PPk Herri Ekimen Legegilea (HEL) desitxuratu duela salatu du Hipotekak Kalteturiko Plataformak (PAH gaztelaniaz). Plataformaren ustez, ostiralean PPk Espainiako Parlamentuan aurkeztutako proposamenak ez ditu aintzan hartzen herri ekimenean adostutako puntuak. Horregatik, gizarte larrialdi egoera hau baretzeko, HELa guztiz bideratzeko eskatu dute komunikatu batean.
Hiru helburu nagusi ditu PAHk aurkeztutako HELak: etxearen truke zorra barkatzea, hipoteka zordunen ohiko etxeen etxegabetzeak gelditzea eta kaltetutako pertsonak alokairu sozialaren bitartez etxebizitza mantentzea.
Komunikatuan salatu dutenez, PPk bere proposamenean hiru eskakizun horiek hutsaldu ditu. PAHren arabera, zorra kitatzeko ezinezko sistema aurkeztu dute, eta etxegabetzeak gelditzeko baldintzek pertsona asko uzten dituzte kanpoan. Esaterako, “hiru urte baino gutxiagoko seme-alaba bakarra duen familia baten kaleratzea geratuko lukete, baina ez bost urteko bi dituen batena.” Alokairu sozialari dagokionez, PPk ez du aukera aztertu ere egiten.
PAHk adierazi du hipoteka exekuzio prozesuak kaltetuta dauden pertsonak iraindu dituela PPk, eta modu horretan onartzen bada “milaka eta milaka herritar pobreziara eta bazterketara kondenatuko” dituela.
Eskakizunak bete arte, PP presionatzen jarraituko duela azpimarratu du PAHk.
Etxegabetze kopuruak gora
Espainiako Botere Judizialaren Kontseilu Nagusiko presidente Gonzalo Molinerrek azaldu du 2012 amaieran 198.076 etxegabetze zeudela izapidetzeko zain. Halaber, iaz kopurua %134 igo zen. Horietako gehienak bigarren etxebizitzak edo lanerako egoitzak direla uste duen arren, Molinerrek azpimarratu du ezin dela zehazki jakin ze motatakoak diren.
Babes Ofizialeko Etxebizitzetan bizi dira familiak, eta La Caixak ez dizkie alokairu-kontratuak berritu nahi. Bilboko Etxebizitza Sindikatuak salatu duenez, bizilagunak kaleratuz, "alokairu sozialetatik aberasten da" banketxea. "Etxegabetzeak berehala eta... [+]
EAJren asmoa da legezko aldaketa azkar bati ekitea, 48 orduko epean etxegabetzeak egin ahal izateko etxebizitzak okupatzen diren kasuetan.
Bilatu dituzten beste etxeetako jabeek ez diete etxerik alokatu nahi izan familia ugaria, soldata bakarra eta atzerritar jatorrikoak izateagatik.
Pasaiako portuko langileen familiak bizi diren Trintxerpeko etxebizitza bloke bat bota nahi dute Pasaiako Portu Agintaritzak eta Euskal Trenbide Sareak, 400 metro inguruko trenbide zati bat egiteko. Lau hilabetetan etxea utzi behar dutela ohartarazi diete.