioetan, baizik eta Udaltzaingoak etxebizitzetara aurreabisurik gabe egindako inspekzioetan, zeinetan eraberritze obra lan integralak egiten ari baitzen Luxury, aurretik inongo baimen eskaerarik egin gabe. Pintore kaleko etxebizitzetan esaterako, auzokideak izan ziren Udaltzaingora deitu zutenak azaroaren 21ean “ustezko legez kanpoko obrak” egiten ari zirela susmatuta. Udaltzaingoaren txostena oinarri ireki zizkion Lurraldearen eta Klimaren Aldeko Ekintzaren Sailak espedienteak Luxuryri azaroaren 25ean.
Bestetik, bi langileek ziurtatu diote ARGIAri Luxuryren eta departamentuaren artean komunikazio ugari eta ezberdinak izan direla, ez bakarrik idazkien bidez, baita telefonikoak ere –Antépararekin zuzenean ere bai, ardura postua duen langilearen esanetan–. “Lizentziak jakinarazi ditugu, espedienteak ireki ditugu, obra txikiak izapidetu ditugu, errekerimenduak egin dira, erantzun digute...”, laburbildu du arduradunak (Beheko irudietan komunikazio horietako batzuen dokumentuak).
Haserrea Gasteizko Udalean
Bi langileek diote departamentuan “haserrea” dagoela Luxuryren jarduteko moduarekin. “Kosta zaigu antzematea zer ari diren egiten eta nola jokatzen duten, baina egin dugu”, dio langileetako batek. Langile eskasia dela da horrelako portaerak antzeman eta moztea zaila egiten duena, langilearen esanetan. Haserreak jatorri ezberdinak dituela azaldu dio ARGIAri arduradunak. “Pikarokeriaz” jokatzea leporatu dio Luxuryri, adibidez, obra txikietarako baimena eskatuz obrak eraikin oso bati eragiten diotenean. Edo departamentua “nahasarazten” saiatzea, baimenak etxebizitza erabilerarako eskatuz itxura guztien arabera turistei alokatzeko erabiliko direnean. “Hotel edo ostatu proiektu bat aurkeztu baligu begiratuko genuke posible den, bada hori saiatzen ari den jendea”.
"Kosta zaigu antzematea zer ari diren egiten eta nola jokatzen duten, baina egin dugu"
Are gehiago: Luxuryk gezurra esan dio udalari idatziz. Pintore kaleko atarirako proiektu memoria aurkeztu zuen otsailaren 7an, eta honakoa irakur daiteke “eraikinaren erabilera” atalean, atariko etxebizitza guztiez ari dela: “Eraikinaren erabilera berezkoa etxebizitzarena da, eta beheko solairuan lokal bat du. Ez da aldatzen”. Erabilera turistikoa ukatzen du, hortaz, 2021etik behintzat turistei alokatzen ari bada ere. Behean dokumentua:
Etxebizitza turistikoak
“Tirabira” izan dute departamentuak eta Luxuryk, enpresak Pintore kalean jabetzan duen atariarekin (4 etxebizitza lau solairutan), arduradunaren esanetan: “Luxuryk eraikin osorako proiektu bat aurkeztu zuelako kontzeptualki etxebizitza turistikoetarako zena, eta esan zitzaion, ‘ez, ez, niri etxebizitzak egin behar dizkidazu, gero borrokatuko zara ea etxebizitza turistikoak bilakatzea duzun edo ez”. Ordea, Pintore kaleko hirugarren solairuan departamentuak geldiarazita zituen obrentzako baimena eman berri diola dio, “etxebizitza izateko”, azpimarratu du, bestelako susmoa badute ere departamentuan: “Batzuekin eta besteekin hitz egiten dudanean, esaten dugu: ‘Edo promotoreak dira eta gero alokairuan jarriko dituzte, edo badago beste gauzaren bat. Baina usain txarra du’”. Bestelako susmoa ere badu arduradunak: “Lobby antzeko bat dagoela ematen du hor, Arabatur elkartearekin...”.
