Euskal Irratiek Twitter bidez informatu dutenez, pintaketa naziak agertu dira Lapurdiko hainbat herritan asteazken goiz honetan. "Frantzia lehenbizi, beti zuria" gisako mezuak irakur daitezke Ezpeleta zein Kanbon. Ekintza faxista horien salatzeko elkarretaratzea eginen dute Kanboko herriko etxe aitzinean 19:00tan.

Ipar Euskal Herriko euskarazko irratiek zabaldu duten irudian ikusten denez, hitz horien azpian hiru gurutze zelta ere margotu dituzte –talde neonaziek eta eskuin muturrekoek maiz erabiltzen dituzte sinbolo horiek–.