Poliziak hutsarazi egin du errefuxiatuei babesa emateko Frankfurten okupatutako etxea
Errefuxiatuei eta etxegabeei babeslekua eskaintzeko asmoz eraikin bat okupatu du Frankfurteko “Project Shelter” mugimenduak ostegun iluntzean. Alabaina, poliziak ordu batzuen buruan hutsarazi du.
Frankfurter kazetak argitaratu duenez, agenteek gogor egin dute etxean eta inguruetan zeudenen kontra, borrak eta piperbeltz espraiak erabilita. Aktibistek adierazi dute guztira 25 bat zauritu izan direla.
Arratsaldean errefuxiatuekiko portaera bidegabea salatzeko eginiko manifestazioaren ostean gauzatu dute okupazioa. 1000 pertsona inguruk errefuxiatuei ongietorria ematea eskatu dute. Behin eraikina hartuta, jende ugari bildu da etxearen inguruan, balizko hutsarazte agindu baten arriskuaz jakitun.
Aktibistek eta eraikinaren jabe den ABG Frankfurt eraikuntza enpresak negoziazioak abiatu dituzte gaualdean. ABGk ultimatuma eman die, esanez etxea berehala utzi ezean kargu kriminalak aurkeztuko zituela. Ordubete geroago poliziak eraikina hutsarazi du.
Polizia iturriek adierazi dute “jada baketsua ez zen” protestarekin amaitu dutela. Aktibistek, ordea, ekintza guztiak baketsuak izan direla nabarmendu dute.
Jende babesgabearentzako gune autogestionatu bat eratzea zuten helburu
“Project Shelter” ekimenaren intentzioa errefuxiatu, etxegabe eta bestelako kolektibo baztertuei zuzenduriko gune autogestionatu bat eratzea zen. Taldeko kideek nabarmendu dute horrelako leku bat jende babesgabearentzat babesleku ez ezik, egungo baldintzak aldatzeko akuilu ere badela. Etorkin eta errefuxiatuen integrazioa sustatzeko eta egun “nonahi” topa daitezkeen gorrotozko mezuei aurre egiteko hainbat proiektu zituzten aurreikusirik.
Taldeko kide Jakob Dettmarren esanetan, hilabete luzez “konpromezu faltsuak” aditzen egon ondotik, jarrera aktiboa hartu dute. “Jendea bizi den baldintzetan bizita, ezin gintezkeen, eta ezin gaitezke besoak gurutzaturik gelditu”, azaldu du. “Guk okupazioa protesta egiteko zilegizko modu bezala erabili dugu, babesik gabeko jendea defendatzeko asmoarekin”.
Hemen poliziak eraikina hutsarazi duen momentua:
Frankfurt, Germany: Police evicted the new center for refugees...Frankfurt, Germany: Police evicted the new center for refugees. #1012ffm #shelternow
Posted by International Anti-Fascist Movement on Ostegun, 2015.eko Abenduak 10
Europar Batasunean berriki onartu den Migrazio Itunak, asko zaildu dizkie gauzak euren herrialdetik ihesi doazen eta asiloa eskatzen duten pertsonei. Eskuin muturraren tesiak ogi tartean irentsita, migratzaileentzako kontrol neurri zorrotzagoak onartu dituzte Estrasburgon,... [+]
Europar Batasunean migrazio politika gogorragoa ezartzeko ituna onartu du euroganberak, zortzi urtetako negoziazioen ondoren. Hala, eskuin-muturraren ideiei men egin eta arau baztertzaileak erabili ahal izango dituzte hemendik aurrera herrialdeek, kontrola areagotzeko eta... [+]
Migratzaileen kopurua anitz emendatu da Irun eta Hendaia arteko pasabidean. Irungo Harrera Sareak ohartarazi duenez, otsailean 600 pertsona lagundu dituzte, iaz, urte osoan 2.700 izan zirelarik. Iragan urtarrilean, 2.700 etorkin heldu dira Kanariar Uharteetara, egunero 80... [+]
Caminando Fronteras gobernuz kanpoko erakundeak “Monitoreo Derecho a la Vida” txostenaren edizio berrian egindako balantzea da: 6.618 hildako izan dira mendebaldeko Muga Euroafrikarrean; horien artean, 384 haur.
Europako Justizia Auzitegiak (EBJA) erabakia hartu du mugako barne-kontrolak berrezartzeko Frantziako Gobernuaren politikari buruz. Bidasoaren mugan ohikoak diren zenbait praktika. hala nola muga igarotzeko debekuak eta berehalako itzulketak, ez direla legearen araberakoak... [+]