"Haserrea dago, lizentzia batzuk ematen ari garelako, jakinda atzean beste gauza batzuk egon daitezkeela"
Orduan, zergatik eman baimenak? Argi mintzatu da arduraduna: “Haserrea dago, lizentzia batzuk ematen ari garelako, jakinda atzean beste gauza batzuk egon daitezkeela. Baina guk, zentzu horretan, hotzak izan behar dugu. Niri etxebizitza bat berritzeko baimena eskatzen badidate, susmoa izan arren, ezin dut besterik egin. Beste gauza bat da ari badira etxebizitza turistikoak publikoki iragartzen [ARGIAk argitaratutako erreportaje honek frogatu duen gisan]. Ez dakidana da nola ez dituen Turismo Sailak harrapatu [Turismo Sailak ematen ditu etxebizitza turistikoen lizentziak]”.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Foru Legebiltzarraren arabera, “oinarrizko eskubideak eta askatasunak murrizten dituen legea da, eta zigor-atal neurrigabea du, demokrazia aurreratu bati ez dagokiona”.
Bizkaiko Probintzia Auzitegiak amnistia aplikatu die Kataluniako prozesu independentistarekin lotutako mobilizazio batengatik kondenatutako lau gazteri. Kataluniarekin elkartasun ekimenengatik herritar gehiago ere zigortu zituzten Euskal Herrian 2011 eta 2023 artean, bide... [+]
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Solaria enpresaren Zierbena 2, 3 eta 4 proiektuak lurraldean luketen eragina “onartezina” dela diote aldundiaren txostenek. Jaurlaritzak hartuko du azken erabakia, behin alegazio epea amaituta. Solariak gutxienez 25 parke fotovoltaiko ezarri nahi ditu Araban. Urrian... [+]
Mikel Jauregi sailburuaren esanetan Eusko Jaurlaritzak ez du "inolako arau hausterik atzeman" Ekondakinek Zubietako erraustegitik Artaxoako zabortegira bidalitako lixibiatuetan. Hala, ez du sozietate publikoa zigortuko, Nafarroako Gobernuak eskatu bezala.
Guardia Zibilak 18.000 euro baino gehiago bideratu ditu aurten kautxuzko bolak erostera, "istiluen kontrako" materialaren barruan. Itsas Armadak, berriz, gomazko 1.500 pilota erosiko ditu. Poliziak erabiltzen dituen bitartekoak erregulatzen dituen araudia ez da... [+]
Bilboko itsasadarraren bi aldeak ur azpitik lotu gura dituen tunela egiteko asmoa du Bizkaiko Foru Aldundiak, baina makroproiektuaren kalteak eta gastatuko den dirutza kritikatzen ditu Subflubiala Ez plataformak. Kanpaldia deitu dute asteburu honetarako, proiektua bertan behera... [+]
Altsasuko karrozeria enpresak hartzekodunen aurrekonkurtsoa aurkeztu du eta aholkularitza baten txostenaren arabera, "pertsonala soberan dago". Uztailaren hasieran Volvorekin hitzartuta zuen kontratu bat bertan behera geratu zen eta enpresak finantziazio behar larriak... [+]
Euskal Burujabetzaren Barometroaren seigarren neurketa aurkeztu dute asteartean Donostian. Euskal Herriarekiko atxikimendua da nagusi oro har, baina Nafarroan Nafarroarekikoa gailentzen da. Euskara ez dago euskal sentimendua azaltzeko gako nagusien artean, baina gaztelera eta... [+]
Gobernu berriak sorkuntza indartzeko asmoa adierazi du, "batez ere emakumeena eta euskaraz eginikoa". Sailburu berriak esan du aurreko gobernuak onartutako Plan Estrategikoa izango dutela ardatz, baina dokumentu horrek "euskarazko eskaintza handitzea"... [+]
Aurreko urtearekin alderatuta %80 igo da etxegabeei arreta emateko aurrekontua.